ПСАЛОМ КОЗЕРОГА - ВОСКРЕСЕНЬЕ

Высок над языки Бог: над Небесы, выше Ангел, слава Его. От восток солнца до запад хвально Имя Его. Буди Имя Вышнего благословено отныне и во веки. На Тя уповаша отцы наши, и из­бавил их. К Тебе воззваша, и спасошася, на Тя уповаша, и не постыдешася. Кто яко Бог наш? В высоких живый и на смиренныя призираяй на Небеси и на земли, воздвизаяй от земли творящего на ней волю Его, от рода праведного возвышаяй убога, посадити его с князи людей Своих: ядят убозии и насытятся, и восхвалят Бога взыскающии Его, жива будут сердца их в век века. Помя­нутся и обратятся к Богу концы земли, и поклонятся пред Ним отечествия язык, яко Вышнего Царя есть царствие, и Той обладает языки. От Тебе, Боже, слава моя, в церкви велицей исповемся Тебе, молитвы моя воздам пред боящимися Вышнего: яко не уничижи, ниже негодова молитвы праведного, ни­же отврати Лице от мене, и егда воззвах к Нему, услыша мя. Повем Имя Твоё братии моей, посреде церкве воспою Тя. Боящиися Бога, восхвалите Его, всё семя грядущих во Имя Вышнего, прославите Его, да убоится же от Него семя диаболя, Адама и боляди беззаконное. Ты же, Боже, не удали помощь Твою от мене, на заступление мне вонми. Да не отступиши от мене, яко скорбь близ: яко несть помогаяй ми. Яко Ты еси исторгий мя из чрева, упование моё от сосцу матере моея. К Тебе привержен есмь от ложесн, от чрева матере моея Отец и Бог мой еси Ты. Спаси ближних моих от уст лукавых, от рода праведного в роде человеческом смирение моё пред Тобою! Избави от оружия душу мою, из руки пёсии Сына Единородного Твоего! Обыдоша мя тельцы мнози, юнцы тучнии одержаша мя. Сонм лукавых одержаша мя, ископаша руце и нозе мои. Отверзоша на мя уста своя, ложью правду восхищаяй и рыка­яй. Исчетоша кости моя, равнодушныя же смотриша и презреша мя. Разделиша ризы моя себе, и о одежде моей меташа жребий. Видящии мя поругаша ми ся, глаголаша устнами, покиваша главою: упова на Бога, да избавит его, да спасёт его, яко хо­щет его. Вонми ми, Боже, верю Ты не оставиши мя! Се же есмь червие, не люди, поношение роду праведному и уничижение лю­дей! Далече от спасения в роде человеческом словеса грехопадений их. Да изсхнет яко скудель горшечника крепость их, язык их да прильпе гортани их, в персть смерти низведи их! Яко нечистая вода да изольются и разсыпятся кости их и да будет сердце их, яко воск таяй посреде чрева их. Боже мой, воззову во дни, и в но­щи, и услышиши, пред Тобою падут низходящии во ад, и душа моя тому живёт. И семя рода Твоего поработает Тебе, возвестит Богу род грядущий. И возвестят Правду людем рождшымся, яже сотвори их Бог. Хвалите, грядущие в роде праведном Бога Небесного, славьте Имя Его Святое.

ПСАЛОМ КОЗЕРОГА - ПОНЕДЕЛЬНИК

Воскликните Богови вся земля, работайте Богу в веселии, внидите пред Ним в радости. Уведите, яко Вседержитель Бог рода нашего: Той сотвори нас, а не мы, мы же людие Его и овцы пажити Его. Надеющиися на Вышнего яко гора Сияр: не подви­жится во век живый во Ыерусалиме. Гора Святая окрест его, и Отец Небесный окрест людей Своих отныне и во веки. Войдите во Врата Бога во исповедании, во дворы Его в пениих: испове­дайтеся Богу, славьте Имя Его. Яко не оставит Вседержитель власти грешных на пути праведных, яко да не прострут людие в беззакония рук своих, не уклонятся в развращения с делающими беззакония. Яко благ Бог, в век милость Его, и до рода и рода истина Его. Ублажи, Боже, благия и правыя сердцем. И да будет мир на земли благодатной рода праведного Твоего во веки веком.

ПСАЛОМ КОЗЕРОГА - ВТОРНИК

Возвеличил Бог сотворити с нами: быхом веселящеся. Внегда возвратити Вышнему плен Святой горы Сияр, быхом утешени. Возвратил Вседержитель пленение наше, яко потоки вод земли пустынней. Тогда исполнишася радости уста наша и язык наш веселия, тогда рекли во языцех: возвеличил Бог сотворити с нами. Яко аще не Отец рода нашего бы был в нас, речет Грядущий: яко аще не Бог бы был в нас, внегда востати без­законным на ны, убо живых пожерли быша нас. Прейде душа наша воду непостоянную, поток суеты прейде душа наша: внегда прог­неватися ярости лукавых на ны, убо вода нечистая потопила бы нас. Бла­гословен Бог, иже не даде нас в ловитву зубом их. Душа наша яко птица избавися от сети ловящих: сеть сокрушися, и мы из­бавлены быхом. Сеющии слезами, радостию пожнут. Ходящии хожда­ху и плакахуся, метающее в землю семена своя, грядущии же приидут ра­достию, вземлюще рукояти(корзины) своя. Помощь наша во Имя Бога, сотворшего Небо и землю.

ПСАЛОМ КОЗЕРОГА - СРЕДА

Боже, услыши, внуши моление во истине Твоей, услыши мя в правде Твоей. Мнози востают на мя, умножи­шася стужающии ми, глаголют души моей: несть спасения ему в роде его. Погна враг душу мою, смирил во ад живот мой. Посадил мя в тёмных, яко мёртвыя веку, и уны во мне дух мой, во мне смутися сердце. Помянух дни древния, поучихся в де­лех Твоих, в творящих Волю Вышнего руку своею поучахся. Воздех к Тебе руце мои, душа моя, яко земля безводная к Тебе. Скажи мне, Боже, путь, воньже пойду, яко к Тебе взях душу мою. Научи мя творити Волю Твою, яко Ты еси Бог мой. Дух Твой благий наста­вит мя на землю праву. Имене Твоего ради живиши мя, правдою Твоею изведеши от скорби душу мою. Боже! Да воскреснет род мой и внидет в суд с беззаконными: да не оправдятся враждующыя нам всуе. Гласом моим к Вышнему воззвах, и услыша мя от горы святыя Своея. Аз уснух, и спах, возстах, яко Бог заступит мя, возносяй главу мою. Не убоюся от тем людей, окрест напада­ющих на мя. Яко от Вышнего спасение роду праведному, и на ближних моих благословение Твоё. Боже наш, яко чудно Имя Твоё по всей земли, яко взятся великолепие Твоё превыше Небес. Из уст невинных и верных Ты свершил Славу, враг Твоих ради, еже разрушити выродка и местника. Яко узрю небеса, дела перст Твоих, луну и звёзды, яже Ты основал еси. Что есть человек, яко помниши его? Или сын рода Твоего, яко посещаеши его! Умалил его малым чим от Ангел?! Славою и честию венчал его. Поставил его над делы Десницею Высокою, вся покорил под нозе его: птицы небесныя, скоты польския, и рыбы морския, преходящыя стези морския. Боже наш, яко чудно Имя Твоё по всей земли.

ПСАЛОМ КОЗЕРОГА - ЧЕТВЕРГ

Хвалите Бога во гласе трубнем, славьте Его во псалтыри и гуслех. Славьте Его на силах Его, хвалите по множеству величия Его. Славьте Бога во святых Его, хвалите во утвержении Силы Его. Всякое дыхание да хвалит Бога. Милость же Вышнего от века и до века на боящихся Его, и правда Его на сынех сынов, хранящих Завет Его, помнящих Заповеди Его творити я. Благословит Бог силы Своя, слуги Его, творящии волю Его. Благословит Бог творящия дела Его, на всяком месте владычества Его. Бог на Небеси уготова Престол Свой, и Царство Его всеми Ангелы обладает. Благословит Бог Ангелы Своя, сильнии крепостию, творящии Слово Его, в слышании свершения Глас Словес Его. Благослови, душе моя, Бога, и вся внутренняя моя Имя Святое Его, и не забывай воздаяний Его, очищающего беззакония твоя, исцеляющаго недуги твоя, избавляющаго от истления живот твой, венчающаго тя милостью и щедротами, исполняющаго во благих желание твоё: обновится яко у орла юность твоя. К Богу, внегда скорбети ми, воззвах, и услыша мя. Многа пришельствова душа моя, с ненавидящими мир бых мирен. Увы мне, яко пришельствие моё продолжися, яко вселихся в селении с беззаконными. Что дастся тебе от языка отродья льстива? Чем приложишься ты ко языку льстиву? Стрелы лукавого изощрены, со угльми пустынными: егда глаголах им, боряху мя туне. Боже, избави душу мою от устен лживых и от языка льстива. Яко познали мы состав их, помяну, яко персть есмы. Нечестивый, яко стоптанная трава дние его, яко зелие злака сельного, тако отцветёт, яко дух пройде в нём, не будет в роде земном, и не познает ктому места своего на земли. Яко по высоте Небесней от бездн ада, утвердил Бог милость Свою на боящихся Его. Елико отстоят востоцы от запад, удалил от нас делающих беззакония. Якоже щедрит отец сыны, ущедри Бог боящихся Его. Сказа пути Своя Моисеови, сыновом Грядущим и Свершающим хотения Своя.

ПСАЛОМ КОЗЕРОГА ПЯТНИЦА.

Славьте Бога с Небес, славьте Отца Своего в Вышних. Хвалите Его солнце и луна, хвалите Его вся звёзды и свет. Славьте Его Небеса небес и Вода, яже превыше небес, да восхвалят Имя УРАГЯШ. Славьте Его Ангелы Его. Хвалите Его вся силы Его. Горы и холмы, древа плодоносны и кедры. Зверие и скоти, рыбы и птицы пернаты. Власти земстии и людие, князи и судии земстии. Юноши и девы, старцы с юнотами, да прославят Имя Бога. Яко Вышний рече и быша, Той повеле, и создашася. Яко вознесеся Имя Бога Единаго. Исповедание Его на Небеси и на земли, и вознесёт достоинство людей Своих. Постави я во веки, повеление им положи: да не мимо идет. В разумлю тя и наставлю тя на путь сей, вонь же пойдеши, утвержу на тя очи Мои. За то помолится Тебе преподобный во время благо­потребно, обаче в потопе вод мног, к нему не приближатся из преисподней: змиеве бездны, дух бурен, огнь, град, снег, го­лоть, покорныя вельильалу. Ты еси, Боже, прибежище моё, от скорби, одержащия мя. Радосте моя, избави мя от обышедших мя. Яко день и нощь отяготе на мне беззаконие их, возвратихся на страсть, егда вонзися в мя терн. Яко умолчах от благ Твоих, Боже, обетшаша кости моя. Беззаконие моё познах и греха моего не покрых, рех: исповем беззаконие Богу моему, и Ты, Вышний, отпустил еси нечестие сердца моего. Мнози раны грешному, уповающего же на Бога милость обыдет. Не будете яко конь меск, в нём же несть разума: браздами на земли и уздою в челюстях востягнеши, неприближающихся к Тебе. Блажен муж, ему же не вменит Бог гре­ха, яко несть во устех его лесть. Блажени им же отпустишася беззакония, им же прикрышася грехи. Песнь преподобным Его, сыновом Грядущим, людем приближающимся Ему. Веселитеся о Бозе, и радуйтеся праведнии, славьте Вышнего правии сердцем.

АР-РЫ-РУ-IЙ-Я! АР-РЫ-РУ-IЙ- Я! АР-РЫ-РУ-IЙ- Я!

ПСАЛОМ ЛЬВА - ВОСКРЕСЕНЬЕ

Вострубите на Вёчярю трубою, во благознаменитый день праздника вашего, яко повеление от Вышнего вам, судьба родам праведным. Приимите псалтырь и дадите псалом красен с струны. Радуйтеся Богу, приидите и видите дела Божия, яже по­ложи чудеса на земли: слышите, людие Мои, и засвидетельствую вам, Грядущий, слушай Мене. Аз бо есть Отец рода твоего, изведый тя от земли Египта: расшири уста твоя, и исполню их. Сви­дение в Свершающем положи е, внегда изыти ему от земли Египетския, языки его же неведяше услыша слово его. Руце их в коши поработасте: оть­ят от бремени хребёт их, и напита от тука пшенична. Смятошася языцы, уклонишася царствия. В скорби призваша Мя, и услышах в тайне бурне искушенных на воде пререкания, даде глас Свой Вышний, подвижеся земля. Упразднитеся местники нечестивыи и разумейте, яко Аз есмь Отец рода человеческого: вознесётся род праведный во языцех, вознесётся на земли. Людие Мои послушны Мне, Грядущие в пу­тие Моя идут. Ни о чесом же молят враги их, смирил бых, на оскорбляющыя люди Моя возложил бых мышцу руки праведника Десницею Высокою. Отьемля брани от конец земли, лукавство сокрушиша: щиты и колесницы сожжены и оружие наёмников сломи. И врази рода человеческого покоришася ему. Бог нам Прибежище и Сила, Помощник в скорбех обретших ны: сего ради не убоимся, внегда смущается земля, и прелагаются горы в сердца морская. Возшумеша и смятошася воды их, смятошася горы крепостию Его. Речная устремления веселят град Божий: освятил селение Своё Вышний. Бог посреде рода нашего, и не под­вижимся с земли отчей: поможет нам Бог с утра за утра. Вседержитель с нами, Заступник Бог грядущим во Имя Его Святое.

ПСАЛОМ ЛЬВА-ПОНЕДЕЛЬНИК

Готово сердце, Боже, воспою во славе моей. Возстани слава рода, возстани псалтирю и гусли, возстанем рано. Исповемыся Тебе, Боже, и призовём Имя Твоё: повем чудеса Твоя. Испо­ведаюсь Тебе в людех, пою Тебе во языцех. Яко велия верху Небес милость Твоя, и до облак истина Твоя. Рех лукавым, не безза­коннуйте: согрешающым, не возносите рога жертвенника вашего, не воздвизайте на высоту смерти, не глаголите ложь на Бога: яко ниже от исход, ниже от запад, ниже от пустых Акравимских( скорпионьих ) гор. Яко Бог судия есть: беззаконного смиряет, правого возносит. Бог возгла­гола во Святем Своём: вознесу роды праведные и разделят Сихем, удоль селений размерят. Егда прииму время, Аз правоты возсуж­ду. Разстаяся земля и живущии на ней, Аз утвердих столпы родов ея. Мой есть Палестан, и Мой есть Сихем, и град Ыерусалим в заступление главы Моея. Езсеи избраны Мною, им Державная Чяша упования Мое­го. На иудею наложу сапог рода: Мне иноплеменницы поко­ришася. Яко Чяша в руце Вышнего, вина нерастворена исполнь растворения, яко отклони от Себе к роду Своему: обаче дрождие его не истощися, испиют праведныя земли. Кто введёт мя во Град обстояния Вышним? Кто наставит оружие наше до иудеи? Не Ты ли, Боже, от­ринувый лукавых? Твоя Воля, Боже, пребудет в силах наших, яко да изба­вятся возлюбленнии Твои: упаси нас Десницею Высокою, ибо Ты слы­шишь нас. Даждь нам помощь от скорби, да не будет суетно на земли спасение рода человеческого. О Бозе сотворим силу, с Отцом ро­да нашего уничижим врагов своих. Аз же возрадуюся в век, воспою Отцу Небесному: и вся роги грешных жертвенников сломлю, и воз­несётся достоинство праведника.

ПСАЛОМ ЛЬВА-ВТОРНИК

Да возрадуются и возвеселятся о Тебе ищущии Тебе, Отец рода, и да рекут выну: да возвеличится Выш­ний, любящии Правду Твою. Ибо аз исповедался Тебе в людех, в сосудех псаломстех истину свершил в роде, грядущем во Имя Твоё Святое. Вложил Ты во уста моя песнь нову: да узрят мнози и убоятся, и уповают на Вышнего. Благовестих Правду в церкви велицей, се устнам моим не возбраню: Боже, Ты разумел еси. Правду не скрых в сердце моём, истину во спасение рода рех, не скрых милость от сонма многа. Многа сотворил Ты, Вышний, чудес и помышлением несть кто уподобится Тебе: возвестих правду и глаголах Слово и умножишася паче числа грядущии во Имя Твоё. Ты же, Боже, не удалил щедрот Твоих от мене: милость и истина выну заступит мя. Рех тогда: се прииду, в главизне книжне писано есть о Мне: в Тебе, Вышний, утвердихся от утробы, от чрева Матере Моея Марьи Ты мой Покровитель: о Тебе пение мое выну, яко Ты еси тер­пение мое, упование мое от юности моея. Уста моя возвещают Правду, весь день спасение ближних моих, яко аз не познах книжная. Вниду в силе Отца Небесного, помяну Правду Тебе Единому. Боже мой, имже научил мя от юности, и до ныне возвещаю правду и силу и чудеса Твоя даже до Вышних Ангел, яже соворил Ты ми еси величия. Боже, кто подобен Тебе? Блажен муж, емуже есть Имя Вышнего упование его, и не призре в суеты и неистовления ложная, еже сотворити ему на земли волю Твою. Боже мой, восхотех, и Закон Рода посреде чрева моего. Исполнишася уста моя хваления, пою славу Твою, весь день вели­колепие Твоё. Чудо аз бе многим, яко Ты помощник мой крепок. И возведе мя от рова страстей, и от грязи болотной тины, и постави на Камени Рода нози мои, и исправи в правый путь стопы моя. Умножил на мне вели­чествие Твоё, и обращься оживотворил мя еси, от бездн ада возвёл мя еси. Дабы постыдилися и исчезли оклеветающии душу мою, дабы облеклися в стыд и срам ищущии ми злая, дабы прииня­ли абие стыд свой глаголющии выну: благо в жизни только нам, благоже плоти нашей. Яко реша врази мои мне, стрегущии душу мою совещаша вкупе, глаголюще: Бог оставил его, пожените и имите его, яко несть его избавляяй. Жертвы и приношения от мене Ты, Боже, не восхотел, вся сожжения о гресех не взыскал. Тело же моё свершил ми еси. Возрадуете ся устне мои, егда воспою Тебе, и душа моя, юже еси избавил. Боже мой, не остави мене, дондеже возвещу Десницу Высокую Роду Грядущему. Аз же праведен есмь и убог, Отец Небесный попе­чётся о мне. Помощник и Защититель мой еси Ты, Боже, в род и род пребудет Правда Твоя.

ПСАЛОМ ЛЬВА-СРЕДА

Воспойте Богови песнь нову, яко дивна сотвори нам Вышний, по высоте рода нашего умножил сыны человеческия. Яко оскуде преподобный, яко умалишася истины от сынов человеческих, яви Вышний Сына Единородного в роде праведном нашем. Суетная глагола лукавыи выродки ко искренним своим, устне их льстивыя в сердце, и в сердце глаголаша злая: язык наш лживый возвеличим, устны наша при нас суть, кто нам Бог есть? Словеса Божия, Словеса Небесные и чистые, праведными трудами будут утвержены на земли. Рех Бог: страсти ради бедных и воздыхания убогих, ныне воскреснут людие Моя. Положуся во спасение рода Своего, не обинюся о нём, помяну милость дому Грядущих, истину свершающим во Имя Моё. Сказа Бог спасение Своё, пред языки откры Правду Свою. Видеша концы земли спасение Сына Человеческого. Спасе Его, Боже, Десница Твоя, и мышца святая Его. Ты, Боже, сохраниши ны, и соблюдеши ны от рода праведного сего во веки. Воскликните Богови вся земля, воспойте гласе псаломсте, радуйтеся и пойте. Реки людския восплещут рукою вкупе, горы возрадуются. Яко грядёт род праведный, яко идёт судити земли, судити вселенней в Правду, и людем правостию Свыше.

ПСАЛОМ ЛЬВА - ЧЕТВЕРГ

Приидите, возрадуемся Богу, предварим Лице Его во исповедании, во псалмех воскликнем Ему. Яко Бог Царь велий по всей земли, яко в руце Его вси концы земли и высоты гор Того суть. Яко Вышнего есть море, и Той сотвори е, и сушу руце Его создасте. Приидите, поклонимся и припадём Ему, сотворшему ны: яко Той есть Бог наш, мы людие пажити Его, овцы Десницы Его. Бог отмщений, Отец рода, не обинётся есть. Боже, да вознесётся род Твой и воздаст воздаяние лукавым судяй землю Твою. Доколе грешницы восхвалятся? Провещают и возглаголют неправду делающие беззаконие? Люди Твоя смириша и достояние их озлобиша. Вдовицу и сира умориша и пришельца убиша, и реша: не узрит Бог, ниже уразумеет Вышний. Разумейте же безумнии в людех и буйныи некогда умудритеся. Насаждей ухо, не слышит ли? Создавый око, не сматряет ли? Наказуяй беззаконных, не обличит ли их, учай человека разуму? Бог весть помышления лукавыя, и суть их суетну. Блажен человек, его же аще накажеши, от Закона Рода научиши его, укротиши его от дней лютых, дондеже изрыется грешному яма. Яко не отринет Бог людей Своих, и достояния рода не оставит, дондеже Правда обратится на Суд, и держатся ея правии сердцем. Кто встанет со мною на лукавыя? Кто спредстанет ми на делающыя беззакония? Аще не Бог помогл бы ми, вмале вселилася бы во ад душа моя. Аще глаголах Ты: подвижеся со стези рода нога моя, милость Твоя помогаше ми. По множеству скорбей в сердце моём, утешения Твоя возвеселиша душу мою. Да не прибудет Тебе престол беззакония на земли. Да созиждется труд на повеление Твоё, дабы не уловили душу праведничу, кровь неповинную не осудили. И бысть мне Бог мой в прибежище, в помощь упования моего. Воздам нечестивым беззаконие их, и по лукавствию их погубит я Всевышний.

ПСАЛОМ ЛЬВА - ПЯТНИЦА

Воспойте Богу песнь нову, Слава в Слове Вышнему в церкви преподоб­ных. Да восхвалят Имя Его в лице, во псалтыри хором поют Ему. Да возвеселятся грядущие во Имя Твоё, Боже, о Сотворшем их, сыно­ве святой горы Сияр возрадуются о Царе своём. Яко благо волишь, Ты, Боже, в людех своих, и возносишь кроткия во Царствие Своё. Боже, Ты прибежище нам в род и род. Прежде даже горам не быти и создатися земли и вселенней, от века и до века Ты еси. Яко тысяща лет пред очима Твоима, яко день вчерашний иже мимо иде, яко стража нощная. Десницею Высокою управи стезю рода, окуй серд­ца наши Премудростию Твоею. Дабы не отвратилися людие Твоя во смирение со злом, рекл еси: обратитеся к Правде сынове челове­честии. Уничижение беззаконным ещё будет на земли. Утро, яко трава, ми­мо идет, утро процвете и прейдет, на вечер отпадет, ожестеет и изсхнет. Лета нечестивых, яко паучина паучахуся. Дние лет их в нихже седмьдесят лет, аще ли же в силах осьмьдесят лет, и ум­ножают они на земли труд и болезнь. Прииде кро­тость на ны и накажемся Свыше. Кто весть Державу Твою, Боже, той от страха Твоего ревность свою исчести. Да обратятся к Тебе людие Твои, умолен буди на грядущих во Имя Твоё. Да исчезнут гневом Твоим, яростию рода праведного смятутся нечестивые. Положиша мы беззаконие их пред Тобою, и да будет век наш в просвещение Лица Твоего. Исполнихомся заутра милости Твоея, и возрадовахомся и возвеселихомся, во дни наша воз­веселихомся, за дни в ня же не смирялось со злобою выродков сердце наше: в лета в ня же видехом злая. Восхвалятся преподобнии во славе и возрадуются на ложах с жёнами своими. Возношение Богу в гортани их, и мечи обоюду остры в руках их: сотворити отмщение в людех, обличения во языцех, связати цари их путы, и славныя их ручными оковы же­лезными, сотворити в них суд Свыше написан. Слава сия будет преподобным Твоим. И призри, Боже, на люди Твоя, творящия на земли волю Твою, и настави сыны их. И буди светлость Бо­га нашего на нас, и дела рук праведника исправи на нас, дело рук наших исправи.

ПСАЛОМ ОВНА - ВОСКРЕСЕНЬЕ

Не нам, Боже, но Имени Твоему даждь Славу, о милости и истине Твоей. Да не когда рекут языцы: где есть Бог их? Идоли выродков сребро и злато, ими скупают дела рук человеческих. Уста имут, и не возглаголют, очи имут, и не узрят, уши имут, и не слышат. Подобни им да будут прилагающиися к ним, вси надеющиися на ня. Благословил Бог дом Езсея и Моисея, благо словил дом Грядущего и Свершающего, малыя с великими, боящыяся Вышнего благословил еси. Приложит Бог на род ваш, на вы и на сыны ваша. Благословлены вы Отцом рода праведного, сотворшим Небо и землю. Небо небесе Бог даде Ангелам, землю же сыновом человеческим. Не мёртвии восхвалят Тя, Боже, ниже низходящии во ад, но мы, живии, благословим Бога отныне и во веки.

Живый в помощи Вышняго, в крове Бога Небесного водворится. Речет Богу: Заступник мой еси и Прибежище моё, Бог мой, и уповаю на Него. Яко Бог избавит тя от сети ловчи, и от словесе мятежна, плещма Ангел осенит тя, и под крылия Их надеешися: оружием обыдет тя истина Его. Не убоишися от страха нощнаго, от стрелы летящия во дни, от вещи во тме приходящыя, от встречи с бесом полунощным. Падёт от страны твоея тысяща, тма внешняя же к тебе не приближится, обаче очима твоима смотриши, и воздаяние грешником узриши. Яко Имя Бога Небес упование твоё, Вышняго положил еси Прибежище твоё. Не приидет к тебе зло, и рана не приближится телеси твоему, яко Ангелам заповесть о тебе, сохранити тя в путех твоих. На крылия возмут тя, да не когда преткнеши ногу твою, на аспида и василиска наступиши, потомство змия лукавого попереши. Яко на Мя упова, и избавлю и: покрыю и, яко позна Имя Моё. Воззовёт ко Мне, и услышу его: с ним есмь в скорби, изму его, и прославлю его, долготою дний исполню его, и явлю ему спасение в роде праведном его.

ПСАЛОМ ОВНА - ПОНЕДЕЛЬНИК

Боже, в правде и скорби Ты распространил мя еси; внегда призвати ми, услыши молитву, Боже, и ущедри мя. Не вознесеся сердце моё, ниже вознесостеся очи мои, ниже ходих в великих, ниже в дивных паче того, что суждено от рода моего. Аще не смиренномудрствовах с лукавыми, но вознесох к Тебе душу мою, яко отдоенное млеко воздал Сын Твой на на Мать Свою, тако воздаси и ми на душу мою. И уведите, яко удиви Бог преподобного: Вышний слышит мя, внегда возз­вати ми к Нему. Мнози глаголют: кто явит нам благая? Знаме­нася на нас Свет Лица Твоего, Боже! Сынове человечестии, доко­ле тяжкосердии? Вскую любите суету и ищете лжи? Гневайтеся праведно, и не согрешайте, слушайте, яже глаголете в сердцах и на ложах с жёнами умилитеся. Пожрите в жертву Правды лукавого и упо­вайте на Вышнего. Да уповает Грядущий на Отца рода, отныне и во веки. Дал еси, Боже, веселие в сердце моём: от плода пшеницы и вина Твоего умножишася. В мире в роде праведном усну и почию, яко Ты, Боже, единаго в уповании на Тя с ближними моими вселил мя еси.

ПСАЛОМ ОВНА - ВТОРНИК

К Тебе возведох очи мои, Живущий на Небеси. Помилуй нас, Боже, яко помногу исполнихомся уничижения. Наипаче наполнися душа наша поношения торгующих и уничижения гордых. Яко се, врази Твои возшумеша, и ненавидящии Тя воздвигоша главу. На людие Твоя лукавноваша волею, совещаша на святыя Твоя. Яко совещаша на святых единомышлением вкупе, на Тя завет диабля завещаша. Реша: придите бесы и потребим праведных от язык, и не помянется имя Грядущих ктому. Иже реша: да наследим себе Святилище Бога. Боже, кто уподобится Тебе не премолчит пред ними, ниже смирится с беззаконием их. Се, яко очи сына в руку отца своего, яко очи дщери в руку ма­тери своея: тако очи наши к Отцу рода, дондеже ущедрит ны. Боже, исполни лица лукавых бесчестия, яко не взыскаша Имене Твоего. Да потребятся в потоце беззакония с иноплеменни­цами в селениях греховных. Положи князи их яко гной земли, по­ложи их яко коло(водоворот, рвенник, смерч), яко трость книжника пред ветром Ангел Твоих. Яко огнь жертвенника попаляяй в конец, яко пламень Алтаря в дубраве на Святой горе Сияр. Тако поженеши их яростию рода праведного, гне­вом Твоим смятеши я. Да постыдятся и смятутся в век века, и посрамятся и погибнут. И да познают, яко Имя Твоё УРАГЯШ, Ты един Вышний по всей земли.

ПСАЛОМ ОВНА - СРЕДА

Боже, на Тя уповах; да не когда похитит лукавый душу мою, сущую в избавлении от зла и лжи, в спасении ближних моих. Из глубины рода воззвах к Тебе, Боже: услыши глас мой. От стражи утренняя до нощи, и от нощи до стражи утренняя да уповает Грядущий на Отца рода. Имене ради Твоего потерпех Тя, Боже, потерпе душа моя в Слово Твоё: упова душа моя на Бога, яко от Тебе очищение есть, яко у Вышнего ми­лость, и многое у Него избавление: и Той избавит Грядущего от беззаконий его. Аще беззакония не узриши, Боже, кто усто­ит? Боже мой, аще сотворих сие, аще есть неправда в руку моею, аще воздах воздающым ми праведно зла, да отпаду убо от ближних моих тощ. Да поженет убо душу мою и да постигнет, и поперёт во ад живот мой, и славу мою в персть вселит. Да скон­чается злоба грешных, и исправиши путь праведного, испытаяй сердца и утробы, Боже, праведно. Бог судит людем: суди ми, Боже, по правде моей, и по незлобе людей на мя. И сонм людей обыдет мя, и о том на высоту обращуся. Да воскреснет, Боже, род мой, гне­вом Твоим, да вознесётся ревностию в концах враг Твоих, и возстанет в ярости повелением, имже Заповедал еси. Да будет в роде Твоём, Боже, судитель праведен и крепок, и долготерпелив, и не гнев наводяй на всяк день. Аще не обратитеся нечестивыи к Правде, оружие очистит и уготова в жертву напрягающих лукавство, яко уготоваша в себе сосуды смертныя, стрелы Ангел сгараемым в огне жертвенника содела. Се боле неправдою, зачат болезнь, и роди беззаконие: ров изры, ископа и, падёт в яму, юже содела. Обратится болезнь его на главу его, на верх его неправда его снидет. Исповемся Отцу рода по правде Его, пою Имя Его Святое. Помощь моя от Бога, спасающаго правыя сердцем.

ПСАЛОМ ОВНА - ЧЕТВЕРГ

Исповедаюсь Тебе, Боже, сердцем моим, и пред Ангелы воспою Тебе, яко услышал глаголы уст моих. Поклонюся к Собору Святому рода Твоего, и исповемся Имени Твоему о милости и истине Твоей, яко возвеличил еси о всём Имя Твоё Святое. В оньже аще день призову Тя, скоро услыши мя: умножиши мя в души моей силою Твоею. Да исповедятся Тебе, Боже, власти земстии, яко услышаша Глаголы уст Твоих: и да воспоют в путех Божиих, яко велия слава Бога: яко высок Бог, и смиренныя пред Ним призирает, и высокая в роде праведном издалеча весть. Аще пойду посреде скорби, живиши мя: на гнев враг моих простерл еси руку мою Десницею Твоею. Бог воздаст за мя: Боже, милость Твоя во век: дела рук моих во Имя Твоё не презри. Хвалите Бога, вси языцы, славьте Вышнего праведные людие: яко утвердися милость Его на нас, и истина Вышнего пребывает во веки.

ПСАЛОМ ОВНА- ПЯТНИЦА.

Зачните Отцу рода во исповедании, пойте Богови нашему в гуслех. Нощию сердцем моим глумляхся(сомневался) и тужаше дух мой. Предваристе стражбы очи мои: смутихся и не глаголах. Отвержеся утешитися душа моя, возскорбех и пренеможе дух мой. В день печали моея Бога взысках рукама моима (крестным знамением? ), нощию пред Ним, и не прельщен бых. Помянух Бога и возвеселихся, гласом моим к Богу воззвах и внят ми. Помыслих дни первыя и лета вечная по­мянух и поучихся: Боже, во Святем путь Твой: кто бог велий яко Бог наш? Велия крепость Вышнего, и разума Его несть числа. Ты еси Бог творяй чудеса: изсчитаяй множество звёзд и всем им имена нарицаяй, исцеляяй скорбящия сердцем и укрепляяй мышцу руки их. Зиждяй Ыерусалима Бог: разсеяния грядущих во Имя Его собе­рёт. Познал в людех силу Твою. Избавил Десницею Твоею люди Твоя, сыны Грядущих и Свершающих. Помянух дела Вышнего, яко помяну от зачала чудес Твоих и поучуся в творящих дела Твоя, в начинаниих Твоих поглумлюся. Рех, ныне начах: си исправи стезю рода моего Десница Вышнего. Еда во веки отринет Бог, и не приложит благо волити паки? или до конца милость отсечёт, сконча глагол от рода в род? Еда забудет ущедрити Бог? удержит ли во гневе щедроты Своя? Приемляй кроткия Бог, смиряяй же грешники во ад. Видеша Тя Воды, Боже, видеша Тя воды, и убояшася: смятошася бездны множеством шума Вод, глас даша в облацех Ангелы, ибо стрелы Их Волею Вышнего на землю преходят. Глас грома в Колеси Творения Твоего, осветиша молния Ангел вселенную: подвижеся, трепетна бысть земля. В мори путие Твои, и стезя Рода в водах многих, и стопы Твои познаются грядущим во Имя Твоё. Наставил еси яко овцы люди Своя рукою Грядущих и Свершающих. Славьте Бога, яко благ псалом: Творцу рода да усладится хваление. Оде­вающему небо облаки, уготовляющему земли дождь: прозябающему на горах траву и злак на службу человеком: дающему скотом пищу их, птенцем, призывающим его. Не ко лжи беззаконных восхощет, ни­же в льстех нечестивым благоволит. Благоволит Бог на боя­щихся Его, творящих на земли волю Его, уповающих на ми­лость Его.

ПСАЛОМ РАКА - ВОСКРЕСЕНЬЕ

Боже, искусили и истязали мя лукавыи, и Ты увеждь сердце моё, и разумея стезю рода моего, виждь: несть пути беззакония во мне, настави на путь вечен. Боже, искусили мя и Ты познал мя еси: познал седание и возстание моё. Приклони, Боже, ухо Твоё, и услыши мя, яко праведен и убог есмь аз. Ты разумел помышления моя издалеча: стезю рода моего и уже моё Ты изследовал, пути моя провидел еси. Яко несть льсти в языце моём: се, Боже, Ты познал. Сохрани душу мою, яко преподобен есмь. Яко к Тебе взях душу мою, возвесели искренняго отрока Твоего. Спаси, Боже, грядущего во Имя Твоё, уповающаго на Тя. Настави мя, Боже, на путь Твой, и пойду во истине Твоей: да возвеселится сердце моё боятися Имене Твоего. Удивися разум мой от Тебе, утвердися, да возмогу к Тебе. Вси языцы, елики сотворил, приидут, и поклонятся пред Тобою, и прославят Имя Твоё, яко Велий Ты, творяй чудеса, Ты еси Бог Един. Камо пойду от Духа Твоего? И от Лица Твоего камо бежу? Аще взыду на Небо: Ты тамо, аще сниду во ад: тамо еси. Аще возмут мя крылия Ангел Твоих и вселюся в Горнем Море и тамо дивно наставит мя и удержит Десница Твоя. И рех: тма внешняя не поперет мя, яко и нощь просвещение в слабости моей. Ибо и нощь, яко день, просветится, от Славы Твоея, Боже, яко тма ея, тако и свет звёзд ея. Яко Ты сотворил род мой, восприял мя из чрева матере моея, в день скорби воззвах к Тебе, и Ты услышал мя еси. Яко милость Твоя велия на мне избавил душу мою от ада преисподнейшаго. Исповемся Тебе, Боже, сердцем моим, и прославлю Имя Твоё во век. Исповемся Тебе, яко удивил мя еси: душа моя знает чудная дела Твоя. Несоделанное моё видесте очи Твои: и в Книзе Жизни Твоей вси напишутся и во днех созиждутся. Мне же ближними сташа честни друзи Твои, Боже, утвердишася на земли владычествия их. Не изочту их, яко паче песка умножатся: аще возстах, ещё есмь с Тобою. Боже, законопреступницы возсташа на мя, сонм местников взыскаша душу мою, не предложиша Тебе пред собою. Яко лукавы в помышлениих, приимут в суету Грады Твоя. Не утаися беззаконие их от Тебе, яже соделали в тайне, состав их поглотит преисподняя земли. Избиеши грешники, Боже, яко мужие лукавых кровий уклонишася от Тебе. Призри на мя, Боже, даждь Державу отроку Твоему, спаси сына дщери рода праведного. Не ненавидящие ли Тя, Боже, возненавидех, о вразех Твоих волею истаях? Совершенною ненавистью возненавидех их, во враги быша ми. Сотвори, Боже, со мною знамение во благо, да видят ненавидящии мя, и постыдятся, яко Ты помогл ми и утешил мя еси.

ПСАЛОМ РАКА - ПОНЕДЕЛЬНИК

Боже пред Тобою желание моё и воздыхание моё от Тебе не утаися. Друзи искренние прямо мне приближишася и сташа, и ближнии, яко нуждахуся и искаша душу мою, приидо­ша издалече и сташа с нами вкупе, а ищущии злая нам глаголаху суетная, льстивным весь день поучахуся. И поклонишася Выш­нему власти земстии, вси языцы поработают Ему. Людие фарсийстии и острови дары принесли, людие аравстии дары приве­ли: пред Богом припали эфиопляне, и врази их персть полижут. И обладает Держава наша от моря и до моря, и от рек до конец все­ленныя. И жива будет, и дастся ей от злата аравийска, помо­лятся о ней выну, весь день благословят ея. Яко на Тя, Боже, уповах, Ты услышиши, Вышний! Будет Имя Вседержителя благословено во веки, прежде солнца пребывает Имя Его, и благословятся в Нём дванадесять колен земных, вси языцы ублажат Его. Будет утверждение Града Божия на земли на версех гор, превознесётся паче кедров ливана плод Его: и процветут от Града сего роды людские, яко трава земная. Снидет благо слове­ние Бога Небесного яко дождь на руно, и яко капля, каплющая на землю, и пребудет с солнцем, и прежде луны в роды родов; восприимут горы мир людей, и холмы правду. Возсияет во днех наших правда и множество мира, дондеже отьимется луна. Яко на раны мы готовы, и болезнь нечестивых пред нами выну. Яко беззаконие их мы возвещаем, попечёмся о гресех их. Боже, да не яростию рода Твоего обличиши мене, ниже гневом Твоим накажеши мене. Озлоблен аз бых и смирихся со злом, рыках от воздыхания сердца моего. Сердце смятеся во мне, остави мя сила моя, и свет очию моею, и той не бысть со мною. Аз яко глухой не слышах правды, и яко нем не отверзаяй уст своих. И бых яко человек не слышай и не имый во устех обличения. Яко беззакония лукавых превзыдоша главу мою, яко бремя тяжкое отяготеша на мне. Возсмердеша и согниша раны их от безумия их. Яко лядвия и семя их на­полнишася поруганий, несть исцеления в плоти их, несть мира в костех их от грехов их. Стрелы лукавых унзоша во мне, постра­дах и смирихся с ними, весь день сетуя хождах, яко утвердиша на мне руку свою. Врази мои живут и укрепишася паче меня на земли рода моего, умно­жишася ненавидящии мя без правды. Воздающии ми злая возблагая оболгаху мя, зане гонях от себе Правду Твою. Рех: не остави мене, Боже, не отступи от мене! Вонми в помощь мою, Боже спасения ближних моих! Да не когда порадуют ми ся врази Твои: внегда подвижатися ногам моим с земли отчей на Тя велеречевати будут.

Боже, суд Твой, грядущему во Имя Твоё даждь, и правду Твою роду его: судити людем Твоим в правде, и нищиым Твоим в суде. Судят нищиыя людем, и спасут сыны убогих и смирят кле­ветника. Да избавят праведного и убога от лукава, имже не бе по­мощника. Пощадят бедного и убога, и душы их спасут: от лихвы выродков и от неправды местников избавят душы их, яко честно имя их и чиста кровь их пред Тобою.

Благословено Имя Бога во веки, исполнится Славы Его земля. Благословен Отец рода нашего, творяй чу­деса Един.

ПСАЛОМ РАКА - ВТОРНИК

⇐ Предыдущая123456Следующая ⇒

Поделиться: