Никандр Псковский — КАНОН

Никандр Псковский — КАНОН

(1507 - 1582), пустынножитель, чудотворец, преподобный.

Память 24 сентября (7 октября) день кончины, 25 марта (7 апреля) храмовый праздник Никандровой пустыни, 29 июня (12 июля) обретение мощей и в Соборе Псковских святых.

 

Тропарь, глас 4

Глас Божественный, иже во Евангелии, услышав, преподобне отче Никандре: “Приидите ко Мне вси труждающиеся и обремененнии, и Аз упокою вы” и прием крест, последовал еси Христу: мир оставль, в пустыню вселился еси, пощением же и бдением небесный дар восприим, и души недужных, приходящих к тебе с верою, исцеляеши: темже и со ангелы срадуется, преподобне, дух твой.

Ин Тропарь, глас 6

Светило незаходи маго Света стране нашей явился еси, Богоблаженне, доблественне претерпев вражия озлобления: биение и раны яко одежда нетления вменишася тебе: со зверми бо брався, и от человек злых прободения прияв, о тех молился еси , “не постави им греха сего” – глаголя: темже Влады це Христу уподобился еси, достохвальне Никандре, отче наш: молися о душах на ших.

Канон. Глас 4

Песнь 1.

Ирмос: Пределив пучину чермную Бог, фараона погрузивый в ней, провед Моисеа немокренно в пустыню, и одождив манну в снедь людем израилевым, яко силен.

Преподобне отче наш Никандре, моли Бога о нас.

Настави мя, Господи, на путь разума, светло воспети угодника Твоего, егоже словом Твоим в пустыню извел еси, и враги его под ноги тому покорив, яко всесилен.

Преподобне отче наш Никандре, моли Бога о нас.

Избави ны, Боже, от уст душепагубнаго волка, молитвами преподобнаго своего, иже невредно премину житейскую пучину, егоже ради одожди на ны богатую Твою милость, яко всесилен.

Преподобне отче наш Никандре, моли Бога о нас.

Кто подобне подвиги твоя изчислити возможет, преславне Никандре, имиже подвизався, врага победил еси; и ныне славно твориши чудеса действием Святаго Духа, Бога всесильна.

Слава Отцу и Сыну и Святому Духу.

Аще и тмами покушашеся враг отъяти сокровище души твоея, но уязвен быв мечем крепкаго ти воздержания, побеже: ты же господствуеши у Царя Славы, Бога всесильна.

И ныне и присно и во веки веков. Аминь. Пресвятая Богородица, спаси нас! 

Богородице Приснодево, Марие, простри ми милостивне десницу на помощь умоляющи Сына Твоего и Бога: яко уязвен есмь люте, и на тя точию надежду мою положих, Ты мя ущедри.

Катавасия: Отверзу уста моя.

Песнь 3

Ирмос: Утвердися сердце мое в Господе, дающем молитву молящемуся, яко лук сильных изнеможе, и немощствующии препоясашася силою.

Преподобне отче наш Никандре, моли Бога о нас.

Непоколебим пребыл о Господе, преподобне, дающем спасение просящим смиренно, гордость же бесовская низпадеся, видевши тя во плоти препоясавшагося Божиею силою.

Преподобне отче наш Никандре, моли Бога о нас.

Дарова тебе Господь всебогате, богатства неотъемлемыя славы, еже возставляти разслаблен ных, темже и нас препояши силою.

Слава Отцу и Сыну и Святому Духу.

Разумно препоясався, святе, во одежду смирен наго Богоразумия, немощны сотвори супостаты наша, молитвами твоими, молимся.

И ныне и присно и во веки веков. Аминь. Пресвятая Богородица, спаси нас!

Надежда и упование наше, Владычице мира, благая помощнице, спаси и в крепости рог вознеси православных людей и от всяких бед и от различных обстояний свободи.

Господи, помилуй! Господи, помилуй! Господи, помилуй!

Седален, глас 3:

Яко заря солнечная пресветло сияеши, и всем верно прибегающим под кров милости твоея, преподобне, веселие подаеши и душам спасение: стяжал бо еси многое дерзновение ко Христу Богу: емуже и молися непрестанно, Никандре, отче наш всеблаженне, прегрешений оставление даровати нам и велию милость (Дважды).

Песнь 4.

Ирмос: Небеса добродетель Твоя покрыла есть, и земля исполнися славы Твоея, Христе, темже верно вопием: слава силе Твоей, Господи.

Песнь 5.

Ирмос: Мрак разреши греха моего, внегда возсияти Ти утро светлое заповедий Твоих, Господи, неприступный Свете.

Песнь 6.

Ирмос: Приидохом во глубины морския, и потопила мя есть буря многих грехов, но яко Бог из глубины возведи живот мой, Многомилостиве.

Кондак, глас 1.

Яко лучу тя солнечную Христос показа, преподобне, сияеши бо в земли Российстей чудес благодатию, и отгоняеши тму страстей же и скорбей, от приходящих к тебе с верою: темже почитаем твою память, Никандре, отче наш, и вопием ти: радуйся пустынножителей красото, и стране нашей похвало и утверждение.

Икос:

Пророческое слово делом совершил еси, Богомудре: удалився бо мира, и в пустыню вселився, преподобне, Бога обрел еси помощника тебе, и Той тя богатно прослави, и чудес благо датию обогати преславно, яко и от гроба твоего здравие болящым истекает независтно: темже стекшнся, день преставления твоего духовно празд нуем, подвиги твоя почитающе и похвальная воспевающе: радуйся, постниче терпеливодушный, трудоположниче смиренномудрый, источниче слез непресыхаемый, столпе молитвенный неподвижи мый, сказателю будущих неложный, послушания бездно и высото смирения, известный наследниче Небесного царствия, помощниче скорбящым мило сердый, заступниче ко Владыце Христу Богу непре ложный: великому Нову граду и Пскову светлая доброто, и всем верным спасение и славо, пре подобне Никандре, отче наш, стране нашей похва ло и утверждение.

(Здесь можно читать акафист – см. с. 18 – и после него – последующие песни канона).

Песнь 7.

Ирмос: Образу златому не поклонившеся отроцы авраамстии, искушахуся яко злато в горниле: в пещи огненней, яко в чертозе светлем ликующе, пояху: благословен еси Боже отец наших.

Песнь 8.

Ирмос: Избавителю всех Всесильне, посреде пламене благочествовавшыя, снисшед оросил еси, и научил еси пети: вся дела благословите, пойте Господа.

Песнь 9.

Ирмос: Величаем вси человеколюбие Твое, Христе, Спасе наш, славо раб Твоих, и венче верных, возвеличивый память Рождшия Тя.

Молитва вторая

О преподобне и преблаженне отче наш Никандре, гражданине горняго Иерусалима, друже и споднижниче избранных воев небесных, прославляяй выну Триипостаснаго Бога! Воззри на нас милостивно, предстоящих ныне раце честных мощей твоих, и всеми нашими чувствы пригвожденных ко сластем века сего обрати ко взысканию блаженств горних. Ты вселяешися во обителех небесных с премирными духи Церкве торжествующия: мы воинствуем еще, во многотруднем веце сем, с невидимыми враги: отстоим от тебе не толико местом, елико грехми и беззаконьми, имиже прогневляем по всяк час Господа и самех себе приводим на пагубу, но к тебе, яко нам соестественному, прибегаем и взываем с теплыми слезами: настави и вразуми нас ходити по стопам твоим, буди на пути сем избранным вождем нашим, якоже древле Моисей людем Израильским, неотступно бо от тебе, отче наш, сострадание к скорбящим и человеколюбие требующим от тебе помощи в напастех и во благовремении, живущу бо тебе на земли, не о своем токмо спасении тщание приложися, но и о всех к тебе притекающих моление приносил еси ко Всевышнему, да не презрит дело рук Своих, ниже погубит со беззаконьми, отеческая наказания твоя, еже ходити по стопам заповедей Господних, прозябоша в сердцах сынов твоих, яко семя доброе, с плодоношением; недужнии, разслаб-леннии, болящии, скорбящии, озлобленнии проповедуют со славо-словием скорую твою помощь, исцеление и заступление; вся же твоя святая жизнь бысть зерцалом всяких добродетелей. Аще толик был еси, учениче Христов, на земли: колик ныне еси на небеси! Ты выну предстоиши престолу неприступнаго Бога, и в нем, яко в зерцале, зриши вся наша нужды и прошения; ты свеселишися со Ангелы Божиими о единем грешнице, кающемся радостию велиею: и милосердие Божие, и любы Его к роду человеческому неоскудны, и твое дерзновение к Нему много. Испроси у всемилостиваго Подателя всех благ мир и святыню Церкви Его, под знаменем креста воинствующей, победу и одоление на невидимых врагов ея и единомыслие в вере; заблуждшия же от православия к познанию истины призови, неверныя просвети светом Евангелия: грешныя к покаянию приведи и обрати, девствующим чистоту и целомудрие даруй, брачным святыню, вдовицам и сирым буди препитание, нищим покров, странствующим возвращение, плавающим пристанище, кающимся прощение испроси, плачущим утешение, требующим помощь, напаствуемым заступление, больным скорое исцеление и всякому прошению во благих исполнение. Не отрини нас с верою и любовию тебе призывающих! Аще бо и недостойни есмы толикаго отца и ходатая, осквернени душею и телесы суще; но ты, быв подражатель человолюбия Божия, соделай нас твоими молитвами достойны чрез обращение с пути злаго на пути мирны добродетелей. Новград и Псков, и вся Россия просвещенная твоим богоугодным житием и чудесы, проповедуют тя быти теплаго заступника. Яви и нам недостойным милости твоя! Веруем, яко духом нам соприсутствуеши, паче же и телом с нами пребываеши: се, предлежат очам нашим нетленныя и цельбоносныя твоя мощи, ихже новопрослави Господь явлением многих чудес. Тем, предстояще им, яко живу тебе сущу, припадаем и смиренно молим: приими моления наша и вознеси я на жертвенник благоутробия Божия, яко да ниспослет нам всесильную благодать Свою, укрепляющую нас во благом житии, и благовременну и некосненну в нуждах наших помощь: ума благопостояние, телесем здравие, житию благопотребная, мир во днех наших, воздуха благорастворение, огнь любве и всякаго благочестия, в молитве чистоту сердечную, в злоключении терпение и упование, в надежди веселие и время на покаяние, яко да, и настоящих зол избегше, удостоимся преселитяся во блаженныя обители небесныя, идеже ты ныне вселяешися со всеми Богу угодившими и прославляеши Триипостаснаго Бога, Отца и Сына и Святаго Духа, ныне и присно и во веки веков. Аминь.

 

Молитва третья

О преподобне и достоблаженне отче наш Никандре! К тебе припадающе с любовию, молим тя, досточудне: настави и вразуми нас, раб Божиих (имена), ходити по стопам твоим: буди на пути сем избранный вождь нам, якоже древле Моисей бяше людем Израилевым. Испроси нам, отче, молитвами твоими у Христа Бога: да освятит благодатию Своею души и телеса наша, ум наш да просветит светом богопознания, совесть нашу от мертвых дел да очистит, от греховных же помышлений и губительнаго уныния да оградит и дарует нам искреннее покаяние, сердец сокрушение, слезное умиление, воздержание и трезвость, смиренномудрие и кротость, чистоту душевную и телесную, страннолюбие и друг ко другу нелицемерную любовь, яко да воспоем и прославим в Троице славимаго Единаго Бога Отца и Сына и Святаго Духа, ныне и в безконечныя веки веков.

Никандр Псковский — КАНОН

(1507 - 1582), пустынножитель, чудотворец, преподобный.

Память 24 сентября (7 октября) день кончины, 25 марта (7 апреля) храмовый праздник Никандровой пустыни, 29 июня (12 июля) обретение мощей и в Соборе Псковских святых.

 

Тропарь, глас 4

Глас Божественный, иже во Евангелии, услышав, преподобне отче Никандре: “Приидите ко Мне вси труждающиеся и обремененнии, и Аз упокою вы” и прием крест, последовал еси Христу: мир оставль, в пустыню вселился еси, пощением же и бдением небесный дар восприим, и души недужных, приходящих к тебе с верою, исцеляеши: темже и со ангелы срадуется, преподобне, дух твой.

Ин Тропарь, глас 6

Светило незаходи маго Света стране нашей явился еси, Богоблаженне, доблественне претерпев вражия озлобления: биение и раны яко одежда нетления вменишася тебе: со зверми бо брався, и от человек злых прободения прияв, о тех молился еси , “не постави им греха сего” – глаголя: темже Влады це Христу уподобился еси, достохвальне Никандре, отче наш: молися о душах на ших.

Канон. Глас 4

Песнь 1.

Ирмос: Пределив пучину чермную Бог, фараона погрузивый в ней, провед Моисеа немокренно в пустыню, и одождив манну в снедь людем израилевым, яко силен.

123Следующая ⇒

Поделиться: