О покушеніяхъ царя Кучума противъ Рускихъ.

Егда побѣжденъ бысть царь Кучумъ и бѣжа изъ царства своего въ поле, и дойде и обрѣте мѣсты, и ста ту съ оставшими своими людьми, многажды же покушашеся идти въ Сибирь и поплѣнити града́ Сибирскіе и месть воздати православнымъ Христіаномъ; но страхомъ одержимы бяху прежняго ради побужденія; нѣкогда покушашеся идти и собрати оставшая воя елико бысть, и пойде въ Сибирь, и егда дойде до рѣки Иртыша, еще не близь града Тобольска, и абіе нападе на нихъ трепетъ и ужасъ, и не пойде ко граду Тобольску и ко прочимъ градомъ, и инны многія Агарянскія веси поплѣни и бѣжа, идѣже пребываша. Повѣдано же бысть во градѣ Тобольскѣ, яко царь Кучумъ поплѣни Тобольскія веси, и собрашася Русскіе вои и погнаша въ слѣдъ его; постигошажъ сего близь поля и нападоша на нихъ и Божіею помощію воя царя Кучума побиша и двѣ царицы, и сына его Царевича взяша и множество богатства приобрѣтоша. Царь же Кучумъ утече не со многими воинскими людьми, и дойде до улуса своего и вставшіе людіе взятъ, и отъиде втай въ Калмыцкіе улусы. Подсмотрѣвъ же стада конская и нападоша и отогнаша; ощутивъ же сего Калмыцкіе люди и погнашася въ слѣдъ, и потигоша, и воя его многихъ побиша, и кони своя отполониша. Царь же Кучумъ бѣжа въ Нагаи и тамъ убіенъ бысть отъ Нагай, еже бо рѣкоша, яко ты здѣ пребываеши такожде и намъ сотворятъ, якоже и тебѣ, и ту сконча животъ свой.

О разпространеніи Христіанскія вѣры въ Сибири и постановленіи градовъ.

Оттолѣжъ солнце Евангельское землю Сибирскую осія и Псаломскій громъ огласи, наипачежъ во многихъ мѣстѣхъ поставишася гради и св. Божіи церкви и монастыри создашася, во славословіе Отцу и Сыну и Святому Духу и въ прибѣжище православнымъ Христіаномъ, и многіе невѣрныи, увидѣвше Христіанскую вѣру православную, крестишася во имя Отца и Сына и Святаго Духа и отъ невѣрія бысть вѣрніи. Повсюду благодать Божія изліяся во всей Сибирстѣй странѣ по писанному: побѣдилъ еси землю и упои ю и умножилъ еси обогатити. Идѣ же велѣлъ ни комужъ пріиде, идѣже нынѣ гради и веси и въ нихъ внутренняя жители множество православныхъ разсѣяшеся но всему лицу Сибирскія земли, и о сихъ до здѣ пачежъ ко изправленію.

Объ изправленіи Лѣтописи.

Имѣюще помощь, и изправляше Лѣтописи сія, еже бо взятіе Сибири и о побѣдѣ сицѣ въ… Сентября въ 1 день.

О Кипріанѣ и другихъ Архіепископахъ Тобольскихъ и о внесеніи съ синодикъ убіенныхъ Козаковъ.

Въ лѣто 7129 (1626 отъ Р. X.) Божіимъ изволеніемъ, повелѣніемъ же Благочестиваго и Христолюбиваго Государя Царя и Великаго Князя Михаила Ѳеодоровича всея Россіи, и благословеніемъ Крайняго Святителя Филарета Никитича Московскаго и всея Россіи, поставленъ бысть въ Сибирь въ Тобольскъ первой Архіепископъ Кипріянъ, бывый прежде на Хутынѣ Архимандритомъ, и во второежъ лѣто первопрестольства своего, возпомяну атамана Ермака Тимоѳѣева сына съ дружиною, и повелѣ разспросити Ермаковскихъ козаковъ, како они пріидоша въ Сибирь и гдѣ съ погаными были бои, и кого гдѣ убили погани на брани. Козаки же принесоша къ нему писаніе сіе, како пріидоша въ Сибирь, и гдѣ у нихъ съ погаными были бои, и гдѣ козаковъ и ково именно у нихъ убиша; онъ же добрый Пастырь попеченіе имѣя о нихъ, и повелѣ убитыхъ имена написать въ церкви Софіи Премудрости Божіи въ Соборной церкви синодикъ, и въ Православную недѣлю кликати повелѣ съ прочими пострадавшими за православіе вѣчную память, а имена ихъ въ синодикѣ написаны.

По Кипріянѣ же Архіепископѣ поставленъ бысть въ Сибирь въ Тобольскъ Архіепископъ Макарій.

Лѣта 71З7 (1628 отъ Р. X.) Сентября 18 дня прислана Государева грамота въ Сибирь въ Тобольскъ, и отъ Святѣйшаго Патріарха Филарета Никитича Московскаго и всея Россіи къ Макарію Архіепископу, а велѣно молебная пѣти и поститися недѣлю, и пѣти молебны повся дни.

Лѣта 714З (1635 отъ Р. X.) Іюля въ 24 день преставися Макарій Архіепископъ Сибирскій и Тобольскій, и во 144 году приѣхалъ съ Москвы въ Сибирь въ Тобольскъ третій Архіепископъ Нектарій. Апрѣля въ 1 день приѣхалъ.

Въ лѣто 7149 (1641 отъ Р. X.) Генваря … день приѣхалъ въ Сибирь въ Тобольскъ Герасимъ Архіепископъ Сибирскій и Тобольскій.

Въ Лѣто 7089 при Державѣ Благочестиваго Царя и Великаго Князя Ивана Васильевича всея Россіи Самодержца, избра Богъ и посла не отъ славныхъ мужъ ни царска повелѣнія воеводъ очистити мѣсто святыни и побѣдити бусурманскаго царя Кучума и раззорити Богомерзкая и нечестивая ихъ капища, идѣ же быша возгнежденіе звѣремъ и водвореніе сириновъ, но на тѣхъ мѣстѣхъ поставиша гради и воздвигоша святыя Божіи церкви, въ прибѣжище православнымъ Христіаномъ и въ славословіе Отцу и Сыну и Святому Духу; но отъ простыхъ людей избра Богъ и вооружи славою и ратоборствомъ и вольностію атамана Ермака Тимоѳѣева сына Повольскаго со единомысленною и превозлюбленною дружиною, храбровавшею; забыша бо свѣта сего всю честь и славу, и плотскую сладость, и смерть въ животъ преложиша, и возпріимше щитъ истинныя вѣры, и утвердившеся мужественно, и показавше храбрость свою предъ нечестивыми и вси глаголюще: достоинъ умрети за святыя Божія Церкви и за истинную вѣру пострадати и Благочестивому Царю послужити, яко не отъ многихъ воиновъ побѣда бываетъ, но свыше отъ Бога; можетъ бо и безпомощнымъ помощи на противляющихся Агарянъ; и вся сія совершися Божіимъ промысломъ. И приидоша сіи воини въ Сибирскую землю безстрашни, въ ихъ нечестивыя улусы, и противніи собрашеся въ уреченномъ мѣстѣ у рѣки Иртыша на брегу подъ Чувашевымъ и насѣяшеся множество ихъ, яко трави сельни, и бысть съ ними бой великъ Октября въ 2З день, и взявше православное воинство нечестивыхъ Божіею помощію, якоже класы. На томъ мѣстѣ убіеннымъ вѣчная память большая.

Тоежде зимы Ермаковѣ дружинѣ безъ опасенія идущимъ къ рыбной ловли подъ Ябалакъ, внезапу на станы ихъ нападоша нощію и побиша. На томъ дѣлѣ убіеннымъ вѣчная память меньшая.

⇐ Предыдущая12345Следующая ⇒

Поделиться: