СЛУЖБА Собору Крымских святых

Память празднуем 15 / 28 декбря

На Велицей Вечерни

Е

На Господи воззвах: стихиры на 8, глас 6:

Же радуйся, / Церковь Небесная и земная, / празднующи соборную память / святых покровителей и угодников Божиих, / в Таврии просиявших. / Днесь да возрадуются горы и удолия, / да взыграет море восхваляюще Господа, / даровавшаго нам сих заступников.

Святых и всехвальных апостолов Андрея Первозванного и Симона Зилота / в песнословиих превознесем, / яко родоначальников и основателей Таврическия и Всероссийския Церкве, / ихже Господь послаше в нашу землю, / яко первых Своих благовестников.

На Бога паче всего надеющеся, да непозыблемым в вере сташа, / яко гора Сион, тако и ты, равноапостольне Клименте со ученики Корнилием и Фивом, / мужески претерпеша заточение в Херсонесе, / идеже мирови явишася, яко добрыя исповедницы Христовы.

О, веселие духовное, о, радосте святолепная / днесь приидоша в сердца пасомых и клира, / вострубим о великих словенских учителех, / святых братиех Кирилле и Мефодии, / Богомудрых проповедницех закона Евангельскаго на брезех Таврии / и насадителех Православия.

Первопрестольниче и светильниче Всероссийский, / митрополите и чудотворче Михаиле, / приими наши сыновния похвалы. / Ты, Промыслу Божию содействующу, приплыша из Византии в Херсонес, / во еже просветити князя Владимира Крещением. / Паки восхваляем чудеса Божии, /яко и оттоле и вся Русь крестишася / и святою во веки наименовашеся.

Ины стихиры, глас 2:

Бог возведе в гору святыни Своея вас / святыя бессребреницы Космо и Дамиане. / От нечестиваго царя бегая, / вы привиташе у горы Чатыр-Даг и тамо место подвигов ваших / дивно прославися явлением целебнаго источника и вознаграждением святыя обители.

Яко огнезрачныя Херувимы, / вы предсташа пред Престолом Святыя Троицы, / триста осмь страстотерпцев Христовых / вкупе с царицею Гаафою, / сожженныя в Готфии на церковной молитве и в Гурзуфе почивающия. Молитесь о пастве, яко храмины душ ваших просветишася / Божественным сиянием.

Насажденныя в дому Господни, во дворех Бога нашего процветшия во веки / яко кедры Ливанския и благоуханный сельныя крины / вы, пречестныя отцы пустынницы / насельницы гор и расселин Таврии / яко птицы небесныя, / вы на крилех молитвы воспаряще к Богу. / Сице научите и нас возноситися к Нему молитвенно / яко вы взыдоша на гору Господню и сташа на месте святем Его / Богосиянныя подвижницы.

Слава и ныне, Богородичен, глас тойже:

Воспоим велелепую похвалу всим преславным апостолам и благовестникам Христовым, / преосвященным архипастырям, / победоносным мученикам, преподобным и Богоносным отцам и женам / и всим праведникам Богокраснаго Собора Таврических святых, / иже наш край обогатиша святынею, / а днесь вкупе с Царицею Небесною молятся о преспеянии клира и паствы и о спасении душ наших.

Вход. Прокимен дне. И чтения.

Соборнаго послания Петрова чтение:

Братие, благословен Бог и Отец Господа нашего Иисуса Христа, Иже по мнозей Своей милости порождей нас во упование живо воскресением Иисус Христовым от мертвых, в наследие нетленно, и нескверно, и неувядаемо, соблюдено на небесех вас ради. Иже силою Божиею соблюдени верою, во спасение готовое явитися во время последнее. О немже радуйтеся, мало ныне, аще лепо есть: прискорбни бывше в различных напастех. Да искушение вашея веры, многочестнейше злата гибнуща, огнем же искушена, обрящется в похвалу и честь и славу, во откровение Иисус Христове. Егоже не видевше любите: и на Него же ныне не зряще, верующе же, радуетеся радостию неизглаголанную и прославленною, приемлюще кончину вере вашей, спасение душам.

Премудрости Соломоновы чтение:

Праведницы во веки живут, и в Господе мзда их и попечение их у Вышняго. Сего ради приимут царствие благолепия, и венец доброты от руки Господни, зане десницею покрыет я, и мышцею защитит их. Приимет всеоружие рвение свое, и вооружит тварь и месть врагом. Облечется в броня правды, и возложит шлем, суд нелицемерен. Приимет щит непобедимый преподобие. Поострит же напрасный гнев во оружие: споборет же с ним мир на безумныя. Пойдут праволучныя стрелы молниины, и яко от благокругла лука облаков, на намерение полетят. И от каменометныя ярости исполнь падут грады, вознегодует на них вода морская, реки же потопят я нагло. Сопротив станет им жух силы и яко вихор развеет их, и опустошит всю землю беззаконие, и злодейство превратит престолы сильных. Слышите убо, царие, и разумейте, навыкните, судии концев земли. Внушите, держащии множества и гордящиеся о народех языков, яко дана есть от Господа держава вам и сила от Вышняго.

Царств Третьих чтение:

Ста Соломон пред лицем жертвенника Господня, пред всем собором Израилевым. И, возвед руце свои на небо, и рече: Господи Боже Израилев, несть Бог, якоже Ты, на небеси горе и на земли доле. Аще бо и небе и небо небесе не довлеют Тебе, како дом сей, егоже создах имени Твоему? Обаче и призриши на молитву мою, Господи Боже Израилев, услышати моления и молитву, еюже раб Твой молится пред Тобою к Тебе днесь. Да будут очи Твои отверсты на дом сей и нощь, на месте сие, о немже глоголал еси: будет имя Мое тамо, еже услышати молитву, еюже молится раб Твой на месте сем, во дни и нощи. И послушати мольбы раба Твоего и людей Твоих, Израиля. И елика аще помолится к Тебе на месте сем, и Ты услышиши на месте жилища Твоего на небеси, и сотвориши, и милостив будеши им.

На литии стихира храма и святым, глас 4:

Архиерей Великий и Первосвященник Христос / послыша Свет Свой и Истину Свою / ученикам, апостолам и всем избранникам, / в Таврикии просиявшим, / их укрепиша и наставиша/ и введоша во святую Гору Свою.

Горы окрест святителей и исповедников Христовых / Климента и Мартина, Инкерманских чудотворцев и их Богом данныя паствы, / но не оставиша Господь Свое прелюбезное стадо и пастырей, / пречудно в пустыни их препиташа, / целебный источник из камени изведоша / и всим дароваше Свою богатую милость.

Радуйтеся, праведнии, о Господе, / правым подобает похвала и венцы нетленныя, / любосмиренныя отшельницы Таврическия. / Ублажаем ваши деннонощныя подвиги, / почитаем пресветлое житие, / похваляем и безмездное врачевство недугов, яже вы низпосылаете доселе, / святии безсребреницы Космо и Дамиане, / предивныя угодницы Христовы.

Мнози скорби праведницы претерпеша, / и от всех их избавиша Господь, / яко страстотерпцы Его, в Таврии почитаемыя, / присно под сень Креста притекаше, / врагам и мучителям противляшеся, / не боящеся тех коварства, ни ловительства.

Слава и ныне, Богородичен, глас 3:

Днесь притецем, людие, к тихому и доброму пристанищу, / Боголюбивей Матери Царя Превечнаго, / даровавшей земли Тавричестей двадесять чудотворных Ея икон. / Освященному Собору святых мольбы возсылающе, благодарим Тя, Дево Всепетая, и паки воспеваем / Твое вседержавное окормление и предстательство.

 

Стихиры на стиховне, глас 2:

Великая звезда, от запада востекшая к востоку, / ты еси, муж апостольский, святителю Клименте, / учениче первоверховнаго Петра, / ты по кончине являше дивное чудо отшествия воды у мыса Херсонеса, / показуя пасомым на дне моря твоя многоцелебныя мощи. / Яви нам, святче Божий, твою милость, / да и мы, хладныя к вере, к Богу прилепимся, / и волны страстей от нас отступят.

Стих: Во всю землю изыде вещание их, и в концы вселенныя глаголы их.

Воистинну пути Господни неисповедимы, / предивно и призвание князя Владимира к подвигам апостольским, / иже десницею Всевышняго укреплен, / идольскую прелесть отринул еси / и в Херсонесе святым Крещением просветися, / светом познания Христова Таврию и всю землю Русскую озарил еси.

Стих: Небеса поведают славу Божию, творение же руку его возвещает твердь.

Велицыи исповедницы Христовы, / седьмочисленныя святителие Херсонесския: Василие, Ефреме, Евгение, Елпидие, Агафодоре, Еферие, Капитоне, / вы в краю нашем Христа проповедаша, / за Него и пострадаша. / Молитеся о пастве, да, вашим заступлением, / обрящем силу и крепость / и на супостаты победу и одоление.

Стих: Честна пред Господем смерть преподобных Его.

Паче песка морскаго и звезд небесных множае / бысть ваши труды и добродетели, / отцы пустыннолюбцы, прехвальныя черноризцы / вы, молвы житейския бегая, / Крест Христов на рамена возложиша, / блага вечныя унаследоваша. / Молитеся, богоносныя отцы, о процветании Церкви Таврическия.

Слава и ныне, Богородичен, глас 8:

Яко лествицу высокую, досязающую до небесе, / и яко Гору Тучную, Еюже к Богу восходим, / имеяше Тя, Царице Небесная, / вси святии земли Таврическия. / О, Дево преблаженная, молися со всем Освященным Собором, / да подаст нам Всемилостивый Спас / Свою велию милость.

⇐ Предыдущая3456789101112Следующая ⇒

Поделиться: