ТРОПАРЬ РОЖДЕСТВА ПРЕСВЯТОЙ БОГОРОДИЦЫ

глас 4

Рождество Твое, Богородице Дево, / радость возвести всей вселенней: / из Тебе бо возсия Солнце Правды, Христос Бог наш, / и, разрушив клятву, даде благословение, // и, упразднив смерть, дарова нам живот вечный.

 КОНДАК РОЖДЕСТВА ПРЕСВЯТОЙ БОГОРОДИЦЫ

глас 4

Иоаким и Анна поношения безчадства/ и Адам и Ева от тли смертныя свободистася, Пречистая, / во святем рождестве Твоем./ То празднуют и людие Твои, / вины прегрешений избавльшеся, / внегда звати Ти: // неплоды раждает Богородицу и Питательницу Жизни нашея.

 

ВЕЛИЧАНИЕ РОЖДЕСТВУ ПРЕСВЯТЫЯ БОГОРОДИЦЫ

Величаем Тя, Пресвятая Дево, и чтим святых Твоих родителей, и всеславное славим рождество Твое

 

2. Праздник Всемирного Воздвижения Животворящего Креста Господня празднуется 27 сентября

ТРОПАРЬ ВОЗДВИЖЕНИЮ КРЕСТА ГОСПОДНЯ

глас 1

Спаси, Господи, люди Твоя / и благослови достояние Твое, / победы православным христианом на сопротивныя даруя / и Твое сохраняя Крестом Твоим жительство.

 

КОНДАК ВОЗДВИЖЕНИЮ КРЕСТА ГОСПОДНЯ

глас 4

Вознесыйся на Крест волею, / тезоименитому Твоему новому жительству, / щедроты Твоя даруй, Христе Боже, / возвесели нас силою Твоею, / победы дая нам на сопостаты, / пособие имущим Твое оружие мира, \ непобедимую победу.

 

ВЕЛИЧАНИЕ ВОЗДВИЖЕНИЮ КРЕСТА ГОСПОДНЯ

Величаем Тя, / Живодавче Христе, / и чтем Крест Твой Святый, / имже нас спасл еси от работы вражия

 

3. Праздник Введения во Храм Пресвятой Богородицы празднуется 4 декабря

ТРОПАРЬ ВВЕДЕНИЯ ВО ХРАМ ПРЕСВЯТОЙ БОГОРОДИЦЫ

глас 4

Днесь благоволения Божия предображение/ и человеков спасения проповедание: / в храме Божии ясно Дева является/ и Христа всем предвозвещает./ Той и мы велегласно возопиим: / радуйся, смотрения// Зиждителева исполнение.

 

КОНДАК ВВЕДЕНИЯ ВО ХРАМ ПРЕСВЯТОЙ БОГОРОДИЦЫ

глас 4

Пречистый храм Спасов, / многоценный чертог и Дева, / священное сокровище славы Божия, / днесь вводится в дом Господень, благодать совводящи, / Яже в Дусе Божественном, / Юже воспевают Ангели Божии: // Сия есть селение Небесное.

 

ВЕЛИЧАНИЕ ПРЕСВЯТОЙ БОГОРОДИЦЕ В ЧЕСТЬ ВВЕДЕНИЯ ЕЯ ВО ХРАМ

Величаем Тя, Пресвятая Дево, Богоизбранная Отроковице, и чтим еже в храм Господень вхождение Твое.

 

 

4. Праздник Рождества Христова празднуется 7 января

ТРОПАРЬ РОЖДЕСТВА ХРИСТОВА

глас 4

Рождество Твое, Христе Боже наш, возсия мирови свет разума, в нем бо звездам служащии звездою учахуся, Тебе кланятися Солнцу Правды и Тебе ведети с высоты востока: Господи, слава Тебе!

 

⇐ Предыдущая123Следующая ⇒

Поделиться: