Сура 89. аль-Фаджр (Экуьнин сегьер)

[экв малум жедай вахт]

 

Мергьяметлу, Регьимлу Аллагьдин тIварцIелди!

1. Кьин кьазва экуьнин сегьердалди!

2. Кьин кьазва (зуль-ѓ ьижжадин сифте) цIуд йифелди!

3. Кьин кьазва жуьтдал ва текдал (жуьт туширдал)!

4. Кьин кьазва йифел, адан гзаф пай фейила (мичIивал гужлу хьайила)! -

5. Бес авачни а карда «бес тир кьин кьун» акьулдин сагьибдиз?! -

6. Бес акуначни ваз, вуч авунатIа ви Раббиди «гIа́ д»-диз –

7. «Ирам»-диз (къадим къебила я гIа́ д-халкьдик акатзавай) – зурба дестекрин сагьибриз,

8. Вични чеб хьтинбур уьлквейра гьич халкь тавунвай?

9. Ва (вуч авунатIа ви Раббиди) «с́ аму́ д»-диз – чпини дереда рагар атIай (анра кIвалер ийиз)?

10. Ва (вуч авунатIа ви Раббиди) фиръавандиз – зурба руькуьнрин сагьибдиз (зурба къуватдин, гьакимвилин сагьибдиз),

11. Чпи – уьлквейра асивилер (сергьятар чIуриз зулум крар) авур,

12. Ва (адалди) гзаф авур – анра чIурувилер.

13. (Гьавиляй) Экъична (ва я къурна) абурал ви Раббиди азабрин «къирмаж» (яни къамчидин азаб хьтин фад агакьдай).

14. Гьакъикъатда, ви Рабби гуьзчивиле ава (яни Ада ахтармишзава ва гуьзетзава).

15. Ва эгер инсандиз вичин Раббиди – имтигьан авуна адаз- хатур авуртIа ва няметар гайитIа, ада лугьузва (вичиз Аллагьдин вилик еке дережа авайди яз гьисабиз): «Заз зи Раббиди гьуьрмет авуна! »

16. Ва эгер Ада адаз – имтигьан авуна – адан ризкьи дар авуртIа, ада лугьузва (ам вич Аллагьдин вилик усал тирвиляй яз кьуна): «Зун зи Раббиди агъузвиле тунва (алчахарнава)».

17. Туш! Аксина (гьуьрметар Аллагьдиз муьтIуьгъвал авурдаз гузва ва агъузвал – Адаз асивал авурдаз) куьне етимдиз гьуьрметарзавач,

18. Ва куьне сада-сад кесибдиз тIуьн гунал гьевеслу ийизвач,

19. Ва куьне (къанихдиз) незва (етимрин) ирс (жуван малдик кутуна) санал кIватIна тIуьналди,

20. Ва квез мал-девлет кIанда къатиз кIан хьуналди.

21. Ваъ! Чил руг-ругна кукIварайла,

22. Ва ви Рабби атайла (Къиямат Йикъан дуван атIуз) ва малаикарни жерге-жерге,

23. Ва Жегьеннемни гъайила а юкъуз, – гьа юкъуз инсанди рикIел гъида (несигьат, ва туба авун), – амма гьиниз я адаз а рикIел гъун (вуч менфят жеда)?! -

24. Ада лугьуда: «Агь, авунайтIа за виликамаз хъсан амал зи уьмуьр патал (Ахиратда)! » (ва я дуьньядин уьмуьрда зи! )

25. Ва а юкъуз адаз жедай (Аллагьди адаз гудай) хьтин азаб (гьич) садавайни гуз жедач,

26. Ва ам (Аллагьди зунжурралди) кутIундайвал, (гьич) садавайни (зунжуррал) кутIуниз жедач!

27. Эй, секинвал хьанвай чан (секинвилевай руьгь)!

28. Ахлад (вун) ви Раббидин патав – вун (вич) рази яз ва валайни (вичелайни, Аллагь) рази яз!

29. Ва гьахь (вун) Зи (диндар) лукIарин арадиз (экечI вун Зи диндар лукIарик)!

30. Ва гьахь (вун абурухъ галаз) Зи Женнетдиз!

 

Сура 90. аль-Балад (Уьлкве [Шегьер])

 

Мергьяметлу, Регьимлу Аллагьдин тIварцIелди!

1. Кьин кьазва (За) и уьлкведал (Мекка шегьердал)!

2. Вун и уьлкведа (Меккада) гьалалвиле ава (бязи къадагъайрикай).

3. Кьин кьазва бубадал (Адам) ва ада аладнавайдал (веледрал)!

4. Гьакъикъатда Чна инсан халкьнава – (ам гьамиша) кIеве (жафада) аваз,

5. ГьисабзаватIа ада вичин винел садни къудратлу тушир хьиз?

6. Ада лугьузва: «За (кIватI хьана ккIанвай сар хьиз) гзаф кьадар мал-девлет телефна! »

7. ГьисабзаватIа Ада вич садазни акунач лагьана?

8. Бес Чна адаз авунвачни кьве вил,

9. Мез ва кьве пIузар?

10. Ва къалурначни Чна адаз кьве тепе (хийирдин дуьз рехъ ва чIуру рехъ)?

11. (Амма) Ада гуж гъанач (вичел) «тепедин кIукIвал» экъечIун патал.

12. Ва ваз вуч чида вуч ятIа «тепедин кIукI»?

13. (Ам я) – ЛукI-кас ва я есир-кас азад авун (гардан лукIвиликай ва я есирвиликай хилас авун),

14. Ва я «каш акьалтай юкъуз» тIуьн гун

15. Мукьва-кьили етимдиз,

16. Ва я руквади кьунвай кесибдиз (затIни авачир, къекъвераг яз чилив агуд хьанвай факъир).

17. Ахпани, ам хьана инанмишвал авурбурукай ва сада-садаз сабур веси авурбурукай ва сада-садаз регьимлувал веси авурбурукай.

18. Ахьтинбур я – эрчIи патан (ва я бахтлувилин) сагьибар (эрчIи пата авайбур) я!

19. Ва Чи аятрихъ кафирвал авурбур – абур чапла патан (ва я бедбахтвилин) сагьибар я,

20. Абуруз – чеб туна агалнавай цIай жеда.

 

 

Сура 91. аш-Шамс (Рагъ)

 

Мергьяметлу, Регьимлу Аллагьдин тIварцIелди!

1. Кьин кьазва ракъинал ва адан «дзуѓ ьаꞌ *(вахтунин) ишигъдал! (дзухIаꞌ – рагъ экъечIна нурар ачух хьайи вахт)

2. Кьин кьазва вацрал адан гуьгъуьналлаз атайла!

3. Кьин кьазва йикъал (ада ачухдал акъудна) ам ашкара авурла!

4. Кьин кьазва йифел (ада) ам кIевзавайла!

5. Кьин кьазва цавал ва (Ада) ам (хкажнаваз) эцигунал (ва я ам вине аваз Эцигнавайдал)!

6. Кьин кьазва чилел ва (Ада) ам экIягъунал (ва я ам экIянаваз Авурдал)!

7. Кьин кьазва (гьар са) чандал (инсандал) ва(Ада) ам тамамдиз дуьзарунал(ва я ам тамам Дуьзарнавайдал),

8. Ва (Ада) инандирмишна (алакьарнава) адаз вичин чIурувал вуч ятIа ва вичин «кичIевал (Аллагьдикай)» вуч ятIа (баян авуна чирнава адаз «чIуру рехъ» ва «дуьз рехъ» адан)!

9. Гьакъикъатда агалкьунар жеда – ам михьи авуна артух хъсанарайдаз,

10. Ва гьакъикъатда зиянвиле жеда – ам (гунагьрик) чуьнуьх авурдаз.

11. «С́ аму́ д»- ди (чпин Расул) таб яз кьуна абурун лап залумвал (еке такабурлувал) себеб хьана,

12. Абурукай виридалайни бахтсузда (абуру векилвал гана, деве тукIунин) кар гъиле кьурла.

13. Ва Аллагьдин Расулди лагьана абуруз: «(Мукъаят хьухь куьн) Аллагьдин «деведал (диши)» ва адан хъвадай затIунал! »

14. Амма абуру ам (а кар) таб яз кьуна ва абуру адан (яни деведин ам тукIун патал) метIерин дамарар атIана. Ва абурун Раббиди абур чпин гунагьдиз килигна «къати гьарайдин жазадалди» кIевна ва ам (жаза, адак вири ктуна) сад хьиз авуна (ва я абурал чил гьалчна кIевна ва ам абурун винелай дуьзар авуна).

15. Ва Адаз а кардин судурдикай (нетижайрикай) кичIезвач.

 

Сура 92. аль-Лайл (Йиф)

 

Мергьяметлу, Регьимлу Аллагьдин тIварцIелди!

1. Кьин кьазва йифел, ада (вичин мичIивилелди) кIевзавайла!

2. Ва кьин кьазва йикъал, (адан) экв ачух хьайила!

3. Ва кьин кьазва эркек ва дишиди (итим ва паб) халкь авунал!

4. Гьакъикъатда куь чалишмишунар гьар жуьре я.

5. Ва эгер лагьайтIа (адан патахъай), ни (закат, садакьа) ганатIа ва (Аллагьдикай) кичIевал авунатIа,

6. Ва «лап хъсандахъ» (хъсан саваб жедайдахъ) инанмишвалнатIа, –

7. Чна адаз «лап регьятдахъ» (хъсан гьалдихъ, хъсан чка – Женнетдихъ) рехъ регьятарда.

8. Ва эгер лагьайтIа, ни мискьивалнатIа ва вич гьар са шейиникай (дуьз рекьикай, Аллагьдин савабдикай) девлетлу яз гьисабнатIа (вич са куьнизни муьгьтеж туш лагьана гьисабнатIа),

9. Ва «лап хъсанди» таб яз кьунатIа, -

10. Чна адаз «лап залан тирдахъ» (бахтсузвилихъ, Жегьеннемдихъ) рехъ регьятарда.

11. Ва куьмек (менфят) жедач адаз адан (мискьивал авур) мал-девлетдикай ам аватайла (ЦIуз).

12. Гьакъикъатда Чал ала (Чна Чал къачунва) – дуьз рехъ къалурун (ягъалмишвиликай).

13. Ва гьакъикъатда Чаз талукь я (Чи ихтиярда ава) Ахират ва Эвелимжиди (дуьньядин уьмуьр).

14. Ва За квез ялав алаз кузвай ЦIукай игьтиятвилин хабар ганва,

15. Къати кунин азаб чIугвада (пис чурурда) ана – анжах лап бахтсузди,

16. Вичи (Аллагьдин Расул – Мугьаммад) таб яз кьурди ва кьулухъ элкъвейди (имандикай),

17. Ва къерехдиз (яргъа) жеда адакай (ЦIукай) – (Аллагьдикай) лап кичIеди,

18. Вичи вичин мал-девлет «михьи авун яз ва саваб артухарун яз» (Аллагьдин рекье) пайзавай,

19. Ва авач садазни адан вилик (адаз авунвай са хъсанвал) са нямет адан эвез хгудайвал (яни ада пайзавай мал-девлет вичиз сада авур хъсанвилин эвезда туш, анжах Аллагьдин рекье я), -

20. Анжах вичин Вине тир Раббидин Чин* (ва Адан разивал, саваб) патал чалишмиш жез я.

21. Ва ам (вичиз гайи савабдал) разини жеда.

 

Сура 93. адз-ДзухIа́ (Экуьнин геж вахт)

 

Мергьяметлу, Регьимлу Аллагьдин тIварцIелди!

1. Кьин кьазва «дугьа́ »- дал (экуьнин геж вахт – рагъ экъечIна са жида кьван хкаж хьана та ам цавун аршдиз хкаж жедалди)!

2. Ва кьин кьазва йифел, секин хьана геже гьатайла (мичIивал къати хьайила)!

3. ГьакI тунвач вун ви Раббиди (вагьй* акъвазарнавач ваз) ва хъел авач (Адаз ви).

4. Гьакъикъатда, Ахират ваз Эвелимжидалай (дуьньядин уьмуьрдилай) лап хийирлу я.

5. Ва дугъриданни, (гележегда) ваз ви Раббиди гуда ва вун рази жеда.

6. Бес Адаз вун етим яз жагъаначни ва Ада (вун) хвена архавал авуначни?

7. Ва жагъана Адаз вун дуьз рехъ тийижиз (ваз), ва Ада вун дуьз рекьел гъана.

8. Ва жагъана Адаз вун кесиб яз, ва Ада (вун) девлетлу авуна.

9. (АкI хьайила) Эгер етим лагьайтIа – вуна (адаз) агъузвал гумир (винел пад къачумир, зулум ийимир),

10. Ва эгер саил (чирвал хабар кьазвайди, ва я тIалабзавайди) лагьайтIа – ам гьарай гана чукурмир!

11. Ва эгер ви Раббидин няметар лагьайтIа – (вуна) абурукай хабар це.

 

⇐ Предыдущая567891011121314Следующая ⇒

Поделиться: