Молитва о просящих наших молитв

Призри, многомилостиве Господи, на всех молящихся Тебе, сугубо же на всех просящих моих недостойных молитв о себе.

И да ни единаго же молитва, ни единаго же прошение отриновено будет, но соделай им по вере их и пошли им вся благопотребная для души их и благополезная телесем их.

И да будет благость Твоя к ним всеизобильна и неосудеваема ныне, и присно, и во веки веков. Аминь.

Молитва ко Иисусу Христу, нашему Спасителю, о всех людях преп. Парфения Киевского

О безценный Иисусе наш Спасителю, волею Cам обнищавый, да нас по земли ползящих обогатиши спасительным Твоим озарением, обещаваяйся раскаяниях грехов не помянути человеком! Ради язв Твоих святейших, источивших Кровь Твою, дражайшую нам, и несказ анной скорби Матери Твоей, претерпенной при Твоем страдании, помилуй чадолюбною Твоею благостынею и пощади вся человеки, Бога Тя знающия, уснувшия смертным сном до нашего возстания из гробов общаго, и вмести оныя с праведными в рай; на всех же людех земнородных, еще в веце сем скитающихся, покажи пучину Твоих щедрот, и между собою нам, пока в животе есмы странники, подарствуй мир и любовь имети, и в царствие, конца неимущее, внегда приспеет время тому, приими нас – Твое создание, всякого языка и племени, введи же нас во обители блаженнаго Отца Твоего и нашего отечества милаго, идеже избранных жилище и покоище спасенных милосердием Твоим, ходатайства же ради Богородицы, вельми дивно страшной Тайне послужившей, и святых жителей горних, непрестанно Господа и Бога славословящих, в триех Ипостасех Единицу, всея твари управителя. С ними же и аз многогрешный беззаконник радостно восхваляю и с воплем зельным докучаю, глаголя сице: Трисвятый Обладателю всяческих и троичное просвещение омраченных, едино Божество и естество, едино могущество и державство, едино царство и господство. Отче благий, Сыне щедрый, Душе правый, в лицах трех единый, властелин всему, полни суть небеса и вся стихии земли прославленя Твоея чести, и должным долгом достоит пети Тя ко вся веки. Аминь.

О вразумлении ближних и познании ими козней лукавых духов

О Всеблагий Господи! Не хотяй смерти грешника, но хотяй всем спастися и в разум истины приити. Молим Тя, Блаже, предстательством Пречисты Твоея Матери, Заступницы нашея и первыя Ходатаицы, огради раба Божия (имя) от злых бесов, искушающих его, и от лукавых человек и дай ему познать их лукавство. Да воскреснет благодать в душе его, в глубоком греховном сне погруженной, и расточатся врази его, все козни их да исчезнут.
      О, всемилостивая Госпоже! Низложи всю адскую злобу врагов ненавидящих человеческую душу, отврати волю раба твоего (имя) от их лести, воскрыли ю к святейшей воле возлюбленного Сына Твоего и Бога нашего, просвети усыпленную совесть его, да не оскудеет хвала Твоя от устен его, ниже любовь его к Тебе внутрь его; мир мног любящим Тя, Госпоже, души их не узрят вечной смерти во веки.

Молитва к Божией Матери Святителя Гавриила Новгородского об обращении заблудшего

      О, Всемилостивая Госпоже, Дево, Владычице Богородице, Царице Небесная! Ты рождеством Своим спасла род человеческий от вечного мучительства диавола: ибо от Тебя родился Христос, Спаситель наш. Призри Своим милосердием и на сего (имя), лишенного милости Божия и Благодати, исходатайствуй Матерним Своим дерзновением и Твоими молитвами у Сына Твоего, Христа Бога нашего, дабы ниспослал благодать Свою свыше на сего погибающего. О, Преблагословенная! Ты надежда ненадежных, Ты отчаянных спасение, да не порадуется враг о душе его!

 

Молитвы о Церкви и Отечестве

Молитва о мире в Украине

Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем. Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков.

 

Молитва о Православной Церкви, пребывающей в гонениях

Господи Боже, Спасителю наш! К Тебе прибегаем с сокрушенным сердцем и исповедуем грехи и беззакония наша, имиже раздражихом Твое благоутробие и затворихом щедроты Твоя; сего ради Праведный Суд Твой постиже нас, Господи; раздоры и нестроения объяша нас, убийства и кровопролития, вражда и злоба умножишася до зела. Еще же и на Церковь Твою воздвижеся лютое гонение, воеже уставы ея разрушати, учение Закона Твоего попирати, благолепие дому Твоему оскверняти и служителей и благовестников слова Твоего оскорбляти и изгоняти.

Но, Премилосердый Господи, призри с высоты Святыя Твоея на слезныя мольбы нищих и скорбных людей Твоих, преложи гнев Твой на милосердие и даждь нам помощь от скорби.

Вемы, яко от лет древних в годины искушений страна наша токмо верою Христовою от гибели спасашеся, токмо молитвою и слезами покаяния от козней и сетей вражиих избавляшеся. Сего ради во умилении сердца вопием к Тебе: сохрани и ныне Отечество наше от врагов, губящих е, воспламени в сердцах наших любовь к Церкви Твоей Святей и научи нас крепко, даже до смерти, стояти за Святую веру Твою и за славу Имене Твоего Святаго.

О распенших Тя моливыйся, Милосерде Господи, и рабом Твоим о вразех молитися повелевый, ненавидящих и обидящих нас прости, не воздаждь им, Господи, по делом их и по лукавству начинания их, не ведят бо, что творят, но к братолюбивому и благодетельному настави жительству, да обратятся к Тебе, Своему Владыце, и купно с сынами Церкви Твоея прославят Тя, Единаго в Троице Славимого Бога, во веки веков. Аминь.

О Премилосердный и Человеколюбнейший Господи Иисусе Христе, Боже наш, Церкве Зиждителю и Хранителю. Воззри благосердным оком Твоим на сию, люте обуреваемую напастей бурею. Ты бо рекл еси, Господи: «Созижду Церковь Мою, и врата адова не одолеют ее». Помяни обещание Твое неложное: «Се Аз с вами есмь до скончания века». Буди с нами неотступно, буди нам милостив, молит Тя многострадальная Церковь Твоя. Укрепи нас благодатию и любовию Твоею: заблуждающия обрати, отступившия вразуми, ожесточенныя умягчи. Всякое развращение и жизнь, не согласную христианскому благочестию, исправи. Сотвори, да вси свято и непорочно поживем, и тако спасительная вера укоренится и плодоносно бо в сердцах наших пребудет. Не отврати Лица Твоего от нас, не до конца гневающийся, Господи. Воздаждь нам радость спасения Твоего. Всякую нужду и скорбь людей Твоих утоли, отри слезу от лица плачущих. Огради нас всемогущею силою Твоею от всяких напастей, гонений, изгнаний и заключений, да Тобою спасаемые достигнем пристанища Твоего Небесного и тамо с лики чистейших Небесных Сил прославим Тебя, Господа и Спасителя нашего со Отцем и Святым Духом, во веки веков. Аминь.

Разные молитвы

Молитва перед началом всякого дела

Царю́ Небе́ сный...

Благослови́, Го́ споди, и помоги́ мне́, гре́ шному, соверши́ ть начина́ емое мно́ ю де́ ло, во сла́ ву Твою́.

Го́ споди, Иису́ се Христе́, Сы́ не Единоро́ дный Безнача́ льнаго Твоего́ Отца́, Ты́ бо ре́ кл еси́ пречи́ стыми усты́ Твои́ ми, я́ ко без Мене́ не мо́ жете твори́ ти ничесо́ же. Го́ споди мо́ й, Го́ споди, ве́ рою объе́ м в души́ мое́ й и се́ рдце Тобо́ ю рече́ нная, припа́ даю Твое́ й бла́ гости: помози́ ми́, гре́ шному, сие́ де́ ло, мно́ ю начина́ емое, о Тебе́ Само́ м соверши́ ти, во и́ мя Отца́ и Сы́ на и Свята́ го Ду́ ха, моли́ твами Богоро́ дицы и все́ х Твои́ х святы́ х. Ами́ нь.

Призывание помощи Духа Святаго на всякое дело доброе

Тропарь, Глас 4

Тво́ рче и Созда́ телю вся́ ческих, Бо́ же, дела́ ру́ к на́ ших, ко сла́ ве Твое́ й начина́ емая, Твои́ м благослове́ нием спе́ шно испра́ ви, и на́ с от вся́ каго зла́ изба́ ви, я́ ко еди́ н всеси́ лен и Человеколю́ бец.

Кондак, Глас 3

Ско́ рый в заступле́ ние и кре́ пкий в по́ мощь, предста́ ни благода́ тию си́ лы Твоея́ ны́ не, и благослови́ в укрепи́, и в соверше́ ние наме́ рения блага́ го дела́ рабо́ в Твои́ х произведи́: вся́ бо, ели́ ка хо́ щеши, я́ ко си́ льный Бо́ г твори́ ти мо́ жеши.

Молитва по окончании дела

Исполне́ ние все́ х благи́ х Ты́ еси́, Христе́ мо́ й, испо́ лни ра́ дости и весе́ лия ду́ шу мою́ и спаси́ мя́, я́ ко еди́ н Многоми́ лостив, Го́ споди, сла́ ва Тебе́.

Досто́ йно е́ сть я́ ко вои́ стинну блажи́ ти Тя́ Богоро́ дицу, Присноблаже́ нную и Пренепоро́ чную и Ма́ терь Бо́ га на́ шего. Честне́ йшую Херуви́ м и сла́ внейшую без сравне́ ния Серафи́ м, без истле́ ния Бо́ га Сло́ ва ро́ ждшую, су́ щую Богоро́ дицу Тя́ велича́ ем.

Молитва о даровании слова

О великие Ветхозаветнии Пророцы Божии Данииле, Исаие, Иезекииле и Иеремие, ныне смиренно припадаю к вам, раб Бога Вышнего, ниц повергаюсь пред вами и вопию:

Пророцы Божии! Вам была дана благодать от Бога во еже изрекать Богодухновенные глаголы и ими наставлять всякого человека, жаждущего спасения. Ныне прибегаю к вам смиренно, в смятении и унынии, и прошу вашей помощи. Великии и славнии Божии Пророцы! Если это не противно воле Божией, если это на пользу души моей и Православной Христовой Церкви, то испросите мне у Господа дар изящного и вдохновенного слова. Исправьте мой язык, дабы он мог изрекать все полезное для души, повинуясь Духу Святому.

Вы, некогда пламенем уст ваших возжигавшие сердца людей, ныне коснитесь огнем ревнования о чистоте и правильности речи моей грешных уст моих. Аминь.

⇐ Предыдущая12345678910Следующая ⇒

Поделиться: