Как на Пчелне побили русских людей московских

Той же окаянный Петрушка с помрачеными прелес-ники, своими слугами, умыслив и посла с Тулы множе­ство вой, немилостивых кровопролиятелей и повеле им итти под Колугу на московских вельмож. Слышавшие же сия московстии вельможи, князь Федор Иванович с товарищи, и посоветовав с ними посылает в стретение идущим с Тулы от себя князя Бориса Петровича Татева со многим воиньством, им же сошедшимся на Пчельне с тульскими ворами и бысть сеча межь ими вельми зла и с обою стран падоша безчислено мертвых, яко и вели­кому полю покрытися мертвыми телесы единоверными. Не бысть бо тогда на той брани ни единаго иновернаго, но все едина Русь межь собою побишася. Ту же и воем 148

_начальнаго князя Бориса Петровича убили за истинную православную веру, мученически пострада. Вырученныя же ему пособники паки под Колугу к военачальником своим возвратишася с жалостию и горестию великою. Военачальник же московский князь Федор Ивановичь, и вси бояря, видя толико падение вой своих от воров оставиша град Колугу и вся стенобитныя своя соста­вы под градом повергоша, а сами к Москве прибегоша, тульские же воры приведоша со Пчелныи плененых живых в Тулу множество много московских вой. Той же окаянный Петрушка повеле их на всяк день числом человек по десети и больши посекати, а иных повеле зверем живых на снедение давати, и тако окаянный с скверными своими слугами по вся дни без милости про­ливая крови, яко воды.

...Слышавшие же то царь и великий князь Василей, яко злосмрадной той Петрушка и слепии вожи его на Туле не престающе сеча проливающе крови неповинных. Царь же благ совет глаголет святейшему патриарху Ер-могену мольбу сотворити богу и пречистой богородицы и шестие свое царь глаголет: «много убо с плачем пре-терпе мое человеколюбие, ожидая их обращения, они же ни мало возвратишася, но больши радуются и проли­вают крови и насилуют». В лета 7115 году царь и вели­кий князь Василей моляся богу и пречистой богородицы и великим чюдотворцем Петру и Алексею и Ионе и це-лова святыя мощи, приходит же к святейшему патриар­ху Ермогену, прося благословения. И глаголет царь патриарху молити бога о укреплении воиньства его и о пособии еже на врагов. И тако прия благословение иде в Серпухов и пришед ту мало постоя и абие приидоша к нему вестники с Тулы и глаголют: услышаша убо ока-янии иже на Туле, яко царь оставя Москву пришол в Серпухов, и совещаша и послаша князя Андрея Теля-тевсково и с ними множество злонравных вой, бе числом их 38 000, и повелевают им инем путем итти, ошед убо Царев полк да возмут царьствующии град Москву, и разделиша себе и домы вельмож коиждо себе. И гос­подь бог вседержитель, видя суровство их и ярость, разоряетца гордыня их и совет их ни во что же постав­ляется. Царь же Василей услышал то и нача молебен пети со слезами и глаголет: «суди, господи, людей сим и возбрани борющимся со мною же, изоостриша оружие

149

свое на церковь святую твою и на град державы твоея господи, не дай же в расхищение место святое твое». И посылает вольмож своих во стретение им князя Ондрея Голицына да князя Бориса Михайловича Лыкова с воиньством. В то же время идущи с Резани и царю Ва-силью на помощь Прокопей Лепунов с резанскими вой еще ж ему не дошедшу царева полку, царь же повелевает ему с вельможами итти во стретение вором. И тако снидошася с ними на брань царевы вельможи близ Ко-ширы на Осме реке и бысть сеча велика и божиею ми-лостию победита врагов много, побита конников 16000, пеших же 3000 и 600. И прислаша велможи к ца­рю с радостию, царь же убо с радостию скорбяше и глагола: все убо народ крестьянский погибоша всуе не весту иныя земли никоей же, но токмо русские люди крестьянския веры. И повеле тем велможам царь итти к Туле. От себя же царь и великий князь Василей Ива-новичь посылает к Туле вельможу своего чиноначальна-го воем строяща брань стратига и великого ратоборца князя Михаила Васильевича Шуйского и с ним повеле­вает вельможам всем быти. Преплавшу же великую реку Оку вскоре и приде к Туле. Изыдоша же скверно-ядцы, erne убо неповинная кровь кипяще во устех их, и бысть брань велика за пять поприщь от града в первый день и во вторый, в третий же день преодолеша врагов своих, наведе на них бог дождь и не возмогоша стати, знамение на них бысть. И таково бывающе до стен градных и во град внидоша побивающе, мало от них остася и едва успеша затворить град Туле. Князь же Михаиле Васильевич ста под градом и твердо стрежаху того окаяннаго Петрушку, дабы не избег, он же окаян­ный и вводящий его в погибель князь Григорей Шахов­ской зле умысля испустиша из града ночью Засекиных князей и наполниша их смертоноснаго яда повелевает в Северским Стародубе сказати. И посла с ними некоего наустав вора изобрав ис казаков, яко жив и той преже-реченный Гришка Отрепьев иже именова себя цареви­чем Дмитреем, сей убо и ни мало не приличен прежне­му, токмо молод. И тое страны людие обольстишася и бысть последняя их лесть горши первыя, тою убо лестию достигше и Москву разорити. По тому вскоре царь Ва­силей прииде к Туле со множеством вой и возведе воду на град Тулу некоторою хитростию и потопиша град и 150

все еже в нем. Седящим же во граде видя свою конеч­ную погибель от воды и огдаша царю Василью град Тулу и воров Петрушку и князя Телятевсково и Шехов-сково, Ивашка Болотникова и многих воров, царь же принял Тулу и поиде к Москве.

Исторический архив, кн. VI с. 115—130.

⇐ Предыдущая16171819202122232425Следующая ⇒

Поделиться: