МОЛИТВЫ И ПЕСНОПЕНИЯ НАД ТЕЛОМ УСОПШЕГО

Над телом усопшего мiрянина, прежде его отпевания и погребения, читается Священная Книга Псалтирь, при чём после каждой «Славы», на которыя Псалтирь разделена, обычно произносится следующая молитва:

Помяни, Господи Боже наш, в вере и надежди живота вечнаго преставльшагося раба (-у) Твоего (-ю), брата нашего (сестры нашей) (имя), и яко Благ и Человеколюбец, отпущаяй грехи, и потребляяй неправды, ослаби, остави и прости вся вольная его (ея) согрешения и невольная, избави его (ея) вечныя муки и огня геенскаго, и даруй ему (ей) причастие и наслаждение вечных Твоих благих, уготованных любящим Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго, верова, и Единицу в Троице и Троицу во Единстве, православно даже до последняго своего издыхания исповеда.

Темже милостив тому буди, и веру, яже в Тя вместо дел вмени, и со Святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Богъ милостей и щедрот, и человеколюбия, и Тебе славу возсылаем Отцу и Сыну и Святому Духу, ныне и присно, и во веки веков. Аминь.

 

Кроме того, над усопшим совершаются панихиды и затем последование погребения, на которых возглашаются следующие молитвы и песнопения:

 

Святы́ й Бо́ же, Святы́ й Кре́ пкий, Святы́ й Безсме́ ртный, поми́ луй нас. (Три раза.)

Сла́ ва Отцу, и Сы́ ну, и Свято́ му Ду́ ху. И ны́ не, и при́ сно, и во ве́ ки веко́ в. Ами́ нь.

Молитва ко Пресвятой Троице

Пресвята́ я Тро́ ице, поми́ луй нас; Го́ споди, очи́ сти грехи́ на́ ша; Влады́ ко, прости́ беззако́ ния на́ ша; Святы́ й, посети́ и исцели́ не́ мощи на́ ша, и́ мене Твоего́ ра́ ди.

Господи, помилуй. (Три раза.)

Молитва Господня

О́ тче наш, И́ же еси́ на небесе́ х! Да святи́ тся и́ мя Твое́, да прии́ дет Ца́ рствие Твое́, да бу́ дет во́ ля Твоя́, я́ ко на небеси́ и на земли́. Хлеб наш насу́ щный даждь нам днесь; и оста́ ви нам до́ лги на́ ша, я́ коже и мы оставля́ ем должнико́ м на́ шим; и не введи́ нас во искуше́ ние, но изба́ ви нас от лука́ ваго. Яко Твое есть Царство, Сила и Слава, во веки. Аминь.

 

Панихида по усопшим

Тропари, глас 4

Со духи праведных скончавшихся душу раба Твоего (или: душу рабы Твоея; о многих же: души раб Твоих), Спасе, упокой, сохраняя ю[84] во блаженней жизни, яже у Тебе, Человеколюбче.

В покоищи Твоем, Господи, идеже вси святии Твои упокоеваются, упокой и душу раба Твоего, яко един еси Человеколюбец.

Слава Отцу и Сыну и Святому Духу: Ты еси Богъ, сошедый во ад и узы окованных разрешивый, Сам и душу раба Твоего (рабы Твоей) упокой.

И ныне и присно и во веки веков: Едина Чистая и Непорочная Дево, Бога без семене рождшая, моли спастися души его. Во блаженном успении вечный покой подаждь, Господи, усопшему рабу Твоему (усопшей рабе Твоей) (имя), и сотвори ему (ей) вечную память.

 

Ектения

Помилуй нас, Боже, по велицей милости Твоей, молим Ти ся, услыши и помилуй.

Еще молимся о упокоении души усопшаго раба Божия (или: рабы Божией, или: раб Божиих) (имя), и о еже проститися ему (ей, им) всякому прегрешению, вольному же и невольному.

Яко да Господь Богъ учинит душу его, идеже праведнии упокояются.

Милости Божiя, Царства Небеснаго и оставления грехов его (ея, их), у Христа Безсмертнаго Царя и Бога нашего просим.

Молитва

Боже духов и всякия плоти, смерть поправый и диавола упразднивый, и живот мiру Твоему даровавый: Сам, Господи, упокой душу усопшаго раба Твоего (или: усопшия рабы Твоея) (имя), в месте светле, в месте злачне, в месте покойне, отнюдуже[85] отбеже болезнь, печаль и воздыханiе. Всякое согрешение, содеянное им (или: ею) словом, или делом, или помышлением, яко благий человеколюбец Богъ, прости, яко несть человек, иже жив будет и не согрешит. Ты бо Един кроме греха, правда Твоя правда во веки, и Слово Твое истина.

Яко Ты еси Воскресение и живот, и покой усопшаго раба Твоего (или: усопшия рабы Твоея) (имя), Христе Боже наш, и Тебе славу возсылаем, со безначальным Твоим Отцем, и пресвятым и благим и животворящим Твоим Духом, ныне и присно, и во веки веков. Аминь.

 

⇐ Предыдущая17181920212223242526Следующая ⇒

Поделиться: