Слава Отцу и Сыну и Святому Духу, и ныне и присно и во веки веков. Аминь.

Прокимен, глас 4: Дивен Бог во святых своих, Бог Израилев.

Прокимен, глас 4: Дивен Бог во святых своих, Бог Израилев.

Стих: В церквах благословите Бога от источник Израилевых.

Прокимен, глас 4: Дивен Бог во святых своих, Бог Израилев.

Прокимен, глас 4 (начало): Дивен Бог во святых своих, …

Прокимен, глас 4 (окончание) … Бог Израилев.

Господи, помилуй (трижды).

Слава Отцу и Сыну и Святому Духу, и ныне и присно и во веки веков. Аминь.

От Матфея святаго Евангелия чтение.

Слава Тебе, Господи, слава Тебе.

Рече Господь Своим учеником: Се, Аз посылаю вас, яко овцы посреде волков: будите убо мудри яко змия, и цели, яко голубие. Внемлите же от человек: предадят бо вы на сонмы, и на сборищах их биют вас. И пред владыки же и цари ведени будете Мене ради, во свидетельство им и языком. Егда же предают вы, не пецытеся, како или что возглаголете. Не вы бо будете глаголющии, но Дух Отца вашего глаголяй в вас. Предаст же брат брата на смерть и отец чадо: и востанут чада на родители и убиют их. И будете ненавидими всеми имени Моего ради: претерпевый же до конца, той спасен будет.

 

Слава Тебе, Господи, слава Тебе.

 

Молитвами мученицы Татианы, Милостиве, очисти множества согрешений наших.

 

И ныне и присно и во веки веков. Аминь.

Молитвами Богородицы, Милостиве, очисти множества согрешений наших.

 

Помилуй мя, Боже, по велицей милости Твоей и по множеству щедрот Твоих очисти беззаконие мое.

 

Стихира, глас 4.

Девства добротами и мучении кровьми душу твою украсивши, мученице славная, Татиано, вручилася еси Создавшему, сохраняющему тебя во век истинно, о сем лукавствующи с воинствы архангел и ангел, апостол же и пророк, и мученик ликостоянии, всехвальная.

 

Молитва Всем Святым от века Богу угодившим.

К вам, о святии вси, яко путеводным светильником, деяньми своими осветившим путь небеснаго восхода, аз, многогрешный, смиренно колена сердца моего преклоняю и из глубины души взываю: умолите о мне Человеколюбца Бога, да не попустит ми еще блуждати по распутиям греха, но да просветит мой ум и сердце светом благости Своея, яко да тою озаряемь и подкрепляемь, возмогу прочее время земнаго жития правою стезею непреткновенно прейти и ходатайством вашим ко Всеблагому Господу сподоблюся поне вмале причастник быти духовныя вашея трапезы в небеснем чертозе Царя славы, Емуже со Безначальным Его Отцем и Пресвятым, Благим и Животворящим Духом буди слава, честь и поклонение во веки веков. Аминь.

 

Господи, помилуй (12).

 

Молитвами святых отец наших, Господи Иисусе Христе, Боде наш, помилуй нас. Аминь.

 

Песнь 7.

Благомощно непобедимая, сечема, сосцев отъятие претерпела еси терпеливейше, огнем же Небесным, мученице, попалила еси чтити не хотящия Бога, Егоже вся тварь поет, славящи.

Мученица Татиана, моли Бога о нас.

В сердцы носящи огнь Божественныя любве, непорочная, пламень попра, огня подоборабнаго не ужасеся, отроков образующи древних и мужество и крепость.

Мученица Татиана, моли Бога о нас.

Зверей сверепство тебе повинеся, львов зияния невредно преминула еси, Богу тя прославльшу, Того прославившую, Егоже страдания твоею исполняющи плотию, всехвальная.

Слава Отцу и Сыну и Святому Духу, и ныне и присно и во веки веков. Аминь.

Богородичен.

Жизнь Ипостасную нам рождши, смертию смерть яве потребльшую, страсти умертви плоти нашея верою чтущих Тя, Чистая, яко Богородицу и Всеславную.

Песнь 8.

Удобрившися добродетельми, украсилася еси добротами мучения и Жениху обручилася еси, паче всех человеков краснейшему, добротою сияющему безсмертия, Татиано Богомудрая.

Мученица Татиана, моли Бога о нас.

С безплотными слугами в темнице Творца славословила еси, сияющи славою Божественнаго блистания и всем неприступна пребывающи, держимым тьмою прелести.

⇐ Предыдущая12345

Поделиться: