Тексты оформить как от руки написанные.

Юра: …Быд во гожӧм кежлӧ ми, чоя-вока, мунам сиктӧ ыджыд мам да ыджыд бать дорӧ. Ёна гажа сэні. Сиктса нывкаяс да зонкаяс висьталісны миянлы «Берд» ворсӧм йылысь. Ним сертиыс тӧдчӧ, мый ворсӧмыс мунӧ керка стен бердын. Та понда ми мунам важ керка дорӧ, кӧні некод нин оз ов. Пудъясям, бӧръям кутасьысьӧс. Сійӧ беддьӧн вачкӧ мачӧ. Мачыс чорыда кучкысь ӧ * керка стенӧ да бӧр лэбӧ челядьлань. Ми кутам мачсӧ. Коді кутас, лоас кутасьысьӧн. Ёна кажитчӧ миянлы тайӧ ворсӧмыс...

*кучкысьны – ударяться.

 

Миша: …Таво гожся каникулъяс дырйи миянӧ воліс менам воча вок* Дима. Сійӧ олӧ Удора сиктын. Висьталіс миянлы «Пурысь» ворсӧм йылысь. Ми, карса зонкаяс, эг тӧдӧй тайӧ ворсӧмсӧ. Дима велӧдіс миянӧс. Ворсӧны 6-13 арӧса нывкаяс и зонкаяс. Челядь тувъялӧны** муӧ бедь, быд морт вачкӧ ӧтчыд. Та бӧрын челядь лыддьӧны пудъясянкыв, бӧрйӧны кутасьысьӧс. Кутасьысь перйӧ тувъялӧм бедьсӧ. Пока сійӧ перйӧ, челядь котӧртӧны да дзебсьӧны. Кутасьысь корсьӧ ворсысьясӧс. Сійӧ, кодӧс аддзис нин, тшӧтш заводитӧ корсьны. Бӧръя мортсӧ корсьӧны ставныс. Мӧдысь кутасьысьнас лоӧ сійӧ, кодӧс аддзисны медводз. Вӧлі ёна гажа. Медся сьӧкыд вӧлі перйыны тувъялӧм бедсьӧ. Ёна кӧ тувъяласны, сьӧкыда да дыр перъян. Мукӧдыс удитӧны бура дзебсьыны, ылӧдз котӧртӧны. Дзебсьылім машинаяс, пуяс да керкаяс сайӧ…

*воча вок – двоюродный брат

**тувъявны – забить

 

Света: …Ми воккӧд гожӧмнас ветлім Кӧрткерӧс районса Вомын сиктӧ. Сэні олӧ миян пӧч. Тайӧ грездыс меным ёна кажитчӧ. Тані сынӧдыс сӧстӧм, юыс матын. Нӧшта тані олӧны менам ёртъяс. Тӧвбыд ми гижам ӧта-мӧдлы письмӧяс. Таво Маша да Влад ёртъяс велӧдісны миянӧс ворсны «Йӧгысь». Паськыд пес чурка* вылӧ сувтӧдӧны пу йӧг**. Сэсся ми лыям беддьӧн, старайтчам веськавны тайӧ йӧгас. Коді веськалас медся ылысянь, лоас вермысьӧн. Саша воклы ёна кажитчис тайӧ ворсӧмыс. А меным вӧлі сьӧкыд веськавны беддьӧн тайӧ йӧгас. Саша бура лыйлӧ 6 метрасянь, а Влад – 7 метрасянь. Зонкаяс велӧдісны и менам тшӧтш кутіс бура артмыны…

*пес чурка – полено

**пу йӧг – нарост на стволе дерева

 

Лена: …А ме гожӧмнас ветлі Кулӧмдін районӧ. Сэні олӧ мамлӧн вокыс. Сылӧн эм кык ныв: Анна да Вера. Рытнас ми накӧд петім ывлаӧ. Нывъяс меным петкӧдлісны сиктнысӧ. А сэсся Анна шуис:

- А вай ворсыштамӧй! Тэ, Лена, мыйысь кужан ворсны?

- «Сарысь». Тӧданныд татшӧм ворсӧмсӧ?

Нывъяслы окота лои видлыны. И ме налы висьталі, кыдзи ворсны «Сарысь».

Ворсӧны 6-8 морт. Челядь пудъясьӧны, бӧрйӧны сарӧс. Сар быдӧнлы сетӧ ним: кань, мӧс, вӧв, кук, чань, рака, катша да с.в. Му вылӧ рисуйтӧны кытш. Сар пуксьӧ кытш шӧрӧ, мачсӧ пуктӧ ас бокас му вылӧ. Мукӧд ворсысьыс сувталӧны кытш гӧгӧр. Сар шуӧ кодлыськӧ нимсӧ, шуам «кань». Кань ӧдйӧ босьтӧ мачсӧ да лыйӧ бокӧ котӧртысь ворсысьясӧ. Веськалас кӧ, ворсысьлы ӧти штрап очко. Оз кӧ веськав, аслыс штрап. Кодлӧн лоас вит штрап, сувтӧ мышкӧн сарлы. Сар витысь лыяс сылы мышкас мачӧн. Та бӧрын бӧрйӧны выль сарӧс, и ворсӧмыс мунӧ водзӧ.

«Тайӧ миянлы оз лӧсяв, - шуис Вера. – Унджык морт колӧ»...

а) Заполни таблицу.

Ворсӧмлӧн ним.	Кымын ворсысь.	Ворсӧмлӧн правилӧ.

 

б) Ответь на вопросы.

1. Кӧні челядь ворсӧны «Бердысь»?

2. Кутшӧм ворсӧм йылысь висьталіс Миша.

3. Мый колӧ, медым ворсны «Йӧгысь»?

4. Кыдзи лоны вермысьӧн «Йӧг» ворсӧмын?

5. Кымын штрап очкоӧдз ворсны «Сарысь»?

6. Кымын мортлы позьӧ ворсны «Сарысь»?

7. Мый вылӧ сувтӧдӧны пу йӧг «Йӧг» ворсӧмын?

8. Кытчӧ челядь дзебсьӧны, корс ворсӧны «Пурысь».

9. Кӧні челядь ворсӧны «Йӧгысь», «Сарысь» да «Пурысь»?

Внимание! Компьютерный вирус!

в) Найди и исправь неточности, которые появились в предложениях из-за компьютерного вируса.

1. Медым ворсны «Йӧгысь» колӧ мач да паськыд пес чурка.

2. «Сарысь» ворсны колӧ пу йӧг да бедь.

3. «Пурысь» ворсӧны сӧмын нывкаяс.

4. «Бердысь» ворсӧны вӧрын либӧ ю дорын.

5. «Сарысь» позьӧ ворсны куим мортлы.

6. «Йӧгысь» ворсігӧн вермысьӧн лоас сійӧ, коді веськалас медся матысянь.

7. «Пурысь» ворсігӧн челядь тувъялӧны стенӧ бедь.

8. «Сарысь» ворсігӧн му вылӧ рисуйтӧны квадрат.

 

г) Дополни предложения недостающей информацией.

1) Юра быд гожӧм ветлӧ … (кытчӧ?). 2) … (кодъяс?) велӧдісны ворсны сійӧс «Бердысь». 3) Миша олӧ … (кӧні?). 4) Сы дорӧ Удораысь гӧститны волывлӧ … (коді?). 5) Дима велӧдіс ворсны … (кодӧс?) «Пурысь». 6) Света … (кодкӧд?) ветлывлӧны Кӧрткерӧс районса Вомын сиктӧ. 7) Сиктса ёртъясыс – … (кодъяс?) – велӧдісны ворсны Светаӧс да Сашаӧс «Йӧгысь». 8) Света дыр велӧдчис веськавны … (мыйӧн?) йӧгӧ. 9) Лена Кулӧмдінын тӧдмаліс … (кутшӧм ворсӧм?) йылысь, но ворсны эз артмы, сы вӧсна мый найӧ вӧліны куимӧн, а колӧ унджык ворсысь.

 

д) Скажи по-коми.

1) Игроки определяют царя при помощи считалки.

2) Дети чертят круг на земле.

3) Царь садится в центр круга.

4) Мяч лежит на земле рядом с царём.

5) Игроки становятся за очерченным кругом.

6) Игрок хватает мяч царя и бросает в убегающих детей.

7) Царь пять раз бросает мяч в спину проигравшего.

8) Мяч сильно ударяется об стену дома.

9) Ваня палкой ударил мяч.

10) Кто поймает мяч, станет водящим.

11) Дети забивают в землю палку.

12) Водящий вытаскивает забитую в землю палку.

13) Водящий ищет игроков.

14) В следующий раз водящим будет тот, кого нашли первым.

15) Надо бросить палкой и попасть в мяч.

 

⇐ Предыдущая12345678910Следующая ⇒

Поделиться: