Псковская Судная грамота (извлечения). 50-60- годы XV века.

⇐ ПредыдущаяСтр 8 из 11Следующая ⇒

1. А се суд княжеи. Оже клеть покрадут за зомком или сани под полостью или воз под титягою или лодьюпод полубы, или вь яме или скота украдают или сено сверху стога имать, то все суд княжои, а продажи 9 денег. А разбои, наход, грабеж 70 гривен, а княжая продажа — 19 денег, да 4 денги...

9. А коли будет с кем суд о земли о полнеи, или о воде, а будет на тои земли двор, или ниви розстрадни, а стражет и владеет тою землею или водою лет 4 или 5, ино тому исцю съслатся на сосед человек на 4 или 5. А суседи став, на коих шлются, да скажут, как право пред богом, что чист, и тои человек которои послался, стражет и владеет тою землею или водою лет 4 или 5, а супротивен в те лета, ни его судил ни на землю наступался, или на воду, — ино земля его чиста или вода, и целованиа ему нет, а тако не доискался, кто не судил, ни наступался в ты лета.

10. О лешеи земли будет суд, а положат грамоты и двои на одну землю, а заидут грамоты за грамоты, а исца оба возмут межников, да оба изведутца по своим грамотам, да пред господою ставши межником межничество съимут, — ино им прислужати поле.

11. А которои своего истца переможет, — ино того человека повинити.

12. А которои истець будет побит по грамотам, — ино того человека повинити, — и грамоты его посудить, а правому человеку на ту землю и судница дати; а подсудничье князю и посадником и сотскими всеми взяти 10 денег.

13. А кто у кого иметь землю отъимати выкупом, а старые грамоты у того человека, у кого землю отъимают, ино воля того человека, у кого старые грамоты: хочет на поле лезет или своего исца к правде ведет, на его выкупе, покуду отнимает...

18. А кто по волости ходит закупен, или скотник, а имет искати тако же соблюдениа, или верши, — ино господе, обыскать правда, тако же присужает, на ком сочат, хочет сам поцелует, или на поле с ним лезет, а хочет ему у креста положит...

25. А которои позовник поидет исца звати на суд, и тои позваныи не поидет на погост к церкви позывницы чести, или стулится от позывницы, — ино позывница прочести на погосте пред попом; или пакы тои же позваныи позывницею, не емля оброку да не станет на суд пред господою, — ино господе дать на него грамота, на виноватого, на 5 день позовником.

26. А кто возмет грамоту на своего исца, ино ограмочному поимав по грамоте, не мучит, ни бить, поставить пред господою; а ограмочному против своего исца ни битися, ни колотия; а толко имеет сечися, или колотися, да учинит головшину, — ино быти ему самому в головшине.

27. А где учинится бои у торгу или на улицы во Пскове или на пригороде, или в селе на волости в пиру, а грабежу не будет, а тот бои многы люди видели в торгу или на улицы, или в пиру, а ставши перед нами человеки 4 или 5, а ркучи слово: «того бих», — ино кто лился, того человека их душа выдати в рубли битому человеку, а княжая продажа. Тои же бит учнет клепать грабежом, — ино ему ходит исца послухом одным человеком того деля, занеже и после прислужати.

34. А у которого псковитянина у какова учинится татба в Пскове или на пригороди, или в сели на волости, — ино явить старостам, или околным суседом, или иным сторонным людем, а в пиру, — ино и пировому старосте, или пивцам явити, а государю пировому целованья нет, а псковитянину человека из волости во Пскове на волную роту не взяти, весть ему к роте, на кого ему не любовь.

35. Кто из церкви, где татба учинилася; тако же и пригорожане, или селянин псковитянин на пригороде, или на роту не звати, вести ему к роте псковитину, где татба учинилася...

42. А которои государь захочеть отрок дати своему изорнику или огороднику, или кочетнику, — ино отрок быти о Филипове заговение. Такоже захочет изорник отречися с села, или огороднику, или кочетник, — ино тому же отроку быти; а иному отроку не быти, ни от государя, ни от изорника, ни от кочетника, ни от огородника.

42. А запрется изорник или огородник, или кочетник отрока государева, — ино ему правда дать, а государь не доискался четверти, или огороднои, или части, или с ысады рыбной части.

43. А которои кочетник заложи весну, или исполовник у государя, — ино ему заплатить весна своему государю, как у другои чате доставалося на том же исаде.

44. А государю на изорники или на огородники, или на кочетники волно и взакличь своеи покруты и сочить, серебра и всякои верши по имени, или пшеница ярои или озимои, и по отроку государеву или сам отречется....

51. А коли изорник имеет запиратся у государя покруты, а молвит так: «У тебе есми на селе живал, а тебе есми не виноват», — ино на то государю тому поставить люди сторонние человеки 4 или 5; а тым людем сказати, как прямо перед богом, как чисто на селе седел, — ино государю, правда давши, взять свое, или изорнику верит, то воля государева. А толко государь не поставит людеи на то, что изорник на селе седел, — ино тот человек прокруты своея не доискался...

63. А котрыи изорник отречется у государя села или государь его отрьчет, — и государю взять у него все половину своего изорника, а изорник половину...

70. А за церьковною землю и на суд помочу суседи не ходят, итти на суд старостам ха церковную землю...

75. А которои изорник на государя положит в чем доску, — ино та доска посудит.

75. А старому изорнику вози вести на государя.

76. А которои изорник с села збежит за рубеж или инде где, а изорничь живот на сели останется государю покрута имать на изорники, — ино государю у князя и у посадника взять пристав, да старость губьских позвати и сторонних людеи, да тот живот изорнич пред приставы и пред сторонными людми государю попродати да и поимати за свою покруту. А чего не достанет, а по том времени явится изорник, — ино государю доброволно искать остатка своего покруты, а государю пени нет. А изорнику на государи живота не сочит, а сочит псковским...

84. А которои изорник поумрет у государя, на сели, а не будет у него ни жены, ни детеи, ни брата, ни племени, — ино государю тако же живот изорнич с с прставами, и с сторонними людми попродавать, да за свою покруту поимати; а по тому племяни изорничи, ни брату не сочит живота изорнича.

85. А у которого человека, у государя, изорник помреть в записи, в покрути, а жена у него останется и дети не в записи, ино изорничи жене и детям откличи нет от государевы покруты, а та им покрута платит по тои записи; а будет не в записи был изорник, — ино их судити судом по псковскои пошлине.

86. А будет у изорника брат или иное племя, и за живот поимаются, — ино государю на них и покруты искать; изорничу брату, изорничю племяни государя не татбит ни лукошки, ни кадки; а толко будет конь или корова, — ино волно искати у государя.

87. А изорник поимается за живот у государя, и государь изведется тем, за что изорник поимался за свои жывот у государя, а сторонним людем ведомо будет и околным суседом, што государево, — ино изорник не доискался, а государь прав...

93. А у кого стулится должник в записи, а зарок не станет, или изорник в записи будет, а учнет тулится, а что учинится проторы или приставное, или заповедь, — ино все платить виноватому, кто тулится, и железное...

106. А кто с ким ростяжутся о земли или о борти, да положат грамоты старые и купленую свою грамоту, и его грамоты заидут многых бо сябров земли и борти и сябры все станут на суд в одном месте, отвечаючи кто же за свою землю, или за борть, да и грамоты пред господою покладут, да и межников возмути, и тои отведут у стариков по своеи купнои грамоте свою часть, — ино ему правда дати на своеи части. А целованью быть одному, а поцелует во всех сябров, — ино ему и судница дать на часть, на которои поцелует.

110. У которого человека имутся за конь, или за корову, или зпа иную скотину, чтобы и за собаку, и тот молвит: «То у мене свое, рощеное», — ино ему правда дати, как чисто рощеное...

112. А боран присуждать 6 денег, а за овцу 10 денег государю, а судьи 3 денги старая правда. А за гусак и за гусыню присуждать по 2 денги государю да судьи 8 денги. А за утицу и за селезня, и за кур и за кокощь присуждать по 2 денги.113. А братьщина судить как судьи...

118. А корову купить за слюблено, а по торговли телят не сочить; а толка корова кровью помачивается имет, — ино тая корова назад воротить, чтобы и денги заплачены были...

Цит по: Материалы по истории СССР. Вып.2. Под ред. А.Д.Горского. Русская феодальная деревня I-XIII вв.-М.: Высш. Шк., 1987.С, 78-81.

Задание к тексту:

1. Что общего и в чем отличия документов №5, №18 и №19?

Документ № 20.

Судебник 1497 г.

1. Судити суд бояром и околничим. А на суде быти у бояр и у околничих диаком. А посулов бояром, и околничим, и диаком от суда и от печаловиниа не имати; також и всякому судие посула от суда не имати никому. А судом не мстити, ни дружити никому.

2. А каков жалобник к боярину придет, и ему жалобников от себе не отсылати, а давати всемь жалобником управа в всемь, которым пригоже. А которого жалобника а непригоже управити, и то сказати великому князю, или к тому его послати, которому которые люди приказаны ведати.

3. А имати боярину и диаку в суде от рублевого дела на виноватом, кто будет виноват, ищеа или ответчик, и боярину на виноватом два алтына, а диаку осьмь денег. А будет дело выше рубля или ниже, и боярину имати по тому росчету.

4. О полевых пошлинах. А досудятся до поля, а у поля не стояв, помиряться, и боярину и диаку по тому росчету боярину с рубля два алтына, а диаку осьмь денег; а околничему, и диаку, и неделщиком пошлин полевых нет.

5. А у поля стояв помиряться, и боярину и диаку имати по тому ж росчету пошлины свои; а околничему четверть и диаку четыре алтыны з денгою, а недельщику четверть, да неделщику ж вязчего два алтына.

6. А побиются на поли в заемном деле или в бою, и боярину с диаком взяти на убитом противень противу исцева; а околничему полтина, а диаку четверть, а недельщику полтина да неделщику ж вясчего 4 алтыны.

7. А побиются на поли в пожеге, или в душегубстве, или в разбои, или в татьбе, ино на убитом исцево доправити; да околничему на убитом полтина на доспех, а диаку четверть, а неделщику полтина, да неделщику ж вясчего 4 алтыны. А сам убитой в казни и в продажи боярину и диаку.

8. А татьбе. А доведут на кого татьбу, или разбой, или душегубство, или ябедничество, или иное какое лихое дело, ибудет ведомой лихой, и боярину того велети казнити смертною казнью, а исцево велети доправити изь его статка, а что ся у статка останеть, ино то боярину и диаку имати себе. А противень и продажа боярину и диаку делити: боярину два алтына, а диаку осьмь денег. А не будет у которого лихого статка, чем исцево заплатити, и боярину лихого истцу вь его гыбели не выдати, а велети его казнити смертною казнию тиуну великого князя московскому да дворскому.

9. А государскому убойце и коромолнику, церковному татю, и головному, и подымщику, и зажигалнику, ведомому лихому человеку живота не дати, казнити его смертною казнью.

10. О татех. А которого татя поимают с какою татбою ни будт впервые, опроче церковные татбы и головные, а в ыной татбе в прежней довода на него не будет, ино его казнити торговою казнию, бити кнутием да исцево на нем доправя, да судие его продати. А не будет у того татя статка, чем исцево заплатить, ино его бив кнутием, да исцу его выдать вь его гибели головою на продажю, а судье не имати ничего на нем.

11. А поимают татя вьдругые с таттбою, ино его казнити смертною казнию, а исцево заплатити изь его статка, а досталь его статка судье. А не будет у того татя статка с ысцеву гыбель, ино его исцу в гибели не выдати, казнити смертною казнью.

12. А на кого взмолвят детей боярских человек пять или шесть добрых, по великого князя по крестному целованию, или черных человек пять-шесть добрых христиан целовалников, что он тать, а довода на него в прежнем деле не будет, у кого крал или кому татбу плачивал, ино на том взяти исцеву гыбель бес суда.

13. О поличном. А с поличным его приведут впервые, а взмолвят на него человекь пять или шесть по великого князя по крестному целованию, что он тать ведомой, и преж того неодинова крадывал, ино того казнити смертною казнию, а исцево заплатити из его статка.

15. О правовой грамоте. А от правые грамоты имати от печати с рубля по девяти денег, а диаку от подписи с рубля по алтыну, подьячему, которой грамоту напишет правую, имати с рубля по три денги.

16. О докладном списке. А докладной список боярину печати своею печатью, а диаку подписывати. А имать боярину от списка с рубля по алтыну, а диаку от подписи с рубля по четыре денги, а подьячему, которой на списке напишет, с рубля по две денги.

17. О холопией и правовой грамоте. А с холопа и с робы от правые грамоты и от отпустные боярину имати от печати с головы по девяти денег, а диаку от подписи по алтыну с головы, а подъячему, которой грамоту правую напишет или отпустную, с головы по три денги.

18. О отпусной грамоте. А положит кто отпустную без боярского докладу и без диачей подписи, или з городов без наместнича докладу, за которым боярином кормление с судом боярским, ино та отпустнаа не в отпустную, опроче тое отпустные, что государь своею рукою напишет, и та отпустнаа грамота в отпустную.

19. О неправом суде. А которого обинит боярин не по суду и грамоту правую на него сь диаком дасть, ино та грамота не в грамоту, а взятое отдати назад, а боярину и диаку в том пени нет, а исцем суд с головы.

20. О наместниче указе. А наместником и волостелем, которые держат кормлениа без боярьского суда, холопа и робы без докладу не выдати, ни грамоты беглые не дати; також и холопу и робе на государя грамоты правые не дати без докладу, и отпутные холопу и робе не дати.

21. О великом князи. А с великого князя суда и с детей великого князя суда имати на виноватом по тому же, как и с боярского суда, с рубля по два алтына, кому князь велики велит.

30. Указ о езду. А езду от Москвы до Коломны полтина, до Каширы полтина, до Хотуни десять алтын.

38.А бояром или детям боярским, за которыми кормления с судом с боярским, имуть судити, а на суде у них быти двоьскому, и старосте и лучшим людем. А без дворского, и без старосты, и без лутчих людей суда наметником и волостелем не судити; а посула им от суда не имати, и их тиуном и их людем посула от суда не имати же, ни на государя своего, ни на тиуна, и пошлинником от суда посулов не просити. А имати ему с суда, оже доищется ищея своего, и ему имати на виноватом противень по грамотам, то ему и с тиуном; а не будеть где грамоты, и ему имати противу исцева....

37. Указ наместником о суде городскым. А в которой город или волость в которую приедет неделщик или его человек с приставною, и ему приставная явити наместнику ил волостелю, или их тиуном. А будут оба исца того города или волости судимыя, и ему обоих исцов поставити пред наместником или пред волостелем или перед их тиуны.

38.А бояром или детям боярским, за которыми кормления с судом с боярским, имуть судити, а на суде у них быти дворьскому, и старосте и лутчимь людем. А без дворского, и без старосты, и без лутчих людей суда наместником и волостелем не судити; а посула им от суда не имати, и их тиуном и их людем посула от суда не имати же, ни на государя своего, ни на тиуна, и пошлинником от суда посулов не просити. А имати ему с суда, оже доищется ищея своего, и ему имати на виноватом противень по грамотам, то ему и с тиуном; а не будеть где грамоты, и ему имати противу исцева. А не доищется ищея своего, а будет виноват ищея, и ему имати на ищеи с рубля по два алтына, а тиуну его с рубля по осьми денег. А будет дело выше рубля или ниже, ино имати на ищеи по тому ж росчету. А довод ику имати хоженое и езд и правда по грамоте. А досудятся до поля да помирятся, и ему имати по грамоте. А побиются на поли, и ему имати вина и противень по грамоте. А где нет грамоты, а помирятся, и ему имати противень вполы исцева, то ему и тиуном. А побиются на поли в заемном деле, или в бою, и ему имати противень против исцева. А побиются на поли в пожеге, или в душегубстве, или в разбое, или в татьбе, ино на убитом исцево доправити, а сам убитой в казни и в продажи наместнику, то ему с тиуном.

39. О татех указ. А доведут на кого татбу, или разбой, или душегубство, или ябедничество, или иное какое лихое дело, а будет ведомой лихой, и ему того велети казнити смертною казнью, а исцево доправити из его статка, а что ся у статка останет, ино то наместнику и его тиуну имати себе. А не будет у которого у лихого статка, чем исцево заплатить, и ему того лихого исцю вь его гибели не выдавати, велети его казнити смертною казнью.

40. О правовой грамоте. А от пра ой грамоты имати боярину или сыну боярьскому, за которым кормления с судом с боярьским, с рубля по полутретья алтына от печати, то ему и с тиуном; а дьяку, которой грамоту правую напишеть, от писма с рубля имати по три денги. А тиун дасть грамоту правую, и он емлеть от печати с рубля по полутретья алтына на государя своего и на себя, а дьяк его емлеть с рубля по три денги. А с холопа и с робы от правые грамоты от отпустные имати боярину или сыну боярскому, за которым кормление с судом з боярским, от печати з головы по полутретья алтына. А дьяк его от писма з головы по три денги.

48. О послушестве. А кого послух послушествует в бою или в грабежю или в займех, ино судити на того волю, на ком ищут, хощут, хощет на поле в послухом лезет, или став у поля, у креста положит, на нем ищут, и истець бес целованиа свое возмет, и ответчикь и полевые пошлины заплатит, а вины ему убитые нет. А не стояв у поля, у креста положит, и он судиамь пошлину по списку заплатит, а полевых ему пошлин нет.

49. А противу послуха ответчик будет стар, или мал, или безвечен, или поп, или чернец, или черница, или жонка, ино противу послуха наймит наняти волно, а послуху наймита нет. А что правому учинится убытка или его послуху, ино те убытки на виноватом.

50.А наймит не дослужит своего урока, а пойдет прочь, и он найму лишен.

51.О займех. А который купець, идучи в торговлю, возмет у кого денги или товар, да на пути у него утеряется товар безхитростно, истонет, или згорить, или рать возметь, и боярин обыскав, да велит дати тому диаку великого князя полетную грамоту с великого князя печатию, платити исцеву истину без росту. А кто у кого взявши что в торговлю, да шед пропиет или иным какым безумием погубит товар свой без напраздньства, и того исцю в гибели выдати головою на продажу.

56.А холопа полонит рать татарская, а выбежит ис полону, и он слободен, а старому государю не холоп.

57. О христианском отказе. А христианом отказыватися из волости, ис села в село, один срок в году, за неделю до Юрьева дни осеннего и неделю после Юрьева дни осеннего. Дворы пожилые платят в полех за двор рубль, а в лесах полтина. А котрой христианин поживет за ким год, да поидет прочь, и он платит четверть двора, а два года поживет да поидеть прочь, и он полдвора платит; а три годы поживет, а поидет проч, и он платит три четверти двора; а четыре года поживет, и он весь двор платит.

60. А который человек умрет без духовные грамоты, а не будет у него сына, ино статок весь и земли дочери; а не будет у него дочери, ино взяти ближнему от его рода.

62. О межах. А кто сотреть межу или грани ссечет из великого князя земли боярина и монастыря, или боярской и монастырской у великого князя земли, или боярской или монастырской у боярина, или боярской у монастыря, и кто между сорал или грани ссек, ино того бити книтием, да исцу взяти на нем рубль. А христиане промежу себя в одной волости или в селе кто у кого межу переорет или перекосит, ино волостелем или поселскому имати на том за боран по два алтына и за рану присудят, посмотря по человеку и по ране и по рассуждению.

66.О полной грамоте. По полной грамоте холоп. По тиуньству и по ключю по сельскому холоп з докладом и без докладу, и с женою и с детьми, которые у одного государя; а которые его дети у иного или себе учнут жити, то не холопи; а по городскому ключю не холоп; по робе холоп, по холопе роба, приданой холоп, по духовной холоп.

67. О посулех и о послушестве. Да велети пркликать по торгом на Москве и во всех городех Московские земли и Новгородцкие земли и по всем волостем заповедати, чтобы ищея и ответчик судиам и приставом посулу не сулили в суду, а послухом не видев не послушествовати, а видевши сказати правду. А послушествует послух лживо не видев, а обыщется то опосле, ино на том послухе гибель исцева вся и с убыткы.

Справка:

Статья 1 определяет состав боярского суда и пределы его компетенции. Суд осуществляется членами Боярской Думы, занимавшими высшие придворные должности и исполнявшими фактически обязанности судей. В целях ограничения судебных прав бояр и необходимости ведения судопроизводства, к боярскому суду допускаются представители иных сословий – дьяки. Первоначально дьяки появились в штате князя и, как правило, занимались оформлением его духовных и иных грамот. Иногда они даже были холопами, на что указывают документы времен Ивана Калиты. Первые официальные упоминания о великокняжеском казенном дьяке встречаются в 1447-1453 гг., а в 1493 году появляется упоминание о «Казне». Она понимается как Казенный приказ с дьяками и делопроизводством, ведавший личным имуществом великого князя, его казной, а также архивом.

Боярская Дума в качестве суда первой инстанции судила своих собственных членов, должностных лиц приказов и местных судей, разбирала споры о местничестве и иски служилых людей, не пользовавшихся привилегией великокняжеского суда. Боярская дума была высшей инстанцией по отношению к местному суду. В нее передавались по докладу дела, изьятые из самостоятельного ведения суда, а также дела от приказных судей, когда между ними не было согласия, или порядок их решения не предусматривался законом. Помимо этого Боярская Дума была, наряду с великим князем апеляционной инстанцией.

Цитировано по: Российское законодательство X-XX веков. Т.2.С.54-62.

Задания к тексту:

1. Можно ли утверждать, что власть бояр расширялась?

2. Как оплачивался труд судей?

3. Почему воровство строго наказывалось?

4. Мог ли хозяин отпустить холопа или раба на волю?

5. Как часто крестьяне могли менять место жительства?

Документ № 21.

Теория Москва — третий Рим.

(Послание старца Елизарова Монастыря Филофея

Василию III 1515-1521 гг.)

Иже от вышняя и от всемощныя, вся содрежащия десница божия, имь же цирие царствуют, и им же велицыи величаются и силнии пишут правду, тебе пресветлейшему и всокостолнейшему государю великому князю, православному христианскому царю и всех владыце, браздодержателю святых божиих престол святыя вселенскыя соборгыя апостольская церкви пресвятыя богородицы, честнаго и славного еа успения, иже вместо римския и константинопольския прсиявшу, Старого убо Рима церкви падеся неверием аполинариевы ереси; втораго Рима Константинова града церкви, агаряне внуцы, секирами и оскордами разсекоша двери. Сиа же нынетретиаго новаго Рима, державного твоего царствия святая соборная апостольская церкви, иже в концых вселенныа в православной христианстьей вере во всеи поднебеснеи паче солнца светится. И да весть твая держава... яко вся царства православныя христианския веры, снидошася в твое единое царство. Един ты во всеи поднебесной христианом царь....

Подобает тебе, царю, сии держати со страхом божиим... Не уповай на злато и богатство и славу: вся бо сия зде собрана, и на земле зде остают.... Не обиди, царю. святых божиих церквей и честных монастырей... Утеши плачущих..., избави обидимых... Да аще добро устроиши свое царство, будешь сын света и гражданин вышнего Иерусалима... И ныне глаголю: блюди и внемли, благочестивый царю, яко вся хрестианская царьства снидошася в твое едино, яко два Рима падоша, а третий стоит, а четвертому не быти...

Справка:

Оскорд - большой топор

В книге: Хрестоматия по истории СССР, под ред. А.А.Зимина.- М.: 1962. С.65-68.

Заданя к тексту:

1. Кто стал автором идеи «Москва - третий Рим»?

2. Что, по мнению Филофея, погубило две предыдущие столицы христианского мира?

3. Каким должен быть центр христианского мира, по мнению старца Филофея?

4. Какой смысл вкладывался в понятие «третий Рим»?

Документ № 22.

Судебник 1550 г.

1.Суд царя и великого князя судити боаром, и околничим, и дворецким, и казначеем, и дьякам. А судом не дружити и не имати никому, и посулу в суде не имати; також и всякому судье посулов в суде не имати.

2. А которой боярин, или дворецкой, или казначей, или дьяк просудится, а обвинит кого не по суду безхитростно, или список подпишет и правую грамоту даст, а обыщестя то в правду, и боярину, и дворецкому, и околничему, и казначею, и диаку в том пени нет; а истцом суд з головы, а взятое отдати.

3. А который боярин, или дворецкой, или казначей, или дьяк в суде посул возмет и обвинит не по суду, а обыщется то в правду, и на том боярине, или на дворецком, или на казначеи, или на дьяке взяти исцов иск, а пошлины царя и великого князя, и езд, и правда, и пересуд, и хоженое, и правой десяток, и пожелезное взяти втрое, а в пене что государь укажет.

4. А который дьак список нарядит или дело запишет не по суду, не так, как на суде было, без боярьского, или без дворецкого, или без казначеева ведома, а обыщется то в правду, что он от того посул взял, на том дьаке взяти перед боярином вполы да кинути его в тюрьму.

5. Подьачий, которой запишет не по суду для посула без дьячего прика у, и того подьячего казнити торговою казнью, бити кнутем.

6. А кто виновный солжет на боярина, или на околничего, или на дворецкого, или на казначева, или на дьяка, или на подьячего, а обыщетца то в правду, что он солгал, и того жалобника, сверх его вины, казнити торговою казнью, бити кнутьем, да вкинути в тюрму.

7. А кто х которому боярину, или дворецкому, или казначею, или к дьяку придет жалобник его приказу, и ему жалобников своего приказу от собя не отсылати, а давати ему жалобником своего приказу всем управа, которой будет жалобник бьет челом по делу; а которому будет жалобнику без государева ведома управы учинити не мочно, ино челомбитье его сказати царю государю. А которой боярин, или дворецкой, или казначей, или дьак жалобника своего приказу отошлет, а жалобницы у него не возмет, и управы ему или указу не учинит, и царю государю челомбитьа его не скажет, и учнет тот жалобник бити челом государю, что ему управы не учинили, и государь ту его жалобницу отошлет тому, чей суд, и велит ему управу учинити, и бояре ему, или дворецкой, или казначей управы не учинят же, и тем, которые управы не учинят, быти от государя в опале. А которой жалобник бьет челом не по делу и бояре ему откажут, и тот жалобник учнет бити челом, докучати государю, и того жалобника вкинути в тюрму.

11. А побьются на поле в заемном деле или бою, и околничему полтина да за доспех убитого три рубля, а дьаку четверть рубля, да недельщику полтина, да неделщику ж вясчего четыре алтына без дву денег, а подьячему две денги...

14. А биться на поле бойцу з бойцом или небойцу с небойцом, а бойцу с небойцом не биться; а похочет небоец з бойцом на поле битись, ино им на поле битись. Да и во всяких делех бойцу з бойцом, а небойцу с небойцом, или бойцу с небойцом по небойцове воле на поле биться по тому ж.

35. А с холопа и с робы от правые грамоты и от отпускные боарину, или дворецкому, или казначею имати от печати з головы по девяти денег, а дьяком имати от подписи з головы по алтыну, а подьячему, которой правую грамоту напишет или отпускную, з головы имати по три денги.

36. А кто займет денги в рост в кабалу, и на те кабалы отписи без боярского докладу и без дьячей подписи не быти. А боярину от всякиа отписи, в колке отпись ни буди, имати от печати по три денги, а дьяку имати от подписи по две денги, а подьячему, которой отпись напишет, имати по денги.

37. А с царева и великого князя суда и с детей царя и великаго князя суда пошлин на виноватом по тому ж, как и з боярьского суда, с рубля по одиннадцати денег, кому государь укажет, а дьяку семь денег, а подьячему две денги.

38. А цареву и великого князя печатнику и детей царя и великого князя печатнику от печати имати от правые грамоты с рубля по девяти денег, а дьяку с рубля по алтыну, а подьячему, которой правую грамоту напишет, имати с рубля по три денги.

39. А с докладного списка царя и великаго князя докладу и детей царя и великого князя докладу имати цареву и великаго князя печатнику и детей царя и великаго князя печатнику имати с рубля по девяти денег, а дьяку от подписи с рубля по алтыну, а подьячему, которой на списке напишет, имати с рубля по две денги.

40. А с холопа и с робы от правые грамоты имати печатнику з головы по девяти денег, а дьяку от подписи имати по алтыну, а подьячему, которой правую грамоту напишет, имати з головы по три денги.

41. А от срочных подписей имати дьяку с срочные по две денги, а от отписных срочных дьяку имати от подписи с рубля по три денги, а подьячим от подписи имати с рубля по две денги. А похотят оба исца, ищеа и ответчик, срок отписати, и оне оба платят от подписи, от писма и неделщику хоженое по половинам. А которой ищеа или ответчик к сроку не приедет, а пришлет срок отписывати, и тому все платити...

52. А приведут кого с поличным впервые, ино его судити да послати про него обыскати. И назовут его в обыску лихим человеком, ино его пытати; и скажет на себя сам, ино казнити смертною казнью; а не скажет на себя сам, ино его вкинути в тюрму до смерти, а исцов иск платити из его статка. А скажут в обыску, что он доброй человек, ино дело врьшити по суду.

53. А пошлют которого неделщика имати татей или розбойников, и ему имати татей и розбойников безхитростно, а не норовити ему никому; а изымав ему татя или розбойника, не отпустити, ни посулов не взяти; а опричных ему людей не имати. А поноровит которой неделщик татю или розбойнику по посулом, а его отпустит, и уличат его в том, и на том неделщике исцов иск доправити, а его казнити торговою канью да вкинути в тюрму, а в казни что государь укажет.

54. А у которого неделщика сидят тати, и ему татя без докладу татя не спустити, на поруку не дати и не спродати ему татя. А которой неделщик без докладу, и без боярского и без дьячего ведома, татей подает на поруку или татя спродаст, и уличат его в том, и на том неделщике исцов иск доправити вдвое, да казнити его торговою казнью да кинути в тюрму, а в казни что государь укажет.

55. А которого татя поимают с татбою с какою ни буди впервые, оприч церковные и головные татбы, а в ыной в прежней татбы довода на него не будет, ино его казнити торговою казнью, бив кнутьем, да исцов иск доправити, а его дати на крепкую поруку; а не будет по нем крепкые поруки, ино его вкинути в тюрму, доколе порука по нем будет. А не будет у которого татя столке статков, чем исцево заплатити, ино его, бив кнутьем, да исцу в его гибели выдати головою на правеж до искупа; а исца дати на поруку, что ему, доправя свое отдати его бояром; а не похочет истец по себе поруки дати в том, что ему, иск свой доправя, да того татя привести к судье, и того татя кинути в тюрму, доколе по нем порука будет; а как по нем порука будет, и тогды на нем за его порукою, хто его выручил ис тюрмы, исцов иск доправити. А как истец взяв на нем свое, отдаст его бояром, и боярин велит его дати на крепкую поруку, кто ему будут вперед иные исцы; а не будет по нем крепкие поруки, ино его кинути в тюрму, доколе по нем порука будет. А судье с того не имати ничего.

Задания к тексту:

1.Чем отличается формулировка первой статьи документа №20 от документа №22?

2. Какие проблемы, по мнению законодателя, представляли серьёзную опасность для государства?

3. Какие тенденции в социальной политике московского государя нашли отражение в статьях Судебника?

4. Можно ли утверждать, что взятки в судах были распространенным явлением?

5. Какие виды должностных преступлений перечисляет Судебник?

6. Была ли вотчина частной собственностью?

Документ № 23.

⇐ Предыдущая 2 3 4 5 6 789 10 11 Следующая ⇒