ПСАЛОМ СТРЕЛЬЦА - ВОСКРЕСЕНЬЕ

Услышите сия языцы, внушите живущии по вселенней: земнии лица, сынове человечестии, вкупе богат и убог. Уста моя возг­лаголют Премудрость, поучение сердца моего Разум. Веровах, темже возглаголах, аз смирихся пред Богом. Аз рех во изступлении моём: всяк суетный на земли есть ложь. Что воздам Богови о всех, яже воздаде ми? Вскую боюся лукавых в день лют? Безза­коние пяты их да не обыдет мя. Приклоню к Заповедям Твоим, Бо­же, ухо моё, отверзу во псалтыри ганание моё. Надеющиися на силу и о множестве богатства хвалящиися Бог не избавит от зла, избавит ли их человек? Не даст Богу измены за ся, цену избавления души своея. Сей путь их в соблазн им, по сих во устех благоволят. Человек в нечестии сый не разуме, при­ложися скотом несмысленным и уподобися им. Яко овцы во аде по­ложены суть, смерть упасёт их, и обладают ими правии заутра, и помощь их обетшает во аде, от славы рода отриновены быша вку­пе безумен и несмыслен погибнут, и оставят на земли богатство своё. И гроби их жилища их во веки, даже до века не узрят света. Не убойся, егда разбогатеет суетный местник, егда умножится слава его: яко внегда умрети ему, не возьмет вся, ниже снидет с ним слава дому его. Душа твоя в животе твоём благословится: исповедайся убогим, и благо сотворят тебе. Утрудися во веки, и жив будешь до конца, не узришь пагубы, егда увидишь премудрыя умирающыя: селения их в род и род, нарекоша имена своя на зем­лях. Внидешь даже до Рода Отец своих. Честна пред Богом смерть преподобных Его. Обаче Бог избавит душу мою из руки адовы, ег­да приемлет мя. О, Боже, аз есмь сын дщери рода праведного: растерзал еси узы моя. Что воздам Богу, о беззакониях, яже воздаде ми? Тебе пожру в жертву беззаконныя, Чашу Спасения прииму и во Имя Вышнего Ангелов призову. Молитвы моя Богу воздам пред людьми Его, во дворех Дому Божия, посреде Тебе, Ыерусалиме.

ПСАЛОМ СТРЕЛЬЦА - ПОНЕДЕЛЬНИК

От Бога стопы человеку исправляются, восхоте Бог пути его. Открый ко Всевышнему путь твой и уповай на Него, и Той сотворит: изведёт, яко Свет, правду твою, судьбу твою, яко полудне. Боже, на Небеси милость Твоя и истина Твоя до облак. Правда, яко горы Высокия, судьбы без дна многа. Силою Ангел, человеки спасеши, Боже. Яко умножил милость Твою, сынове человечестии в крове крыл Ангел надеятися имут. Упиются от тука Дому Твоего, потоком пищи Твоея насытиши их. Яко от Тебе источник живота, во Свете Твоём узрим свет. Пробави милость ведущым Тя и правду Твою правым сердцем. Праведницы наследят землю, вселятся в век века на ней. Уста праведного поучатся Премудрости, язык его возглаголет суд. Закон Рода в сердце его, не запнутся стопы его. Егда падёт, не разбиется, яко Бог подкрепляет руку его. Весть Бог пути непорочных, достояние их в век будет. Потерпи Бога и сохрани путь Его, и вознесёт тя еже наследити землю, внегда потреблятися грешником узриши. Яко благословящии Бога наследят землю, кленущии же Его потребятся с нея. Зане мышцы грешных сокру­шатся, утверждает праведныя Бог. Уповай на Бога и твори благостыню, насели землю, и упасёшися в богатстве ея. Насладися Божиим, и даст ти прошения сердца твоего. Повинися Богу и умо­ли Его. Не ревнуй спеющему в пути своём человеку, творящему законопреступление. Рече законопреступный согрешати в себе: несть страха Божия пред очима его. Глаголы уст его беззаконие, ложь и лесть, не восхоте разумети еже ублажити ближнего. Яко ульсти пред праведным обрести безззаконие своё и возненавидети, беззаконие помысли на ложи блудном: предста всякому пути неблагу, о злобе же не негодова. Праведный посмеётся ему, зане прозрит, яко приидет день его. Зане яко истоптанная трава выродки скоро изсшут, яко зелие злака сельного скоро отпадут. И ещё мало, и не будет грешника, взыщеши место его, и не обрящеши. Видех нечестиваго местника превоз­носящася и высящася, мимо идох, и се не бе, взысках его, и не обретеся место его. Мечь извлекоша грешницы, напрягоша лукавство, низложити убога и кроткого, заклати правыя сердцем. Мечь их внидет в сердца их, и луцы их сокрушатся. Врази Божии, купно им потребитися и вознестися, исчезающе яко жертвенника дым исчезоша.Тамо падоша делающии беззаконие: изриновены быша из рода, не возмогут стати. Яко Бог любит суд и не оставит преподобных Своих, во век сохранятся. Беззаконницы же изженутся, семя нечестивого отродья потребится. Да не приидет мне нога гордыни, рука грешнича да не подвижит мене из рода и земли моей. Лучше малое праведнику, паче богатства грешных многа. Заемлет грешный, не возвратит, праведный же щедрит и даёт. Юнейший бых, состарехся, и не видех праведника оставле­на, ниже семени его просяща хлебы. Весь день милует и взаим даёт праведный, и семя его во Благо Словении будет. Не постыдятся во время лютое, и во днех глада насытятся, якоже грешницы погиб­нут. Кротцыи же наследят землю и насладятся о множестве мира.

ПСАЛОМ СТРЕЛЬЦА - ВТОРНИК

Вознёс Вышний род мой, и подьял мя еси, и не воз­веселил врагов моих о мне. Боже, Ты возвёл от ада душу мою, спасл мя от низходящих в ров. Слыша Бог и помилова мя: Бог бысть Помощник мой. Обратил плач мой в радость мне: растерзал вретище моё, и препоясал мя веселием. Яко ярость рода в гневе Твоём, и живот рода в воле Твоей: вечер водворится плачь, и заутра радость. Боже мой, воззвах к Тебе, и исцелил мя еси. Кая польза в крови моей, внегда сходити ми во истление? Еда исповестся Тебе персть, возвестит истину Твою? Не отвращай же Лице Сына Твоего, не сму­щай мя. Боже, волею Твоею подаждь доброте моей силу! Аз же реку во обилии: не подвижуся из рода праведного во век. Яко воспоёт Тебе слава, и не умилюся: Боже мой, во век исповемся Тебе. Пойте Богу, преподобнии, исповедайте память святыни Его. Исповедайтеся Отцу рода: яко благ, яко в век милость Его. Сотворшему чудеса велия Единому: яко в век милость Его. Сотворшему Небеса разумом: яко в век милость Его. Исповедайтеся Богу Ангелов: яко в век милость Его. Сотвор­шему светила велия Единому: яко в век милость Его. Солнце во область дне: яко в век милость Его. Луну и звёзды во область нощи: яко в век милость Его. Утвердившему землю на водах: яко в век милость Его. Изведшему на правый путь грядущих во Имя Его: яко в в век милость Его. Укрепившему мышцу руки их Десницею Высокою: яко в век милость Его. Давшему землю благодатную людем Своим в достояние: яко в век милость Его. Яко во смирении нашем помяну ны Бог: яко в век милость Его. И избавил ны есть от врагов наших: яко в век милость Его. Даяй пищу праведной плоти: яко в век милость Его. Исповедайтеся Отцу нашему Небесному: яко благ, яко милость Его во век.

ПСАЛОМ СТРЕЛЬЦА - СРЕДА

Аз к Тебе, Боже, воззвах и утро предваряет молитва моя. Чает душа моя Бога, яко Помощник и Защититель наш есть. Яко об Отце рода возвеселится сердце, во Имя, Боже, Святое Твоё уповахом. Вскую, Боже, отрееши душу мою, отв­ращаеши Лице Твоё от мене? Кроток есмь аз, и в трудех от юности моея: вознёс же ся, смирихся со злом, и изнемогох. Уда­лил аз от себе друга искренняго, знаемых моих от страстей. Привменен бых с низходящими в ров, бых яко человек без помощи: яко исполнися зол душа моя, живот мой аду приближися. Положи­ша мя в рове преисподнем, в тёмных и сени смертней: в мёртвых свободь, яко язвеннии спящии во гробе, ихже не помянул ктому, тии от Десницы Твоея отриновени быша. На мне утвердися ярость их, волны беззакония своего навели на мя. Положиша мя мерзость себе: предан бых им, не исхождах на путь правый. На мне преидоша гневи их, уст­рашения их возмутиша мя. Обыдоша мя яко нечистая вода, весь день одер­жаша мя вкупе. Очи мои изнемогосте от нищеты, воззвах к Тебе, Боже, воздех к Тебе руце мои. Еда мёртвыми твориши чудеса? Или врачеве воскресят их, и исповедятся Тебе? Еда повесть кто во гробе милость Твою, и истину в погибели? Еда познана будут во тме чудеса, и правда в земли забвенней? Рех: да убоится Бога земля, от Вышнего же да накажутся вси живущии по вселенней. С Небесе призре Бог на живущыя на земли. Создавый наедине сердца их, разумеваяй на дела их. Бог разоряет совет нечестивых, отметает мысли лукавыя, отметает советы князей. Ложь им конь во спасение, во множестве же силы своея не спасутся. Не спасётся власть земстяя многою си­лою, и диаболь не спасётся множеством крепости своея. Се очи Бога на боящыяся Его, уповающыя на милость Его: избавити от смерти душы их, и препитати в глад. Совет же Божий во век пребывает, помышления сердца людей Его в род и род. Блажен род праведный, емуже есть Бог и Отец его, людие, яже избра Бог в наследие Себе. Радуйтеся, праведнии, о Бозе, правым подобает слава. Воспойте Богу песнь нову, добре пойте с восклица­нием: яко право Слово Божие, и вся дела Его верны. Яко Той ре­че, и быша, Той повеле и создашася. Словом Божиим Небеса утвердишася, Святым Духом Его сила их. Любит милостыню и суд Бог, милости Вышнего исполнь земля.

ПСАЛОМ СТРЕЛЬЦА - ЧЕТВЕРГ

К Тебе, Боже, воззову, не премолчу Правду от Тебе, не уподоблюся низходящим в ров беззакония. Аще поминах Тя на постели, на утренних поучахся в Тя. Возжада Тебе душа моя, коль множицею и плоть моя, в земли пусте, непроходне, и безводне. Услыши, Боже, глас моления, внегда молити ми ся к Тебе, внегда воздети руце к Храму Святому Твоему. Тако во Святем явихся Тебе, видети Силу и Славу Твою. Бог Помощник мой, и Защититель: на Вышнего упова сердце, и поможе ми, и процвете плоть моя, и волею моею исповемся Ему. Устне мои похвалите Тя, яко милость Твоя паче живот, в крове крыл Ангел возрадуюся. Прильпе душа моя роду праведному, мене же прият Десница Твоя. Благодатию да исполнится душа моя, и устнама радости восхвалят Тя уста моя. Не привлецы мене со грешники, с делающими неправду не погуби мене, глаголющими мир с ближними, злая же в сердцах своих. Даждь им, Боже, по делом их, по лукавству начинаний их: по делом руку их даждь им: воздаждь воздаяние их им. Яко не разумеша в дела Божия и в творящих дела по Воле Его: разориши я, и не созиждеши я. Да предадятся в руку оружия, части излишнею на земли будут. Тии же всуе искаша душу мою, внидут в преисподняя земли. Спаси, Боже, люди Твоя и благослови достояние Твоё, и упаси нас, и возьми во веки во Царствие Твоё.

ПСАЛОМ СТРЕЛЬЦА - ПЯТНИЦА

Услыши, Боже, глас, имже воззвах: Не отврати Лица Твоего от мене и Закон Рода положи ми в пути, настави мя на стезю правую враг моих ради. Внегда приближатися на мя злобующе снести плоть мою оскорбляющии мя врази, тии изнемогут и падут. Аще ополчится на меня полк, и тогда не убоится сердце моё, аще восстанет на мя брань, на Бога Небесного аз уповаю. Яко сокры мя в селении праведном в день зол моих, покры мя в тайне се­ления Своего, на Камень Рода вознесе мя. И ныне се вознесе главу мою, на враги моя: обыдох и пожрох в селении моём в жертву беззаконныя и лукавыя. Бог Просвещение моё и Спаси­тель мой, кого убоюся? Бог Защититель животу моему, от кого устрашуся? Едино просих от Бога, и то взыщу: еже жити ми в Дому Божием вся дни живота моего, зрети ми красоту Божию и посещати Храм Святый Его. Отступите от мене делающие без­законие, яко услыши Вышний глас мой. Бог молитву мою прият. Верую видети благая Бога Вседержителя на земли живых. Да постыдятся и смятутся врази мои, да возвратятся им помыслы их лукавыя и разрушат их.

ПСАЛОМ ТЕЛЬЦА - ВОСКРЕСЕНЬЕ

Славу Божию возглаголют уста моя, и благословят ближние мои Имя Святое Его во веки. Род и род восхвалят дела Твоя, Боже, силу Твою возвестят. Великолепие славы Святыни возглаго­лют и чудеса поведят. Память множества благости от­рыгнут и правдою к Вышнему возрадуются. Близ Бог призывающим Его во истине. Волю боящихся Его сотворит, молитву их услы­шит, упасёт род их, щедроты Его на творящих дела Его. Да исповедятся Тебе, Боже, творящия дела Твоя, препо­добнии да благословят Тя. Славу Царствия Твоего рекут, и силу Твою возглаголют. Царство Твоё, Царство всех веков, и владычество Твоё во всяком роде и роде. Верны Богу людие Его в путех своих, праведны в словесех своих, кротки и преподобны в делех своих. Утверждает Бог творящыя волю Его, и возставляет на правый путь ищущия Правды Его. Очи всех на Тя уповают, и Ты даёши им пищу во благое время. Отверзаеши Ты руку Твою и исполняеши животно благо воление. Хранит Бог любящыя Его и вся грешники потребит. Услышу, что речет о мне Отец рода: яко речет Мыр на люди Своя, преподобныя, обращающыя сердца к Нему. Еда во веки прогневаешися на ны? Простреши ли гнев Твой от рода в род? Боже, Ты обращься оживиши ны, и людие Твои возвеселятся о Тебе. Благо волил еси, Боже, землю Твою, возвратил плен грядущим во Имя Твоё. Яви нам, Боже, милость Твою, вселити Славу в землю нашу. Милость и истина сретостеся, правда и мир облобызастася. Истина от земли возсия, и Правда с Небесе приниче, ибо Бог даст благость, и земля наша даст плод свой. Правда пред родом нашим предьидет, положит нам в путь стопы Своя.

ПСАЛОМ ТЕЛЬЦА - ПОНЕДЕЛЬНИК

Бог воцарися, в лепоту облечеся: облечеся Бог в силу и пре­поясася, ибо утверди вселенную, яже всуе не подвижится. Славь, душе моя, Бога. Восхвалю Бога в животе моём, пою Вышнему дондеже есмь. Блажен ему же Отец рода Помощник его, упование его на Бога своего. Вышний, на Небеси Престол Его, очи Его на человецы презираете, вежди Его испытае­те сыны человеческия. Творец Рода испытает праведного и не­честиваго, любяй же неправду возненавидел душу свою. Изыдет дух из тела его, прахом возвратится в землю, в той день по­гибнут помышления его. Не надейтеся на князи сыны челове­ческия, в них несть спасения. Зане яже Вседержитель свершил, руками праведника сотворил во Храме Святем, они разрушиша. На Отца рода на земли Его уповах, како речете души моей: превитай по горам, яко птица? Яко се грешницы на­лякоша лук, уготоваша стрелы в туле, состреляти во мраце пра­выя сердцем. Храните истину в век, творите суд обидимым, дайте пищу алчущим, сиру и вдове помозите и пришельца приимите. И Отец рода разрешит от уз лукавства окованных Премуд­ростию Его. Бог умудряет невинных, Бог возводит на правый путь ищущих правды. Бог любит праведники, и путь грешных погубит. Падут греш­ники в сети свои: огнь и жупел Содома и Гоморры, дух бурен моря мёртвого участь их. Яко праведен Бог, и правды возлюби, правоты виде Лице Его. Готов Престол Твой оттоле: от века Ты еси. Воздвигоша реки, Боже, воздвигоша реки гласы своя, возмут реки сотрения от гласов вод многих. Дивны высоты морския, дивен в высоких Вышний, сотворший Небо и землю, море и вся яже в них. Воца­рися Вседержитель во веки, Бог твой на святой горе Сияр, в род и род. Свидения Твоя, Боже, увериша род Твой, Дому Твоему подоба­ет Святыня в долготу дний.

ПСАЛОМ ТЕЛЬЦА - ВТОРНИК

Услыши, Боже, правду, вонми молению, внуши мо­литву мою, не из уст она льстивых. Аз воззвах, и Отец рода приклонит ухо Своё мне и услышит глаголы моя. Совершу, Боже, стопы во стезях Рода, да не подвижутся всуе стопы моя. От Лица Твоего судьба моя изыдет, очи мои да видита пра­воты. Да не возглаголют уста моя дел суетных, за Словеса устен Твоих аз сохраних пути жестоки. Сохрани мя, Боже, яко зеницу ока, в крове крыл Ангел покрыеши мя, от злобы нечести­вых, острастших мя, врази душу мою тщашеся одержати. Искусил лукавый сердце моё, посетил нощию, искусил мя, и не обретеся во мне неправда. Боже, от малых Твоих, от земли раздели беззаконныя в животе их, сокровенных Твоих да не исполнится чрево их, да не насытят сынов, не оставят останки выродкам своим. Тук свой затвориша, уста их глаголаша горды­ню. Обьяша мя яко лукавый готов на лов, яко скимен обитаяй в тайных. Изгонящии мя с земли рода ныне обыдоша мя, очи свои возложиша уклонити во ад. Да воскреснет, Боже, род пра­ведный, предварит их, и запнёт им. Избави, Боже, души наши от нечестивых, оружие Твоё от враг Десницы Твоея. Удиви милостию Твоею, спасая люди Твоя, уповающыя на Тя от противящихся Деснице Твоей. Аз же правдою явлюся Лицу Твоему, насыщуся, внегда явити ми ся славе Твоей. Славь Бога Святая Гора Сияр, славь, Ыерусалиме, Бога: яко укрепи вереи врат твоих, благослови сыны твоя в тебе: возвещаяй Слово Своё Грядущему, оправдания и судьбы Свершающим во Имя Вышнего, и сотвори тако всем праведным людем, и судьбы Своя яви им, полагаяй пределы Своя мир, и тука пшенична насыщаяй вся. Где суть милости древния, Боже, ихже открыл еси Моисею во истине Твоей? Помяни, Боже, поношение людей Твоих, еже удержах лука­вый в недре многих язык. Поносиша их, врази Твои, Боже, напря­гоша лукавство дабы изменили ся избранныи Твои. Доколе, Боже, отвращати ся роду праведному от Тебе? Егда разжжется яко огнь Жертвенника рвение рода Твоего? Посли, Боже, Слово Своё земли, до скорости течёт Слово Бога к дающим злобу, яко волну, мглу, яко пепел, посыпающим, метающим голоть, яко хлебы беззакония. Противу мрази, противящейся Деснице Твоей посли Слово Своё, и истают я, дхнет Дух Божий, и потекут воды. Разори от очищения их, престолы их на землю повергни: отринь и уничижи тех, кто негодовал на избранных Тобою, разорил Завет с грядущими во Имя Твоё, осквернил на земли Святыню Твою. Разори оплоты их, положи есть твердая им страх, ума­ли дни времене их, облияй стыдом. Яко расхитили достояние Твоё, да будут в поношение соседом своим. Помяни, Боже, кий наш состав, еда бо всуе создал сыны человеческия. Возвыси Десницу Твою, Боже, на стужающих нам, возвесели нас на врагов Твоих: не отврати помощь оружию Твоему и заступи нас во брани, дабы жили людие во Правде и не узрили смерти, избавили души из руки адовы.

ПСАЛОМ ТЕЛЬЦА - СРЕДА

На реках Вавилонских, тамо седохом и плакахом, внегда помянути нам Ыерусалима: како воспоём песнь рода нашего на земли чуждей? Якоже тамо вопросиша приветшии ны о словесех песней, и ведшии нас о пении: воспойте нам от песней священных. Аще забуду тебе, Ыерусалиме, забвена буди десница моя. Прильпни язык мой гортани моему, аще не помяну тебе, аще не предложу Святаго Града, яко в начале веселия моего. Забудем ли сыны эдомския, обесившия язык и естество наше, в день Ыерусалимль, глаголющыя: истощайте, истощайте град сей, до основания его. Жено змиева болядь окаянная, блажен иже воздаст тебе воздаяние твоё, еже воздала нам. Блажен иже имет, и разбиет порождённыя тобою о Камень Рода. Врази Твои, Боже, обыдоша ны, и Именем Твоим противлялись им. Обышедше обыдоша ны яко пчёлы сот, разгорешася яко огнь в тернии: Именем Твоим, Боже, противлялись им. Отриновены от рода вся тщашеся превратити в падших, но Ты, Боже, приял нас еси. От скорби призваша Тя, и услыши ны в пространство. Наказуя грешных, наказа Ты нас, смерти же не предаде ны. Не умрём, живы будем, поведаем Правду Твою. Бог нам Помощник, не убоимся, что сотворит нам грешная плоть! Бог мне Помощник, и аз воззрю прямо на враги моя. Крепость моя и пение моё Бог, и бысть во спасение роду моему. Глас радости и спасения в селениих праведных: Десница Божия сотвори силу. Десница Бога вознесе нас, и мышца наша сотворит силу. Отверзите мне Врата Правды, вшед в ня, исповемся Отцу рода моего. Сия Врата Божии, праведнии войдут в них. О, Боже, спаси род Твой! Боже, поспеши к ближним моим! Камень Рода, егоже в основу ряда сотвориша зиждущии, сей бысть во главу угла: от Бога бысть сей, и есть дивен во очесех наших. Сей день, егоже сотвори Бог, возрадуемся и возвеселимся в онь. Благословен грядый во Имя Вышнего: благословихом вы из Дому Его Святаго! Отец нашего рода ДАРЖИ явися нам: составите праздник во учащающих к Жертвеннику Его. Бог мой еси Ты, и исповемся Тебе: Отец мой Небесный еси Ты, и вознесёши мя: исповемся Тебе, яко услышал мя, и бысть во спасение роду моему. Исповедайтеся Богу, яко благ, яко в век милость Его. Да речет убо дом Грядущих: яко благ, яко в век милость Его. Да речет убо дом Свершающих: яко благ, яко в век милость Его. Да рекут убо вся дванадесять колен земных: яко благ, яко в век милость Его. Благословит Вышний из Дому Своего грядущих во Имя Его Святое.

ПСАЛОМ ТЕЛЬЦА - ЧЕТВЕРГ

⇐ Предыдущая123456

Поделиться: