Сура 98. аль-Баййинагь (Ачух делил)

 

Мергьяметлу, Регьимлу Аллагьдин тIварцIелди!

1. Кафирвал авур Ктаб-эгьлияр ва мушрикар къакъатначир (чпин куфрдикай) абурун патав «ачух делил» къведалди!

2. Аллагьдин патай Расул (вичи – ягъалмишвилерикай, табдикай) михьинвай Луьлейравайди кIелзавай,

3. Чпени (Луьлейра) дуьз (хабаррин ва гьакь къалурдай) ктабар авай.- (ва ингье атанва абуруз ачух делил, амма…! )

4. Ва (мадни), чпиз Ктаб атанвайбур чара хьанай анжах абурун патав «ачух делил» (Иса пайгъамбар) атайдалай кьулухъ!

5. Ва (мадни), абуруз (Ктаб-эгьлийриз) эмирнавай тир анжах абуру Аллагьдиз ибадатун (чпи) халисдиз Адаз дин талукьарна, гьани́ ф*-бур яз (яни ихласбур, ширкдикай элкъвена сад Аллагьдихъ ян гана), ва (абуру) капI кьиле тухун ва закат гун, ва ам я – Дуьзвилин дин!

6. Гьакъикъатда, чпи кафирвал авур Ктаб – эгьлияр ва мушрикар Жегьеннемдин цIа жеда, даим яз ана амукьиз (чеб). Абур – виридалайни пис махлукьар (ксар) я.

7. Гьакъикъатда, чпи инанмишвал авуна диндар амал авурбур, абур- виридалайни хъсан махлукьар(ксар) я.

8. Абурун саваб (эвез) чпин Раббидин патав – чпин кIаникай вацIар авахьна физвай (яшамиш жез амукьдай) «Гьадн»- (яшамиш жез амукьдай) Женнетар жеда, (чеб) гьамишалугъ ана амукьиз, эбеди яз. Аллагь абурулай рази жеда, ва абурни Адалай рази жеда. Ам (вири) – вичин Раббидикай кичIе хьайибуруз я.

 

 

Сура 99. аз-Залзалагь (Залзала) [Къарсурун]

 

Мергьяметлу, Регьимлу Аллагьдин тIварцIелди!

1. Чил пис къарсурайла залзаладалди вичин,

2. Ва чили вичяй акъудайла залан парар вичин,

3. Ва лагьайла инсанди – адаз вуч хьанва?!

4. А юкъуз ада (чили) вичин хабарар ахъайда (вуч авунатIа гьар сада чилин винел),

5. Гьакъикъатда ви Раббиди адаз ам инандирмишайвиляй.

6. А юкъуз (чеб гьахъ-гьисабдиз кIватнавай чкадай хъфида) эхкъечIда инсанар кьилди – кьилди кIапIалар яз, абуруз чпин амалар (авур крарин гьакъи) къалурун патал;

7. Ва ни са зерре кьванни заланвал авай хъсан амал авунатIа, адаз ам аквада.

8. Ва ни са зерре кьванни заланвал авай пис амал авунатIа, адаз ам аквада.

 

 

Сура 100. аль-ГIа́ дийа́ т (Йигиндиз чукурзавайбур)

 

Мергьяметлу, Регьимлу Аллагьдин тIварцIелди!

1. Кьин кьазва, къеняй ванер акъатиз йигиндиз чукурзавайбурал (яни балкIанар, девеяр)!

2. Ва (кIвачерикди) цIелхемар куькIуьрзавайбурал!

3. Ва экуьнахъ фад гьужумиз вегьезвайбурал!

4. Ва (чпи) адалди (фад чукуруналди) руг къарагъарзавай,

5. Ва адалди (душманрин) кIапIалдин юкьваз гьахьзавай.

6. Гьакъикъатда, инсан вичин Раббидин (няметрин) гьакъиндай гзаф инкардайди я,

7. Ва гьакъикъатда ам (вич) а кардал шагьид я (яни хиве кьазва, ва я гьакъикъатда Ам а кардал шагьид я)

8. Ва гьакъикъатда ам – «хийир» (мал-девлет) гзаф кIаниди я (ва я гьакъикъатда ам хийир (мал – девлет) пара кIандай виляй гзаф мискьинди я).

9. Бес адаз чизвачни, сурара вуч аватIа кIаникай винел акъудайла (мейитар ахкъудна чан хкайла),    

10. Ва хурара авайди (сирер, чинебан фикирар гьисабна) винел акъудайла (вичиз гьазурнавай азабдикай)?!

11. Гьакъикъатда, абурун Рабби -а юкъуз абурукай лап хъсан Хабар Авайди я!

 

Сура 101. аль-Къа́ ригIагь (Пис Къурхутмишдайди)

 

Мергьяметлу, Регьимлу Аллагьдин тIварцIелди!

1. Пис Къурхутмишдайди (инсанрин рикIер зегьле ракъурдай зурба вакъиа – Къиямат йикъан са тIвар)!

2. Вуч я ам – Пис Къурхутмишдайди?!

3. Ваз вуч чида (ваз гьинай ва ни чирда) вуч ятIа Пис Къурхутмишдайди?!

4. (Пис къурхутмишда ада) Инсанар (гьарнихъ) чкIанвай (суьруьйралди жедай хъипи хьтин) чIехи цицIер  (ва я чкIанвай чепелукьар) хьиз жедай юкъуз, -

5. Ва дагъларни жедай янавай (эвягънавай) сар хьиз.-

6. Эгер лагьайтIа вичин (хъсан амалрин) Терезар залан хьайиди,

7. Бес ам – рази жедай яшайишда (адаз хушбахт уьмуьр) жеда!

8. Ва эгер лагьайтIа вичин (хъсан амалрин) Терезар кьезил хьайиди,

9. Адан хкведай чка (аял вичин дидед патав элкъвена хкведайвал, адан хкведай чка) – (Жегьеннемдин) Дагьар жеда.

10. Ва ваз вуч чида (ваз гьинай ва ни чирда) ам вуч ятIа?!

11. (Ам) – лап кудай ЦIай я!

 

Сура 102. ат-Така́ с́ ур (Артухарунин карда акъажунар)

 

Мергьяметлу, Регьимлу Аллагьдин тIварцIелди!

1. Куьн (мал-девлетар, веледар…) артухарунин карди машгъулнава,

2. Та куьне сурариз* (кьейи инсанар кучуднавай чкайриз) «кьил чIугуна» (яни кьейидалай кьулухъ куьнни анра кучудна са кьадар вахтуналди….ахпа куьн анрай ахкъудда чан хкана)

3. Туш! Квез ахпа чир жеда!

4. Ахпа (мадни), туш! Квез гележегда чир жеда!

5. Ваъ эхир! Эгер квез чизваз хьанайтIа якъинвилин чирвилелди…(квез жедай пис эхир а кардин патахъай – куьне а кар михьиз акъвазардай)!

6. Дугъриданни, квез «Джаѓ ьи́ м»* (Жегьеннемдин са тIвар я) аквада.

7. Ахпа (мадни), дугъриданни квез ам якъинвилин акуналди(гьакъикъи са шакни авачир акуналди) аквада.

8. Ахпа, дугъриданни квевай хабар хкьада няметрикай а юкъуз.

 

⇐ Предыдущая567891011121314Следующая ⇒

Поделиться: