II. Восстание в Киеве в 1068 г. (Из Лаврентьевской летописи)

В лето 6576. Придоша иноплеменьници на Русьску землю половьци мнози. Изяслав же, и Святослав, и Всеволод изидоша противу имь на Льто. И бывши но-щи, подъидоша противу собе. Грехь же* ради наших пус-

55

ти бог на ны поганыя и побегоша русьскыи князи, и победита половци...

...Изяславу же со Всеволодом Кыеву побегшу, а Святославу Чернигову, и людье кыевстии прибегоша Кыеву, и створиша вече на торговищи, и реша, послав-шеся ко князю: «Се половци росулися по земли; дай, княже, оружье и кони и еще бьемся с ними». Изяслав же сего не послуша. И начата людие говорити на вое­воду на Коснячька; идоша на гору, с веча, и придоша на двор Коснячков, и не обретше его, сташа у двора Брячиславля и реша: «Пойдем, высадим дружину свою ис погреба». И разделишася надвое: половина их иде к погребу, а половина их иде по Мосту; си же при­доша на княжь двор. Изяславу же седящу на сенех с дружиною своею, начата претися со князем, стояще доле. Князю же из оконця зрящю и дружине стоящи у князя, рече Тукы, брат Чюдинь, Изяславу: «Видиши, княже, людье възвыли; поели, ат Всеслава блюдуть». И се ему глаголющу, другая половина людий приде от погреба, отворивше погреб. И рекоша дружина князю: «Се зло есть; поели ко Всеславу, ат призвавше лестью ко оконцю, пронзуть и мечемь». И не послуша сего князь. Людье же кликнута, и идоша к порубу Всеслав-лю. Изяслав же се видев, со Всеволодом побегоста з двора, людье же высекоша Всеслава ис поруба, в 15 день сентября, и прославиша и (Т.: и поставиша и) среде двора къняжа. Двор же княжь разграбиша, бещисленое множьство злата и сребра, кунами и белью. Изяслав же бежа в Ляхы... [Далее пропускает­ся описание победы Святослава над половцами у Сно-ви и рассуждение о силе креста.] Всеслав же седе Кые-ве месяць 7.

В лето 6577. Поиде Изяслав с Болеславомь на Все­слава; Всеслав же поиде противу. И приде Белугороду Всеслав, и бывши нощи, утаивъся кыян бежа из Бела-города Полотьску. Заутра же видевше людье князя бежавша, възвратишася Кыеву, и сотвориша вече, (и) послашася к Святославу и к Всеволоду, глаголюще: «Мы уже зло створили есмы, князя своего прогнавше, а се ведеть на ны Лядьскую землю, а поидета в град отца своего; аще ли не хощета, то нам неволя: зажго-ша (РА: зажегше) град свой, ступим в Гречьску зем­лю». И рече им Святослав: «Be послеве к брату свое-56

My; аще поиДетЬ на вы с ляхы губити вас, то ве протй-ву ему ратью, не даве бо погубити града отца своего; аще ли хощеть с миромь, то в мале придеть дружине». И утешиста кыяны. Святослав же и Всеволод посласта к Изяславу, глаголюща: «Всеслав ти бежал, а не води ляхов Кыеву, противна бо ти нету; аще ли хощеши гнев имети и погубити град, то веси, яко нама жаль отня стола». То слышав Изяслав, остави ляхы и поиде с Болеславом, мало ляхов поим; посла же пред (РА доб.: собою) сына своего Мьстислава Кыеву. И пришед Мьстислав, исече (РА доб.: кияны), иже беша высекли Всеслава, числом 70 чади, а другыя слепиша, другыя же без вины погуби, не испытав. Изясла-ву же идущю к граду, изидоша людье противу с поклоном, и прияша князь свой кыяне; и седе Изяслав на столе своемь, ме­сяца мая в 2 день. И распуща ляхы на покорм (и) из-биваху ляхы отай; (и) възвратися в ляхы Болеслав, в землю свою. Изяслав же възгна торг на гору и прогна Всеслава ис Полотьска, посади сына своего Мьстисла­ва Полотьске; он же вскоре умре ту. И посади в его место брата своего (РА: его) Святополка, Всеславу же бежавшю.

...В лето 6579. Воеваша половци у Растовьця и у Ятина (РА: у Неятина). В се же лето выгна Всеслав Святополка и с Полотьска. В се же лето победи Яро-полк Всеслава у Голотичьска. В си (же) времена при-де волхв, прелщен бесом; пришед бо Кыеву глаголаше, сице поведая людей, яко на пятое лето Днепру потещи вспять и землям преступати на ина места, яко стати Гречьскы земли (РА доб.: на Руской), а Русьскей на Гречьской, и прочим землям изменитися. Его же не-вегласи послушаху, вернии же насмехаются (РА: смея-хуться), глаголюще ему: «Бес тобою играеть на пагубу тобе». Се же и бысть ему: в едину бо нощь бысть без вести. Беси бо подътокше на зло вводять; посем же насмисаются, ввергъше и в пропасть смертную, научив-ше глаголати. Яко же се скажем бесовьское наущенье и действо. [Далее следует рассказ о восстании в Рос­товской области.]

Повесть временных лет, ч. 1. М. — Л., 1950, с. 112—117.

57

⇐ Предыдущая12345678910Следующая ⇒

Поделиться: