Сура 59. аль-ХIашр (КIватIун)

 

Мергьяметлу, Регьимлу Аллагьдин тIварцIелди!

1. Пакнава Аллагь цавара авайбуру ва чилел алайбуру, ва Ам – Гужлуди (Къудратлуди), Камаллуди я.

2. Ам я – кафирвал авур Ктаб-эгьлияр (Мединада авай чувудрин къебила «бану – надз́ и́ р» ) чпин яшамиш жезвай чкайрай чукурайди кIватIунин* сифте кьиляй. Куьне абур экъечIда лагьана фикир авуначир. Ва абуру чпин къелейри чеб Аллагьдикай хуьда лагьана фикирнай, амма Аллагьди абуру гьич гьисабдани кьун тавур патахъай абурув агакьарна, ва абурун рикIериз кичI вегьена. Абуру чпин кIвалер чпин гъилералди ва муъминрин гъилералди чукIурзава. Ибрет къачу куьне эй, «аквадай вилерин» сагьибар (кьатIун авай ксар)!

3. Эгер Аллагьди абуруз (масаниз) чукурун къадар-кьисметнавачиртIа, Ада абуруз и дуьньяда дугъриданни гудай азаб, ва Ахиратда абуруз ЦIун азаб жеда.

4. Ам – абуру Аллагьдиз ва Адан Расулдиз акси пад кьуна мидявал авурвиляй я. Ва ни Аллагьдиз акси пад кьуна мидявал ийизватIа, гьакъикъатда, Аллагь (ахьтиндаз) кIеви жаза гудайди я.

5. Вуч куьне атIанатIани «хумравдин тарарикай» ва я тунатIани абур чпин танрал акъвазнаваз – ам Аллагьдин ихтиярдалди я, ва фасикьар «агъузарун» (алчахрун) патал.

6. Аллагьди, абурувай (чувудривай) «дяведа женг галачиз гьатай шейэр» яз Вичин Расулдиз гайиди – куьне ам патал я балкIанраллаз, я девейраллаз тадиз гьужум авур кар авач, амма Аллагьди Вичин Расулриз Вичиз кIан хьайидан винел гьакимвал гузва. Ва Аллагь гьар са шейинал къудратлу я.

7. Аллагьди Вичин Расулдиз хуьрерин агьалийривай (мушрикривай) «дяведа женг галачиз гьатай шейэр» яз гайиди, ам: Аллагьдиз, Расулдиз, (Расулдин) мукьва-кьилийриз (бану-Гьашим ва бану-алМутIтIалиб тухумриз), етимриз, кесибриз ва рекье авай ксариз талукь я – квекай са девлетлуйрин гъилерай гъилиз физвай шеъ тахьун патал (ам). Вуч квез Расулди гъанватIани (са эмир, кар, шеъ) куьне ам къачу (кьилиз акъуда), ва вуч квез ада къадагъа авунватIа, куьне акъвазара (яргъа хьухь). Ва Аллагьдикай кичIе хьухь, гьакъикъатда Аллагь кIеви жаза гудайди я.

8. (Ва) «Мугьа́ жиррин» (Меккадай Мединадиз куьч хьанвай асгьабрин) кесибризни, чпин яшамиш жезвай чкайрай ва чпин мал-девлетдикай чукурнавай. Абуру Аллагьдин патай мергьямат ва разивал тIалабзава ва Аллагьдиз ва Адан Расулдиз куьмек гузва. Гьабур – керчекбур я.

9. Ва чпи бине ктуна и уьлкве (Мадина-шегьер) гьазурай ва абурулай вилик иманни гъайи – абуруз, чпин патав «гьижра» авурбур (куьч хьайибур) гзаф кIанзава, ва жагъидач абуруз чпин хурара са муьгьтежвални абуруз (мугьажирриз) ганвайдан гьакъиндай, ва абуру абур (мугьажирар) чпелайни артух кьазва гьатта чпиз лап муьгьтежвал аватIани. Ва вуж вичин нефсинин мискьивиликай (мутIлакьвиликай) хвенватIа, гьабур я – агалкьунар авайбур.

10. Ва абурулай гуьгъуьниз атайбуру, лугьузва: «Чи Рабби! Багъишламиша чаз (гъил къачу чалай), ва чалай вилик иман гъайи чи стхайризни! Ва чи рикIера инанмиш хьанвайбурал ажугъвал ва пехилвал ийимир. Чи Рабби! Гьакъикъатда, Вун – Лап Мергьеметлуди (Юмшагъди), Регьимлуди я».

11. Бес вун килигначни мунафикьвал авурбуруз, абуру Ктаб-эгьлийрикай кафирвал авур чпин «стхайриз» лугьузва: «Эгер куьн акъудайтIа, чунни квехъ галаз экъечIда, ва чун куь гьакъиндай (квез писвализ) садазни гьич садрани муьтIуьгъ жедач. Ва эгер квехъ галаз дяве тухвайтIа, чна квез дугъриданни куьмекда». (Амма) Аллагьди шагьидвалзава – абур тапархъанар тирди.

12. Эгер абур (чувудар) акъудайтIа, абурухъ галаз абур (мунафикьар) экъечIдач, ва эгер абурухъ галаз дяве тухвайтIани, абуру абуруз куьмек гудач. Ва эгер абуру абуруз куьмек гуз хьайитIани, абуру чарасуз (чпин) далуяр элкъуьрда (катиз), ахпа абуруз (чувудриз) куьмек (гъалибвал) жедач.

13. Гьакъикъатда, куьн мадни къурхулу я абурун нефсера Аллагьдилай, вучиз лагьайтIа абур гъавурда авачир ксар я.

14. Абуру вирида санал квехъ галаз женг чIугвадач, анжах мягькемарнавай (къеле хьтин) хуьрера, ва я цларин кьулухъай (квачиз). Абурун мидявал (гуж) чпин арада къати я. Вуна абур «вири сад тир хьиз» гьисабзава, амма абурун рикIер чара я. Ам – абур акьулди кьатIун тийизвай ксар тирвиляй я.

15. Абур мукьвал тир чпелай вилик хьайибуруз ухшар я, абуру чпин кардин завал (зиян) дадмишна ва абуруз азиятлу азаб жеда.

16. Абур – ухшар я шейтIандиз, ада инсандиз лагьай чIавуз: «Кафирвал ая! »- ва ада кафирвал авурла.., ада (шейтIанди Къияматдин Юкъуз) лугьузва: «Зун вакай яргъа (алакъасуз) я! Гьакъикъатда заз кичIезва Аллагьдикай – алемрин Раббидикай».

17. Ва абурун кьведан «кардин эхир» хьана – абур кьведбурни ЦIа хьун, даим яз кьведбурни ана амукьиз. Гьа ам я – зулумкаррин жаза.

18. Эй, инанмишвал авунвайбур, кичIе хьухь квез Аллагьдикай (яни Адан эмирар кьилиз акъудиз, Адан къадагъайрикай яргъаз жез куьне куьн хуьх Адан азабдикай), ва къуй гьар са чан ада пакад югъ патал вуч гьазурнаватIа килиграй. КичIе хьухь вкез Аллагьдикай, гьакъикъатда Аллагьдиз куьне ийизвай амалрикай хабар ава.

19. Ва жемир куьн Аллагь рикIелай алудайбур хьиз ва Ада абурув чпивай чеб рикIелай алудиз туна. Гьабур я – фасикьар.

20. ЦIун эгьлияр ва Женнет-эгьлияр сад жедач. Женнет-эгьлияр – гьабур я агалкьунар (гъалибвал) жедайбур.

21. Эгер Чна и Къуръан (са) дагъдал авуднайтIа, ваз ам (дагъ) Аллагьдикай кичIевиляй умунлу хьана пад-пад хьана аквадай. Ва а мисалар – Чна абур инсанриз гъизва, абуру фикир авун патал.

22. Ам я Аллагь – Вичелай гъейри (ибадатдиз лайихлу тир) маса гъуц авачир, гъайб* (чинебанди, чуьнуьхди) ва ашкаради (ачухди) Чизвайди, Ам я Мергьяметлуди, Регьимлуди.

23. Ам я Аллагь – Вичелай гъейри (ибадатдиз лайихлу тир) маса гъуц авачир, Гьаким (Агъа), Пакди (Михьиди), Саламатди (нукьсанрикай, кимивилерикай ва зулум авуникай, Ислягьди), Керчекди (Вичин Расулар аятралди, делилралди Тестикьарзавайди, Саламатвал Гудайди), Гуьзчивалдайди (Хуьдайди), Гужлуди (Гъалибди), МуьтIуьгъардайди (Мажбурдайди), Такабурлуди я! Пак я Аллагь абуру гъизвай ширкдикай.

24. Ам я Аллагь – Халикь, Арадал Гъидайди, Суьрет Гузвайди. Адахъ виридалайни хъсан тIварар ава. Пакзава Ам цавара (авайбуру) ва чилел алайбуру. Ва Ам – Гужлуди (Къудратлуди), Камаллуди я.

 

Сура 60. аль-МумтахIанагь (Синемишзавай [имтигьандик квай] дишегьли)

 

Мергьяметлу, Регьимлу Аллагьдин тIварцIелди!

1. Эй, инанмишвал авунвайбур (Аллагьдихъ ягъунвайбур)! Кьамир куьне Зи душман ва куь душман дустар (куьмекчияр) яз, куьне абурухъ кIанивал вегьезва (фикирни тийиз), вични абуру квез атанвай гьахъунихъ кафирвалнавайла, абуру Расул ва куьн чукурзавайла, куьне инанмишвал авуна лугьуз Аллагьдихъ – куь Раббидихъ, эгер куьн Зи рекье джигьад ийиз ва Зи разивал къазанмишун патал экъечIнавайбур ятIа. Куьне абурухъ чинеба кIанивалзава, вични Заз виридалайни хъсан чизвайла куьне чуьнуьх (чинеба, чин) авурди ва куьне ашкара (ачух) авурди. Ва квекай ни ахьтин кар авуртIа, гьакъикъатда ам дуьз рекьяй акъатнава.

2. Эгер куьн абурун гъиле гьатайтIа, абур квез душманар яз жеда, ва абуру квел чпин гъилер ва мецер гзаф яргъи ийида писвал ийиз, вични абуруз куьне кафирвал авун кIан хьанвайла.

3. Гьич са менфятни жедач квез куь мукьва-кьилийрикай ва веледрикай. Къияматдин Юкъуз Ада куьнни абур чара ийида. Ва Аллагьдиз куьне ийизвай амал аквазва.

4. Гьакъикъатда, Ибрагьима (адан карда) ва адахъ галайбура квез хъсан чешне авай, абуру чпин халкьдиз лагьай чIавуз: «Гьакъикъатда чун яргъабур (алакъасузбур) я – квекай ва куьне Аллагьдилай гъейри ибадатзавайбурукай, чна квехъ кафирвалнава, ва ачухдиз арадал атанва чини куь арада душманвал ва такIанвал даим яз, та куьне Сад тир Аллагьдихъ инанмишвал ийидалди». Анжах Ибрагьиман гафар квачиз, вичин бубадиз лагьай: «За дугъриданни ви патахъай «астагъфир» ийида (гунагьрилай гъил къачун тIалабда), ва зи гъиле Аллагьдин вилик ви патахъай са шеъни авач». «Чи Рабби! Чна са Вал таваккул* авунва, ва Ви патав чун туба авуна хтанва (элкъвенва), ва Ви патав я элхъвена хтун (виридан, Къияматдин Юкъуз)!

5. Чи Рабби! Чун кафирвал авурбуруз фитне яз ийимир (Вуна чаз азаб гуз, ва я абуруз чи винел гьакимвал гуз бес чун абуру чи диндикай яргъа ийида, ва я абуруз гъалибвал гуз чал ва абуру фикирда чеб гьакьдал алай хьиз), ва чалай гъил къачу чи Рабби, гьакъикъатда Вун – Гужлуди, Камаллуди я».

6. Гьакъикъатда квез абура хъсан чешне авай – вичи Аллагьдик ва Эхиримжи Йикъак умуд кутунвайдаз. Ва вуж патахъ элкъвезватIа, гьакъикъатда Аллагь – Ам я Девлетлуди, Тарифлуди (Тарифдиз Лайихлуди)!

7. Мумкин я Аллагьди авун куьни ва куьне чпихъ галаз душманвалнавайбурун арада кIанивал (кафирар диндал гъана). Аллагь – Лап Къудратлуди я. Аллагь – Гъил Къачудайди, Регьимлуди я.

8. Аллагьди квез къадагъа ийизвач, квехъ галаз диндин патахъай дяве тухун тавурбур ва куьн куь яшамиш жезвай чкайрай (кIвалерай) акъуд тавурбур (патахъай) – абуруз куьне хъсанвилер (гьуьрмет) авун ва куьне абуруз адалатлувал авун. Гьакъикъатда, Аллагьдиз адалатлубур кIанда.

9. Аллагьди квез къадагъа ийизва анжах: квехъ галаз диндин патахъай дяве тухвайбур, куьн куь яшамиш жезвай чкайрай (кIвалерай) акъудайбур, ва куьн чукурун патал куьмекайбур – куьне абурухъ галаз дуствал авун. Ва ни абурухъ дуствал авуртIа, гьабур я – зулумкарар.

10. Эй, инанмишвал авунвайбур(иман гъанвайбур)! Куь патав «гьижра» авунвай (диндин рекье куьч хьанвай) муъмин-дишегьлияр атайла, куьне абуруз имтигьан (синемишун, ахтармишун) ая, – Аллагьдиз абурун имандикай лап хъсан чизва -, ва эгер квез абур (а дишегьлияр) муъмин ксар тирди чир хьайитIа, элхкъуьрмир куьне абур кафиррин патав, абур (муъмин дишегьлияр) гьалал туш эвленмиш жез абуруз (кафир итимриз), я абур (кафир итимар)- гьалал туш абуруз (муъмин дишегьлийриз). Ва абурув (мушрик итимрив) абуру харж авурди вахце (жигьизар, руш тухудайла гайи багъишар). Ва алач квел гунагь, эгер куьн абурал (куьч хьанвай муъмин дишегьлийрал) эвленмиш хьайитIа, эгер куьне абуруз чпин гьакъи (жигьизар) гайитIа. Ва куьне кафир папарин «никягьрин алакъаяр» (мушрикар тир, диндин рекье куьч тахьана амукьнавай куь папар, абур куь гъилик) кьуна тамир, ва куьне харж авурди (жигьизар) тIалаб хъия, ва къуй абуруни (кафир итимри, гъуьлери) чпи авур харжияр тIалаб хъувурай. Гьа им я квез Аллагьдин гьукум (къарар, эмир). Ада куь арада гьукум ийизва. Аллагь – Вири Чидайди, Камаллуди я.

11. Ва эгер кафиррин патав катна куь гъиляй акъатайтIа бязибур куь папарикай (ва кафирри квев харжияр гахгун тийиз хьайитIа), ва куьне нубат къахчурла (мушрикрал гъалибвал къачуна дяведай шейэр къачурла) хце куьне чпин папар хъфейбуруз абуру харж авур кьванди. Ва кичIе хьухь квез Аллагьдикай, Вичихъ куьне инанмишвалзавай.

12. Эй, Пайгъамбар! Ви патав «кьин кьуна гаф гуз» (икьрар кутIуниз) муъмин дишегьлияр атайла: чпи Аллагьдиз са шейни шерик яз гъидач, чпи чуьнуьхдач, чпи «зина» ийидач, чпи чпин аялар рекьидач, чпи буьгьтен кар ийидач – къундармишиз чпи ам «чпин гъилерин ва чпин кIвачерин арада»(гъуьлуьн кIвачихъ аял ягъун адакай тушир) -, ва чпи «(динда) дуьз карда» ваз асивал ийидач лагьана – вуна абурувай «кьин кьуна гаф гун» кьабула (икьрар къачу), ва «астагъфир» ая вуна абурун патахъай Аллагьдиз. Гьакъикъатда Аллагь – Гъил Къачудайди (Багъишламишдайди), Регьимлуди я.

13.  Эй, инанмишвал авунвайбур! Куьне дуствал кьамир чпел Аллагьдин хъел алай ксарихъ галаз, абурун умуд Ахиратдикай атIанва, «сурарин агьалияр (кьенвай)»- кафиррин умуд атIанвайвал (ва я кафиррин умуд атIанвайвал сурарин агьалийрикай – абурал чан хтуникай).  

 

Сура 61. ас-Сафф (Жерге)

 

Мергьяметлу, Регьимлу Аллагьдин тIварцIелди!

1. Пак авунва Аллагь цавара авайбуру ва чилел алайбуру. Ва Ам – Гужлуди (Къудратлуди), Камаллуди я.

2. Эй, инанмишвал авунвайбур! Вучиз куьне лугьузва куьне тийизвайди?

3. ЧIехи я такIанвилиз (ажугъдиз) Аллагьдин вилик, куьне тийизвайди лугьун куьне.

4. Гьакъикъатда, Аллагьдиз кIанда женг чIугвазвайбур (джигьад ийизвайбур) Адан рекье «жерге яз» на лугьуди абур – мягькемарнавай дарамат я.

5. Ингье Мусади вичин халкьдиз лагьана: «Эй зи халкь! Вучиз куьне заз азият гузва, квез чизва зун куь патав ракъурнавай Аллагьдин Расул тирди? » Ва абур (гьахъдикай) элкъвейла (патахъ ян гайила), Аллагьди абурун рикIер элкъуьрна (ян гуз туна). Ва Аллагьди фасикь ксар дуьз рекьел гъидач.

6. Ингье Исади – Марйаман хци – лагьана: «Эй, Исраилан рухваяр! Гьакъикъатда, зун Аллагьдин Расул я куь патав (ракъурнавай) тестикьариз Тавратда авайди залай вилик атай, ва шад хабар гуз Расулдикай залай гуьгъуьниз къведай вичин тIварни Агьмад («Гзаф тарифлуди» яни МухIаммад) тир». Ва ам абурун патав ачух аламатар (ишараяр) гваз атайла, абуру лагьана: «Им – ашкара суьгьуьр я».

7. Ва Аллагьдикай тапарар къундармишзавайдалай зулумкарди мад вуж я, вични адаз Исламдиз (диндиз) эверзавайла!? Аллагьди зулумкар ксар дуьз рекьел гъидач.

8. Абуруз Аллагьдин нур чпин сивералди хкадариз кIанзава, амма Аллагьди Вичин нур тамамарда кафирриз (а кар) такIан ятIани.

9. Ам я ракъурнавайди Вичин Расул – регьбервал ва гьахъдин дин гваз, ам амай вири динрилай виниз акъудун патал, гьатта а кар мушрикриз гзаф такIан ятIани.

10. Эй, инанмишвал авунвайбур! За квез куьн азиятдин азабдикай къутармишдай алишвериш къалурдани?

11. Куьне Аллагьдихъ ва Адан Расулдихъ инанмишвал авун, ва Аллагьдин рекье куь мал-девлетралди ва куь чанаралди джигьад тухун куьне. Ам квез хийирлу я, эгер квез чиз хьанайтIа,

12. Ада куь гунагьрилай гъил къачуда, ва куьн чпин кIаникай вацIар авахьзавай Женнетриз твада, ва (ацукьарда куьн) хуш тир кIвалера «ГIадн» (яшамиш жез амукьдай) – женнетра. Ам – чIехи агалкьун я.

13. Ва масадни – (жеда квез), вични квез кIандай – Аллагьдин патай куьмек, ва мукьвал тир «гъалибвал гана ачухун». Ва шад хабар це муъминриз!

14. Эй, инанмишвал авунвайбур! Куьн Аллагьдин (диндин, лап кIеви) куьмекчияр хьухь. Исади – Марйаман хци – «ѓ ьава́ рийриз» (мукьвал терефдарриз) лагьайвал: «Вужар жеда зи куьмекчияр Аллагьдихъ рекье? » «Ѓ ьава́ рийри – лагьана: «Чун я – куьмекчияр Аллагьдин». Ва дестеди Исраилан рухвайрикай инанмишвална, ва дестеди – кафирвална. Ва Чна инанмиш хьайибуруз чпин душманрин аксина куьмек гана, ва абур винел пад къачурбурукай хьана.

 

⇐ Предыдущая234567891011Следующая ⇒

Поделиться: