Сура 72. аль-Джинн (Чинерар)

 

Мергьяметлу, Регьимлу Аллагьдин тIварцIелди!

1. Лагь: «Заз (Аллагьдин патай) вагьй* ракъурна инандирмишнава, бес джинрин са кIапIалди (Къуръандихъ) яб акална, ва абуру лагьана: «Гьакъикъатда чаз ажеб Къуръандин ван хьана,

2. Ада «дуьзвилин рекьихъ»(къанажагълувилихъ) гъизва, ва чна адахъ инанмишвалнава, ва чна чи Раббидиз гьич кьадач шерик яз садни.

3. Ва (инанмишвалнава чна): гьакъикъатда чи Раббидин чIехивал лап вине я – къачунвач Ада (Вичиз) я паб я велед.

4. Ва гьакъикъатда чи арадай тир сефигьди (иблисди) Аллагьдикай «сергьятдай акъатай гафар» (гьакьдикай яргъа, таб) лугьузвай,

5. Ва гьакъикъатда чна – я инсанри я джинри Аллагьдикай таб гьич лугьун тийидай хьиз гъисабнавай.

6. Ва гьакъикъатда, инсанрикай тир итимри джинрикай тир итимривай хуьнин куьмек тIалабзавай, ва абуру абуруз анжах кичI (агъузвал) артухарзавай.

7. Ва гьакъикъатда абуру (инсанрикай тир кафир итимри) гиман авунай куьне гиман авурвал – Аллагьди садални чан хкидач лагьана.

8. Ва гьакъикъатда, чна «ахтармишна» цав (алахъна анив агакьариз -анихъ яб акализ), ва жагъана чаз ам ацIанваз зурба къаравулралди ва ялав квай гъетералди (ишигъдин зул хьиз физвай тум галай гъед).

9. Ва гьакъикъатда чун ацукьзавай анрикай яб акалун патал ацукьдай чкайрал, амма гила ни яб акализ хьайитIа, адаз вич гуьзетзавай ялав квай гъед жагъида.

10. Ва гьакъикъатда чизвач чаз, писвал авун кIан хьанвани чилел алайбуруз (писвал яз), я тахьайтIа абурун Раббидиз абуруз (чилел алайбуруз) къанажагълувал (хийир) гуз кIан хьанвани!

11. Ва дугъриданни, ава чи арада диндарбурни, ва ква чак адалай агъузбурни ва чун чIук-чIук тир гзаф рекьериз пайи-паяр хьанвай.

12. Ва гьакъикъатда чна якъиндиз фикирнавай чавай Аллагь гьич ажиз ийиз тежедайди чилел (Адан къудратлувал зайифарна, къутармиш жедайвал) ва гьич ажиз ийиз тежедайди чавай Ам катуналди.

13. Ва гьакъикъатда чаз «дуьз рекьин регьбердин» (Къуръандин) ван хьайила, чна адахъ инанмишвална. Ва ни вичин Раббидихъ инанмишвал авуртIа, кичIевал жедач адаз (саваб) кимиз гунин ва я зулумдин.

14. Ва гьакъикъатда ава чи арада муьтIуьгъбур (мусурманар), ва ква чак зулумкарарни (гьакьдин рекьелай элячIнавайбурни). Ва вуж муьтIуьгъ хьанватIа – абуру дуьз рехъ (къанажагъвал) кьиле тухвана.

15. Амма зулумкарар (дуьз рекьелай элячIайбур) – абур Жегьеннемдиз кудай затI (кIарас) жеда.

16. Ва (вагьй* авуна инандирмишнава заз гьакIни) дугъриданни эгер абур (Исламдин) рекьел дуьздиз акъвазнайтIа (кьиле тухуз), Чна абуруз гудай ятар булвилелди,

17. Имтигьан авун патал Чна абуруз адалди, ва вуж вичин Раббидин Зикр*-дикай(РикIел Гъуникай, Къуръандикай)» патахъ элкъвейтIа, Ада ам михьиз твада пис залан азабда.

18. Ва (вагьй*авунва заз гьакIни) бес гьакъикъатда мискIинар талукь я са Аллагьдиз (абур эцигнава са Адаз ибадат авун патал), гьавиляй эвермир (ибадатмир) куьне Аллагьдихъ галаз садазни.

19. Ва гьакъикъатда, Аллагьдин лукI (Пайгъамбар) башламишайла са Адаз эвериз (дуьа ийиз, ибадатиз), са тIимил амай абур сад-садан винел гьалтна сигъдиз алтIуш жез адал,

20. Лагь (абуруз): «За дуьа ийиз эверзава (ибадатзава) анжах зи Раббидиз ва за Адаз садни шерик яз гъизвач! »

21. Лагь: «Гьакъикъатда, зи ихтиярда авач квез – зарар (гун тагун), ва дуьз рехъ (дуьзвилин къанажагъвал)»,

22. -Лагь: «Гьакъикъатда, зун гьич садавайни хуьз (къутармишиз) жедач Аллагьдикай, ва гьич жагъидач заз Адавай гъейри, (патахъ фена) чуьнуьх жедай чка, -

23. (Зи ихтиярда авайди) Анжах агакьарун я Аллагьдин патай (Ада заз тапшурмишнавайди) ва Адан «ракъурнавай эмирар (Ктаб)». Ва ни асивал авуртIа Аллагьдиз ва Адан Расулдиз, гьакъикъатда адаз Жегьеннемдин цIай жеда, даим яз абур ана гьамишалугъ амукьдай».

24. Та абуруз чпиз хиве кьунвайди (азаб) акурла, абуруз нин куьмекчияр зайиф ятIа ва вуж кьадардиз тIимил ятIа, чир жеда.

25. Лагь: «Заз чизвач, квез хиве кьунвайди мукьвал яни, я тахьайтIа зи Раббиди адаз (а кардиз яргъал) муддат эцигдани».

26. (Ам я) – Гъайб* (чинебанди, гележегдин крар) Чизвайди, ва Вичин гъайб* Ада садазни ачухзавач,

27. Анжах – Вич рази хьана хкягъай расулдиз (векилдиз), гьакъикъатда Ада адан виликайни ва адан кьулухъайни гуьзетчияр (хуьдай малаикар) агуднава,

28. Чирун (винел акъудун) патал Ада абуру чпин Раббидин «ракъурнавай эмирар (тапшуругъар)» агакьарнавайди. Ва Ада абурун (расулрин) вири крар чирвилелди элкъуьрна кьунва, ва Ада гьар са шей гьисабнава кьадардин жигьетдай.

 

⇐ Предыдущая567891011121314Следующая ⇒

Поделиться: