Слава Отцу, и Сыну, и Святому Духу. И ныне и присно, и во веки веков. Аминь.

Тропарь, глас 8-й

О тебе отче Давиде , известен бысть спасения образ. Восприим бо крест последовал еси Христу. Творяше же и учаше, еже презрети плоть, преходит бо, прилежати же о души вещи безсмертней. Тем же и со ангелы радуется преподобне дух твой. (Дважды).

Слава Отцу, и Сыну, и Святому Духу. И ныне и присно, и во веки веков. Аминь.

Пресвятая Богородица, спаси нас!

Иже нас ради рождеися от Девы, и распятие претерпев Благии, испровергии смертию смерть, и воскресение явлеи яко Бог. Не презри их же созда рукою Своею, яви человеколюбие Свое Милостиве. Приими рождьшую Тя Богородицу молящуюся за ны, и спаси Спасе наш люди согрешьшыя.

 

КАНОН, глас 8-й

Песнь 1. Ирмос

Воду прошед яко по суху, из египетска зла избежав, израильтянин вопияше, Избавителю Богу нашему поем.

Преподобне отче Давиде, моли Бога о нас (поклон).

Благими нравы украсився, Христови прилепился еси от юности, плотьския страсти умертвив воздержанием. И к животу преподобне преставися.

Преподобне отче Давиде, моли Бога о нас  

Глаголом и законом Божиим исполнитель был еси, исполнися отче премудре, божественых даров и чюдес. И всем лучи богатно испустил еси.

Преподобне отче Давиде, моли Бога о нас  

Крепостию Христа возмогл еси, державу низложил еси и силу вражию. И похвалу победную почести прият преподобне чюдесными сиянии.

Слава Отцу, и Сыну, и Святому Духу.

Совесть имел еси благу, и око сердечное взирающее к Богу, тем же внят молитве твоей премудре, и со преподобными сочтал тя есть.

И ныне и присно, и во веки веков. Аминь. Пресвятая Богородица, спаси нас!

Страсти плоти моея, и ума моего двизания неподобная утоли, молю Тя пречистая Дево. И исправи мя заблуждьшаго умом.

Господи помилуй! Господи помилуй! Господи помилуй!

Песнь 3. Ирмос

Ты еси утвержение притекающим к Тебе Господи. Ты же свет омраченым, и поет Тя дух мой.

Преподобне отче Давиде, моли Бога о нас  

Весь прилежа Вседержителеви, преподобне отче премудре, всея бесовския злобы избегл еси.

Преподобне отче Давиде, моли Бога о нас  

Высотою смирения украшаемь, свергл еси на землю велехвальнаго, изрядными делы твоими.

Преподобне отче Давиде, моли Бога о нас  

Плотию обложен отче премудре, смирил еси превзятую выю нечестиваго, смирением словес твоих.

Слава Отцу, и Сыну, и Святому Духу.

Имея поспешествующу ти Божию силу премудре. Яко чюден чюдеса источаеши, и отгониши недуги.

И ныне и присно, и во веки веков. Аминь. Пресвятая Богородица, спаси нас!

В ложесна Твоя воплощаемь Всенепорочная, вселися Зиждитель, на благодеяние верно поющим Тя.

Седален, глас 4-й. Страстное покорил еси плотьское мудрование, и горшее поработил еси лучшему, отче Давиде преславне. Сокрушил еси бесовския козни постом, восия в мире яко луча солнечная сиянии твоих добродетелей. Сего ради тя воспеваем.

Слава Отцу, и Сыну, и Святому Духу.

И ныне и присно, и во веки веков. Аминь. Пресвятая Богородица, спаси нас!

Стена непобедимая нам христианом еси Богородице Дево. К Тебе бо прибегающе невредими пребываем. И паки согрешающе, имамы Тя молитвеницу. Тем благодаряще вопием Ти, радуися Обрадованная Господь с Тобою.

Песнь 4. Ирмос

Услышах Господи смотрения Твоего таиньство, разумех дела Твоя, и прославих Твое Божество.

Преподобне отче Давиде, моли Бога о нас  

Содеяв преславне душу свою храм Святому Духу, и бысть наследник Горнему Царствию с вышними силами.

Преподобне отче Давиде, моли Бога о нас  

Многоболезненыя страсти всегда врачуеши, приступающым к тебе. Благодать бо преподобне приим от Господа, содевати знамения и чюдеса.

Песнь 5. Ирмос

Утренююще вопием Ти, Господи спаси ны. Ты бо еси Бог наш, разве бо Тебе иного не знаем.

Преподобне отче Давиде, моли Бога о нас  

Умом очищеном, преславне зриши доброту неизреченную Христа, всяческим Бога нашего.

Преподобне отче Давиде, моли Бога о нас  

Яко же Илия на колеснице отче добродетельми своими возшел еси на небо, Духом облегчеваемь.

Кондак, глас 2-й.

Чистотою душевною божествено вооружився, и непрестанныя молитвы, яко копие вручив крепко, пробол еси бесовская ополчения, Давиде, отче наш, моли непрестанно о всех нас.

Икос.

Возлюбив преподобне Христовы божественыя заповеди, и возненавидев мира сего наслаждение, прииде усердно к Тому, и бысть светильник просвещая концы, блистанием духовным. Тем припадая молю тя, просвети ми очи душевнии, воспети твоя подвиги. Пощение и бдение и слезы, болезни и измождение тела, блаженныя ради будущия жизни. Ея же ныне наслаждаешися, моли непрестанно о всех нас.

  Песнь 7. Ирмос

Иже от Июдеи дошедше отроцы в Вавилон древле, верою утвержени, пламень пещныи попраша глаголюще, отец наших Боже благословен еси.

Преподобне отче Давиде, моли Бога о нас  

Прошед подвиги постныя отче, умом крепким, ума прегордаго, божественным смирением смирил еси поя, благословен Бог отец наших.

Преподобне отче Давиде, моли Бога о нас  

Краснейше прозябление отче, в дому Божии прозябл еси, добродетельми украшен, и плоды чюдесными облагоухал еси.

Песнь 8. Ирмос

Богозрачныя дети в пещи, со огнем и лесть поправше, пояху, благословите дела Господня Господа.

Преподобне отче Давиде, моли Бога о нас  

Наследниче божественых селении, ангельски отче пожил еси. Тем со ангелы ликует дух твой.

Преподобне отче Давиде, моли Бога о нас  

Невозвратно шествовав, отче премудре и досточюдне, ведущими к небеси божествеными стезями, от зле ведущих до конца уклонился еси.

Песнь 9. Ирмос

Устрашися всяк слух, неизреченнаго Божия схождения, яко Вышнии волею сниде и до плоти. От девическаго бо чрева быв убо человек. Тем же Тя пречистую Богородицу вернии величаем.

Молитва третья

О, священная главо, преподобне отче Давиде, великий чудотворче! Припадаем к тебе с верою и любовию, и просим тя, небеснаго заступника нашего: яви велие милосердие твое нам, смиренным и грешным, и пролей теплыя молитвы твои о нас ко Господу Богу. Исходатайствуй нам здравие душевное и телесное, земли плодоносие, воздуха благорастворение, мирное и безмятежное житие, и сохрани рабов, предстоящих и молящихся тебе, и осени небесным твоим благословением, и вся прошения их во благо исполни. Ей, отче, не презри молитв наших, со умилением к тебе возносимых, но буди о нас теплый предстатель ко Господу Богу, да славословим великия щедроты и милости Отца и Сына и Святаго Духа, в Троице поклоняемаго Бога и твое отеческое заступление во веки веков. Аминь.

 

Молитва четвертая

О, преподобне и Богоносне отче Давиде, Ангелов собрат и Апостолом подражатель, мучеником сподвижник, иноческой жизни пленитель, пустынником кормчий, молящихся тебе помощниче, просвещенный чудесами, молнией блистания твоего темных сил невидимо отгонителю.

О, преблаженне отче, молитвами твоими избави нас от всяких зол и сетей лукавых, земных и воздушных, от геенны огненной. Умоли возлюбленнаго тобою Бога, да ополчит нас Ангелами Своими, силою непобедимою.

О, пресветлая звезда, Божественнаго великолепия, будь заступник пред Святою Троицею, пред которой ты предстоишь, да избавит нас от междоусобныя брани, и даждь нам мирное и безмятежное житие, здравие душевное и телесное, земли плодородие, воздуха благорастворение, Божественным светом просвещение и с праведными во веки веков упокоение, яко да подобает Тебе, Пресвятая Троице, всякая слава, честь и поклонение во веки веков. Аминь.

 

Молитва иная

Преподобный отче Давиде, угодник Божий, проповедник и справедливого суда не убоявшийся! Смиренно молю тебя: упроси Господа нашего Иисуса Христа даровать мне счастье продолжить род человеческий. Святой отче, исцели боль мою и яви чудо твоего покровительства. Аминь

 

Тропарь, глас 8-й

О тебе отче Давиде , известен бысть спасения образ. Восприим бо крест последовал еси Христу. Творяше же и учаше, еже презрети плоть, преходит бо, прилежати же о души вещи безсмертней. Тем же и со ангелы радуется преподобне дух твой. (Дважды).

Слава Отцу, и Сыну, и Святому Духу. И ныне и присно, и во веки веков. Аминь.

Пресвятая Богородица, спаси нас!

Иже нас ради рождеися от Девы, и распятие претерпев Благии, испровергии смертию смерть, и воскресение явлеи яко Бог. Не презри их же созда рукою Своею, яви человеколюбие Свое Милостиве. Приими рождьшую Тя Богородицу молящуюся за ны, и спаси Спасе наш люди согрешьшыя.

 

КАНОН, глас 8-й

Песнь 1. Ирмос

Воду прошед яко по суху, из египетска зла избежав, израильтянин вопияше, Избавителю Богу нашему поем.

123Следующая ⇒

Поделиться: