Молитва Калужской Божией Матери

О, Пресвятая Покровительница, Владычица Богородица! Выше еси всех ангел и архангел и всей твари честнейшая, помощница еси обидимых, ненадеющихся надеяние, убогих заступница, печальных утешение, алчущих кормительница, нагих одеяние, больных исцеление, грешных спасение, христиан всех поможение и заступление.

О, Всемилостивая Покровительница, Дева Богородица, Владычица отца нашего Святейшего Патриарха, и преосвященные митрополиты, архиепископы и епископы, и весь священный и иноческий чин, Богохранимую страну нашу, военачальники, градоначальники и христолюбивое воинство и доброхоты, и все православные христиане ризою Твоею честною защити, и умоли, Пречистая, из тебя без семени воплотившегося Христа Бога нашего, да препояшет нас силою Своею свыше на невидимые и видимые враги наши.

О, Всемилостивейшая Покровительница, Владычица Богородица, воздвигни нас из глубины греховной и избави нас от голода, губительства, от труса и потопа, от огня и меча, от нахождения иноплеменных и междоусобной семейной брани, и от напрасной смерти, и от нападения вражия, и от тлетворных ветр, и от смертоносной язвы, и от всякого зла.

Подаждь, Покров наш, мир и здравие чадам Твоим, всем православным христианам, и просвети им ум и очи сердечные, еже ко спасению, и сподоби нас, грешных чад Твоих, Царствия Сына Твоего, Христа Бога нашего, яко держава Его благословенна и препрославленна, со Безначальным Его Отцом, и с Пресвятым и Благим и Животворящим Его Духом, ныне и присно, и во веки веков.

Молитва святого Макария Великого к Богу Отцу

Боже вечный и Царю всякаго создания, сподобивый мя даже в час сей доспети, прости ми грехи, яже сотворих в сей день делом, словом и помышлением, и очисти смиренную мою душу от всякие скверны плоти и духа. И даждь ми в нощи сей сон прейти в мире, да востав от смиреннаго ми ложа, благоугожду пресвятому имени Твоему, во вся дни живота моего, и поперу борющия мя враги плотския и безплотныя. И избави мяот помышлений суетных, оскверняющих мя, и похотей лукавых. Яко Твое есть царство и сила и слава, Отца и Сына и Святаго Духа, ныне и присно и во веки веков. Да будет так.

    Молитва святого Антиоха к Иисусу Христу

Вседержителю, Слово Отчее, Сам совершен сый, Иисусе Христе, многаго ради милосердия Твоего никогдаже отлучайся мене, чада Твоего, но всегда во мне почивай. Иисусе, добрый Пастырю Твоих овец, не предаждь мене крамоле змиине, и желанию сатанину не остави мене, яко семя тли во мне есть. Ты убо, Боже покланяемый, Царю Святый, Иисусе Христе, спяща мя сохрани немерцающим светом, Духом Твоим Святым, Имже освятил еси Твоя ученики. Даждь, и мне, любимому чаду Твоему, спасение Твое на ложи моем: просвети ум мой светом разума святаго Евангелия Твое­го, душу любовию Креста Твоего, сердце чистотою словесе Твоего, тело мое Твоею страстию безстрастною, мысль мою Твоим смирением сохрани, и воздвигни мя во время подобно на Твое славословие. Яко Препрославлен еси со Безначальным Твоим Отцем и с Пресвятым Духом во веки. Да будет так.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                          

Молитва ко Пресвятому Духу

Царю Небесный, Утешителю, Душе истины, умилосердися и помилуй мя любимого чада Твоего, и отпусти ми недостойному, и прости вся, елика Ти согреших днесь яко человек, паче же и не яко человек, но и горее скота, вольныя моя грехи и невольныя, ведомыя и неведомыя: яже от юности и от науки злы, и яже суть от нагльства и уныния. Аще именем Твоим кляхся, или похулих е в помышлении моем; или кого укорих; или оклеветах кого гневом моим, или опечалих, или о чем прогневахся; или солгах, или безгодно спах, или нищ прииде ко мне, и презрех его; или брата моего опечалих, или свадих, или кого осудих; или развеличахся, или разгордехся, или разгневахся; или стоящу ми на молитве, ум мой о лукавствии мира сего подвижеся, или развращение помыслих; или объядохся, или опихся, или без ума смеяхся; или лукавое помыслих, или доброту чуждую видев, и тою уязвлен бых сердцем; или неподобная глаголах, или греху брата моего посмеяхся, моя же суть безчисленная согрешения; или о молитве не радих, или ино что содеях лукавое, не помню, та бо вся и больша сих содеях. Помилуй мя, Творче мой Владыко, унылаго чада Твоего, и остави ми, и отпусти, и прости мя, яко Благ и Человеколюбец, да с миром лягу, усну и почию, блудный, грешный и окаянный аз, и поклонюся, и воспою, и прославлю пречестное имя Твое, со Отцем, и Единородным Его Сыном, ныне и присно, и во веки. Да будет так.

⇐ Предыдущая26272829303132333435Следующая ⇒

Поделиться: